ಪ್ರಸ್ತುತ ರಾಜ್ಯದ ವಿದ್ಯುತ್ ಬೇಡಿಕೆ ಗರಿಷ್ಠ 8,597 ರಿಂದ ಕನಿಷ್ಠ 5,900 ಮೆಗಾವಾಟ್ವರೆಗೆ ಇದೆ. ಜಲಮೂಲದಿಂದ ರಾಜ್ಯಜಾಲಕ್ಕೆ 600 ಮೆವಾವರೆಗೆ ವಿದ್ಯುತ್ ಲಭ್ಯವಾಗುತ್ತಿದೆ. ಸೌರ-ಪವನ ಮೂಲದಿಂದ ಐದು ಸಾವಿರ ಮೆವಾಗೂ ಹೆಚ್ಚು ವಿದ್ಯುತ್ ಉತ್ಪಾದನೆ ಆಗುತ್ತಿದೆ. ಕೇಂದ್ರ ಜಾಲದಿಂದ 1,600 ಮೆವಾವರೆಗೆ ಲಭ್ಯವಾಗುತ್ತಿದೆ. ಹೀಗಾಗಿ ಶಾಖೋತ್ಪನ್ನ ಕೇಂದ್ರಗಳ ಘಟಕಗಳನ್ನು ಕಳೆದ ಐದಾರು ದಿನಗಳಿಂದ ಹಂತಹಂತವಾಗಿ ಸ್ಥಗಿತಗೊಳಿಸುತ್ತಾ ಬರಲಾಗಿದೆ. ಲಾಕ್ಡೌನ್ ಸಂದರ್ಭ ಕೈಗಾರಿಕೆಗಳಲ್ಲಿ ಕಾರ್ಯ ಚಟುವಟಿಕೆ ನಡೆಸಲು ಅನುಮತಿಯೇನೋ ಇದೆ. ಆದರೆ, ಇಲ್ಲೆಲ್ಲ ಪೂರ್ಣ ಪ್ರಮಾಣದಲ್ಲಿ ಚಟುವಟಿಕೆ ನಡೆಯದೆ ಇರುವುದಿಂದ ವಿದ್ಯುತ್ ಬೇಡಿಕೆಯಲ್ಲಿ ಇಳಿಮುಖವಾಗಿದೆ.
