ಎಸ್ಸಿ ಮೋರ್ಚಾ ರಾಜ್ಯ ಉಪಾಧ್ಯಕ್ಷ ಗೋಪಾಲ ಘಟಕಾಂಬಳೆ ಮಾತನಾಡಿ, ಯತ್ನಾಳರ ವಿಚಾರದಲ್ಲಿ ತಡವಾಗಿಯಾದರೂ ಬಿಜೆಪಿ ಹೈಕಮಾಂಡ್ ಒಳ್ಳೆಯ ನಿರ್ಧಾರವನ್ನೇ ತೆಗೆದುಕೊಂಡಿದೆ. ಇದರಿಂದ ಕಾರ್ಯಕರ್ತರಿಗೆ ಸಮಾಧಾನವಾಗಿದೆ. ಬಿಜೆಪಿ ಶಿಸ್ತಿನ ಪಕ್ಷ. ಕೇಂದ್ರ ನಾಯಕರು ಯತ್ನಾಳರಿಗೆ ಎರಡು ವರ್ಷಗಳಿಂದ ಅವಕಾಶ ನೀಡಿದರೂ ಯತ್ನಾಳ ಸುಧಾರಿಸಲಿಲ್ಲ. ಅವರ ಬೆಂಬಲಿಗರಾದರೂ ಉತ್ತಮ ಸಲಹೆ ಕೊಡಬೇಕಿತ್ತು. ಪಕ್ಷಕ್ಕೆ ಹಾನಿಯಾಗುತ್ತಿದ್ದು ಸುಮ್ಮನಿರಿ ಎಂದು ಹೇಳಿದ್ದರೆ ಇಂದು ಈ ಸ್ಥಿತಿ ಬರುತ್ತಿರಲಿಲ್ಲ. ಇಷ್ಟೆಲ್ಲಾ ಆದರೂ ಯತ್ನಾಳರು ಮರಳಿ ಬಿಜೆಪಿ ಸೇರುವುದಾಗಲಿ, ಅವರ ಬೆಂಬಲಿಗರು ಪಕ್ಷಕ್ಕೆ ತೆಗೆದುಕೊಳ್ಳಿ ಎಂದು ಹೇಳುವುದಾಗಲಿ ಮಾಡಿದರೆ ಹಾಗೊಂದು ವೇಳೆ ಯತ್ನಾಳ ಮರಳಿ ಬಿಜೆಪಿಗೆ ಬಂದರೆ ಅವರಷ್ಟು ನಿರ್ಲಜ್ಜರು ಬೇರೆ ಯಾರೂ ಇಲ್ಲವೆಂದು ಖಾರವಾಗಿ ಪ್ರತಿಕ್ರಿಯಿಸಿದರು.
