623 ಅಂಕ ಪಡೆದ ಕಾರ್ತಿಕ್ ಬಿ.ಎನ್.ಗೆ ರಾಜ್ಯಕ್ಕೆ ತೃತೀಯ, ಕೊಪ್ಪಳ ಜಿಲ್ಲೆಗೆ ಪ್ರಥಮ ಸ್ಥಾನ

ಯಲಬುರ್ಗಾ: ಬಳೂಟಗಿ ಗ್ರಾಮದ ಸರ್ಕಾರಿ ಪದವಿ ಪೂರ್ವ ಕಾಲೇಜಿನ (ಪ್ರೌಢ ವಿಭಾಗ) ವಿದ್ಯಾರ್ಥಿ ಕಾರ್ತಿಕ್ ಬಿ.ಎನ್. ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ 625ಕ್ಕೆ 623 (ಶೇ.99.68) ಅಂಕ ಪಡೆದು ರಾಜ್ಯಕ್ಕೆ ತೃತೀಯ ಹಾಗೂ ಜಿಲ್ಲೆಗೆ ಪ್ರಥಮ ಸ್ಥಾನ ಪಡೆದಿದ್ದಾರೆ.

ಮಗನ ಅತ್ಯುತ್ತಮ ಸಾಧನೆಗೆ ಪಾಲಕರು ಹರ್ಷ

ಪ್ರತಿದಿನ ಗಜೇಂದ್ರಗಡದಿಂದ ತಾಲೂಕಿನ ಬಳೂಟಗಿ ಗ್ರಾಮದ ಹೈಸ್ಕೂಲ್‌ಗೆ ಬಸ್ ಮೂಲಕ ತೆರಳುತ್ತಿದ್ದ. ವಿದ್ಯಾರ್ಥಿಯ ತಂದೆ ದೊಡ್ಡಬಸಪ್ಪ ವೃತ್ತಿಯಲ್ಲಿ ಉಪನ್ಯಾಸಕರಾಗಿದ್ದಾರೆ.ಮಗ ಕನ್ನಡ ಮಾಧ್ಯಮದಲ್ಲಿ ವಿದ್ಯಾಭ್ಯಾಸ ಮಾಡಲೆಂದು ಸರ್ಕಾರಿ ಶಾಲೆಗೆ ಸೇರಿಸಿದ್ದರು. ಮಗನ ಅತ್ಯುತ್ತಮ ಸಾಧನೆಗೆ ಪಾಲಕರು ಹರ್ಷ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ:

ಇದೇ ಶಾಲೆಯ ಪವಿತ್ರಾ ಉಳ್ಳಾಗಡ್ಡಿ 603 ಅಂಕ ಪಡೆದು ಉತ್ತಮ ಸಾಧನೆ ಮಾಡಿದ್ದಾರೆ. ಪರೀಕ್ಷೆಗೆ ಹಾಜರಾದ ಒಟ್ಟು 84ರಲ್ಲಿ 79 ವಿದ್ಯಾರ್ಥಿಗಳು ಪಾಸಾಗಿದ್ದಾರೆ. ಶಾಲೆಯ ಒಟ್ಟು ಫಲಿತಾಂಶ ಶೇ.95ರಷ್ಟಾಗಿದೆ. ವಿದ್ಯಾರ್ಥಿಗಳ ಸಾಧನೆಗೆ ಶಾಲಾ ಆಡಳಿತ ಮಂಡಳಿ, ಪಾಲಕರು ಹರ್ಷ ವ್ಯಕ್ತಪಡಿಸಿದ್ದಾರೆ.

ಯಲಬುರ್ಗಾ ಪಟ್ಟಣದ ಮಂಜುನಾಥ ಪ್ರೌಢ ಶಾಲೆ ಶೇ.100 ಸಾಧನೆ ಮಾಡಿದೆ. ಒಟ್ಟು 18 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದು ಎಲ್ಲರೂ ಉತ್ತೀರ್ಣರಾಗಿದ್ದಾರೆ. ಸಮೀನಾ ನಿಶಾನಿ 578 (ಶೇ.93) ಪ್ರಥಮ, ಖಾಜಾಬನ್ನಿ ಬಾದಾಮಿ 560 (90) ದ್ವಿತೀಯ ಸ್ಥಾನ ಪಡೆದಿದ್ದಾರೆ.