ಬಾಲಕಿ ಸಾವಿನಿಂದ ಕುಟುಂಬಕ್ಕೆ ಬರ ಸಿಡಿಲು

ಯಲಬುರ್ಗಾ: ಜೀವನ ಸಾಗಿಸಲು ಹುಬ್ಬಳ್ಳಿಗೆ ತೆರಳಿದಾಗ ಕಿರಾತಕನಿಂದ ಕರುಳಿನ ಕುಡಿ ಇಹಲೋಕ ತ್ಯಜಿಸಿರುವುದು ತಾಲೂಕಿನ ಗ್ರಾಮವೊಂದರ ಬಡ ಕುಟುಂಬಕ್ಕೆ ಬರ ಸಿಡಿಲು ಬಡಿದಂತಾಗಿದೆ.

ಹುಬ್ಬಳ್ಳಿಯಲ್ಲಿ ಏ.13 ರಂದು ಬಿಹಾರದ ಕಿರಾತಕ ರಿತೇಶ್ ಕುಮಾರನಿಂದ ಯಲಬುರ್ಗಾ ತಾಲೂಕಿನ ಗ್ರಾಮವೊಂದರ ಬಾಲಕಿ ಕೊಲೆಯಾಗಿದ್ದಳು. ಪೊಲೀಸರು ಆತ್ಮರಕ್ಷಣೆಗೆ ರಿತೇಶ್ ಗುಂಡೇಟಿಗೆ ಹತನಾದನು. ಇದು ದೇಶದಲ್ಲಿ ವ್ಯಾಪಕ ಮೆಚ್ಚುಗೆಗೆ ಕಾರಣವಾಯಿತು. ಆದರೆ ದುಡಿಮೆ ಅರಸಿ ದೂರದ ಹುಬ್ಬಳ್ಳಿಗೆ ತೆರಳಿದಾಗ ಮಗಳನ್ನು ಕಳೆದುಕೊಂಡ ಪಾಲಕರ ಸ್ಥಿತಿ ದೇವರೇ ಬಲ್ಲ.ಶರಣಪ್ಪ ಹಾಗೂ ಲತಾ ಅವರಿಗೆ ಇಬ್ಬರು ಹೆಣ್ಣು ಮಕ್ಕಳಿದ್ದಾರೆ. ಮೊದಲನೇ ಮಗಳು ಅಂಗವಿಕಲೆ. ಎರಡನೇಯ ಮಗಳೇ ಬಿಹಾರದ ದುಷ್ಕರ್ಮಿಯಿಂದ ಕೊಲೆಯಾದವಳು. ಅವಳು ಕುಟುಂಬದಲ್ಲಿ ಪ್ರೀತಿಗೆ ಪಾತ್ರಳಾಗಿದ್ದಳು. ಅಲ್ಲದೆ ತುಂಟತನ ಎಲ್ಲರಿಗೂ ಅಚ್ಚುಮೆಚ್ಚು. ಬಾಲಕಿ ಕಿರಾತಕನ ಸಂಚಿಗೆ ಬಲಿಯಾಗಿದ್ದು ಕುಟುಂಬದ ನೋವಿಗೆ ಕೊನೇ ಇಲ್ಲದಂತಾಗಿದೆ.