ಮಿದುಳಿನ ಆರೋಗ್ಯವನ್ನು ಪ್ರಮುಖವಾಗಿ 4 ಕಾಯಿಲೆಗಳು ಕಾಡುತ್ತವೆ. ಡಿಮೆನ್ಷಿಯ ಎಂಬ ಕಾಯಿಲೆ ಮಿದುಳಿಗೆ ಬಲುಬೇಗ ತಗುಲುತ್ತದೆ. ಇದು ಸ್ಮರಣ ಶಕ್ತಿ ನಾಶಗೊಳಿಸಿ, ಪ್ರತಿದಿನದ ಕೆಲಸಕ್ಕೆ ತೊಡಕುಂಟಾಗುತ್ತದೆ. 2ನೇಯದು ಪಾರ್ಶ್ವವಾಯು. ಮಿದುಳಿಗೆ ಕಡಿಮೆ ಆಮ್ಲಜನಕ ಪೂರೈಕೆಯಾದಾಗ ಈ ರೋಗ ಬರುತ್ತದೆ. ಅಧಿಕ ರಕ್ತದ ಒತ್ತಡ, ಮಧುಮೇಹ, ಬೊಜ್ಜು, ಉದ್ವೇಗ ಮತ್ತು ಅಧಿಕ ಕೊಲೆಸ್ಟ್ರಾಲ್, ಹೃದಯ ಸಂಬಂಧಿತ ಕಾಯಿಲೆ, ಮದ್ಯಪಾನ/ಧೂಮಪಾನದಿಂದ ಪಾರ್ಶ್ವವಾಯು ಉಂಟಾಗುತ್ತದೆ. 3ನೇಯದು ಅಪಸ್ಮಾರ (ಫಿಟ್ಸ್). ಮಿದುಳಿನ ಅಸ್ವಸ್ಥತೆಯಿಂದ ಎರಡು ಅಥವಾ ಹೆಚ್ಚು ಬಾರಿ ಮೂರ್ಛೆ ಹೋದರೆ ಅದನ್ನು ಅಪಸ್ಮಾರ ಎನ್ನುತ್ತಾರೆ. ಪಾರ್ಶ್ವವಾಯು, ಮಿದುಳಿನಲ್ಲಿ ಸೋಂಕು ಅಥವಾ ಗಡ್ಡೆ ಬೆಳೆಯುವಿಕೆ, ತಲೆಗೆ ತೀವ್ರ ಪೆಟ್ಟು ಬಿದ್ದರೆ ಫಿಟ್ಸ್ ಬರುತ್ತದೆ. 4ನೇಯದು ತಲೆ ಅಥವಾ ಕುತ್ತಿಗೆ ಭಾಗದಲ್ಲಿ ಕಂಡು ಬರುವ ತಲೆನೋವು. ಮೈಗ್ರೇನ್, ಉದ್ವೇಗದಿಂದ ಬರುವ ತಲೆನೋವು, ಕ್ಲಸ್ಟರ್ ತಲೆನೋವು, ದೈನಂದಿನ ತಲೆನೋವು, ಸೈನುಸೈಟೀಸ್ ಮತ್ತು ಬಿಪಿಯಿಂದ ತಲೆನೋವು ಬರುತ್ತದೆ. ಒತ್ತಡ, ಆತಂಕ, ನಿದ್ರೆ ಕೊರತೆ, ಹೆಚ್ಚು ಸಮಯ ಬಿಸಿಲಲ್ಲಿರುವುದು, ಹವಾಮಾನ ಬದಲಾವಣೆ, ಅತಿಯಾಗಿ ಕಾಫಿ, ಮದ್ಯಪಾನ, ಧೂಮಪಾನದಿಂದಲೂ ತಲೆನೋವು ಬರುತ್ತದೆ.
