ತಾಲೂಕು ಕೇಂದ್ರದಿಂದ 9 ಕಿಮೀ ದೂರದಲ್ಲಿರುವ ಕುಡಗುಂಟಿ ಗ್ರಾಂದ ಸರ್ಕಾರಿ ಶಾಲೆಯಲ್ಲಿ 1 ರಿಂದ 7ನೇ ತರಗತಿವರೆಗೆ 211 ವಿದ್ಯಾರ್ಥಿಗಳು ಅಭ್ಯಾಸ ಮಾಡುತ್ತಿದ್ದಾರೆ. ಶಿಕ್ಷಕರ ಕ್ರಿಯಾಶೀಲ ಚಟುವಟಕೆಗಳಿಗೆ ಎಸ್ಡಿಎಂಸಿ ಸದಸ್ಯರ ಪ್ರೋತ್ಸಾಹದಿಂದ ಮಕ್ಕಳ ಹಾಜರಾತಿ ಪ್ರಮಾಣ ಹೆಚ್ಚಿದೆ. ಶಾಲಾ ಆವರಣದಲ್ಲಿ ತೆಂಗು, ಬೇವು, ಚೆರ್ರಿ ಸೇರಿ ತರಹೇವಾರಿ ಗಿಡಗಳನ್ನು ನೆಟ್ಟು ಬೆಳಸಲಾಗಿದೆ. ಅಲ್ಲದೆ ವಿದ್ಯಾರ್ಥಿಗಳ ಆರೋಗ್ಯ ದೃಷ್ಟಿಯಿಂದ ದಾನಿಗಳ ಸಹಕಾರದೊಂದಿಗೆ ವಾರಕ್ಕೊಮ್ಮೆ ಮೊಳಕೆಕಾಳು ವಿತರಿಸುವ ಕಾರ್ಯ ಆರಂಭಿಸಿ ಗಮನ ಸೆಳೆದಿತ್ತು. ಅತ್ಯುತ್ತಮ ಕಾರ್ಯನಿರ್ವಹಿಸಿದ ಫಲವಾಗಿ ಶಾಂತವೇರಿ ಗೋಪಾಲಗೌಡ ಜನ್ಮಶತಮಾನೋತ್ಸವ ಅಂಗವಾಗಿ ಚೇತನ್ ಫೌಂಡೇಷನ್ ನೀಡುವ ರಾಜ್ಯದ 12 ಶಾಲೆಗಳ ಪೈಕಿ ಕುಡಗುಂಟಿ ಸಹಿಪ್ರಾ ಶಾಲೆ, ಎಸ್ಡಿಎಂಸಿ ಪ್ರಶಸ್ತಿಗೆ ಭಾಜನವಾಗಿದೆ.
