ದೀಪಾವಳಿ ಸಂಭ್ರಮದಲ್ಲೂ ಅಪ್ಪುವನ್ನು ಮರೆಯದ ಯುವತಿಯರು; ಹಿರಿಯರ ಸ್ಥಾನದಲ್ಲಿ ಪುನೀತ್‌ಗೂ ಪೂಜೆ; ಹೀಗೂ ಹಬ್ಬ ಆಚರಣೆ..

ವಿಜಯನಗರ: ದೀಪಾವಳಿ ಹಬ್ಬದ ಸಂಭ್ರಮದಲ್ಲಿರುವ ಈ ಯುವತಿಯರು ಆ ಖುಷಿಯಲ್ಲೂ ಪುನೀತ್‌ ರಾಜಕುಮಾರ್‌ ಅವರ ಅಗಲಿಕೆಯ ನೋವನ್ನು ಮರೆತಿಲ್ಲ. ಹಬ್ಬದ ಜೊತೆಜೊತೆಗೆ ಅವರನ್ನು ನೆನಪಿಸಿಕೊಂಡಿದ್ದು ಮಾತ್ರವಲ್ಲ, ತಮ್ಮ ಹಿರಿಯರ ಸ್ಥಾನದಲ್ಲಿರಿಸಿ ಪೂಜೆಯನ್ನೂ ಮಾಡಿದ್ದಾರೆ. ಆ ಮೂಲಕ ವಿಭಿನ್ನವಾಗಿ ಹಬ್ಬವನ್ನು ಆಚರಿಸಿದ್ದಾರೆ.

ವಿಜಯನಗರ ಜಿಲ್ಲೆಯ ತಾಂಡಾಗಳ ಯುವತಿಯರು  ಈ ಮೂಲಕ ಗಮನ ಸೆಳೆದಿದ್ದಾರೆ. ಇಲ್ಲಿನ ಲಂಬಾಣಿ ಸಮುದಾಯದವರು ದೀಪಾವಳಿಯ ಸಂದರ್ಭದಲ್ಲಿ ಮಾಡುವ ಮೇರ (ಕಟೌಟ್‌ ಥರದ ಪ್ರತಿಮೆ) ಮತ್ತು ಹಿರಿಯರ ಪೂಜೆ ಜೋರಾಗಿರುತ್ತದೆ.

ಹೊಸಪೇಟೆ ತಾಲೂಕಿನ ಸೀತಾರಾಮ್‌ ತಾಂಡಾದ ಈ ಆಚರಣೆಯಲ್ಲಿ ಇಲ್ಲಿನ ಯುವತಿಯರು ಹಿರಿಯರಿಗೆ ಸಲ್ಲಿಸುವ ಪೂಜೆಯನ್ನು ಅಪ್ಪು ಫೋಟೋ ಇಟ್ಟು ಪೂಜಿಸುವ ಜತೆಗೆ ತಮ್ಮ ನೆಚ್ಚಿನ ನಟನಿಗೂ ಸಲ್ಲಿಸಿದ್ದಾರೆ. ಹೂವಿನ ಹಡಗಲಿ ತಾಲೂಕಿನ ಅಂಕ್ಲಿ ತಾಂಡಾದ ಯುವತಿಯರು ಪುನೀತ್‌ ರಾಜಕುಮಾರ್‌ಗೂ ಮೇರ ಮಾಡಿ ಪೂಜೆ ಸಲ್ಲಿಸಿದ್ದಾರೆ.

https://www.vijayavani.net/police-recieved-complaint-demanding-enquiry-regarding-puneeth-rajakumars-death/

https://www.vijayavani.net/two-died-after-centring-fell-down/