ಗುಡ್ಡದಿಂದ ಉರುಳಿದವನ ಕತ್ತು ಸೀಳಿತ್ತು; ಪ್ರಾಣ ಉಳಿಸುವಂತೆ ಗೋಗರೆದ ಯುವಕ..

ಧಾರವಾಡ: ಗುಡ್ಡದಿಂದ ಉರುಳಿದ ಯುವಕನೊಬ್ಬನ ಕತ್ತು ಸೀಳಿರುವುದು ಕಂಡುಬಂದಿದ್ದು, ಆತ ಪ್ರಾಣ ಉಳಿಸುವಂತೆ ಗೋಗರೆದ ದಯನೀಯ ಪ್ರಕರಣವೊಂದು ನಡೆದಿದೆ. ಧಾರವಾಡ ಹೊರವಲಯದಲ್ಲಿ ಇಂಥದ್ದೊಂದು ಸನ್ನಿವೇಶ ಕಂಡುಬಂದಿತ್ತು.

ಹಾವೇರಿ ಮೂಲದ ನವೀನ್ ದೊಡಮನಿ (30) ಗಾಯಗೊಂಡ ಯುವಕ. ಧಾರವಾಡ ಹೊರವಲಯದ ನುಗ್ಗಿಕೇರಿ ಗುಡ್ಡದಿಂದ ಉರುಳುತ್ತ ಕೆಳಕ್ಕೆ ಬಂದ ಈತನ ಕತ್ತು ಕೊಯ್ದಿದ್ದು, ತೀವ್ರ ರಕ್ತಸ್ರಾವಕ್ಕೀಡಾಗಿ ಉಡುಪೆಲ್ಲ ತೋಯ್ದುಹೋಗಿತ್ತು.

ಗುಡ್ಡದಿಂದ ಕೆಳಗೆ ಜನರನ್ನು ಕಂಡ ಈತ ಪ್ರಾಣ ಉಳಿಸುವಂತೆ ಗೋಗರೆದಿದ್ದಾನೆ. ಯುವಕನ ಸ್ಥಿತಿ ಕಂಡು ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಸೀಳಿದ ಕತ್ತಿನ ನೋವಿನೊಂದಿಗೆ ನವೀನ್ ಅಂಗಲಾಚುತ್ತಿದ್ದ ದೃಶ್ಯ ಸ್ಥಳೀಯರ ಮೊಬೈಲ್​ಫೋನ್​ನಲ್ಲಿ ಸೆರೆಯಾಗಿದೆ. ಯಾರೋ ಕತ್ತು ಕೊಯ್ದು ಕೊಲೆಗೆ ಯತ್ನಿಸಿರುವ ಸಾಧ್ಯತೆ ಇದೆ ಎನ್ನಲಾಗಿದ್ದು, ಗಾಯಾಳುವನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ಧಾರವಾಡ ಗ್ರಾಮೀಣ ಠಾಣಾ ವ್ಯಾಪ್ತಿಯಲ್ಲಿ ಈ ಪ್ರಕರಣ ನಡೆದಿದೆ.

https://www.vijayavani.net/couple-sent-their-daughter-to-america-while-they-going-back-to-home-both-died-in-an-accident/

https://www.vijayavani.net/dr-c-n-manjunath-to-be-continued-as-director-of-jayadeva-hospital/