ಮಂಗಳೂರು: ಲಾರಿ, ಟ್ರಕ್ಗಳಲ್ಲಿ ಓವರ್ಲೋಡ್ಗೆ ಸರ್ಕಾರ ಅಧೀನದ ಸಂಸ್ಥೆಗಳೂ ಕಾರಣವಾಗಿವೆ. ಭ್ರಷ್ಟಾಚಾರಿ ಸಾರಿಗೆ, ಪೊಲೀಸ್ ಇಲಾಖೆಗಳಿಂದಾಗಿ ಇದು ನಡೆಯುತ್ತಿದೆ. ಸೆಪ್ಟೆಂಬರ್ 1ರಿಂದ ಇಂತಹ ಯಾವುದೇ ಓವರ್ಲೋಡ್ ಸೂಚನೆಯನ್ನು ಪರಿಗಣಿಸುವುದಿಲ್ಲ ಎಂದು ಕರ್ನಾಟಕ ಲಾರಿ ಮಾಲೀಕರು, ಏಜೆಂಟ್ಗಳ ಒಕ್ಕೂಟದ ಅಧ್ಯಕ್ಷ ಷಣ್ಮುಗಪ್ಪ ಹೇಳಿದ್ದಾರೆ. ನವಮಂಗಳೂರು ಬಂದರು ಮಂಡಳಿಯಿಂದಲೇ ಹೊರಡುವ ಟ್ರಕ್ಗಳಲ್ಲಿ ಟನ್ಗಟ್ಟಲೆ ಓವರ್ಲೋಡ್ ಮಾಡಲಾಗುತ್ತಿದೆ. ಇದನ್ನು ನಿಷೇಧಿಸುವಂತೆ ಜಿಲ್ಲಾಡಳಿತ, ಸಾರಿಗೆ ಇಲಾಖೆಗೂ ವಿನಂತಿಸ ಲಾಗಿದೆ. ಓವರ್ಲೋಡ್ನಿಂದಾಗಿ ರಸ್ತೆ ಕೆಡುತ್ತದೆ, ಅಲ್ಲದೆ ಎಲ್ಲ ಲಾರಿ ಮಾಲೀಕರಿಗೆ ಅವಕಾಶಗಳು ಸಿಗುತ್ತಿಲ್ಲ. ಭ್ರಷ್ಟಾಚಾರ ನಿಲ್ಲಬೇಕು, ಓವರ್ಲೋಡ್ ಕೂಡ ನಿಲ್ಲಬೇಕು ಎಂದು ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಸ್ಪಷ್ಟಪಡಿಸಿದರು.
