`ಸಾಂಸ್ಕೃತಿಕ ನಾಯಕ ಬಸವಣ್ಣ` ಕಾರ್ಯಕ್ರಮದ ಅಂಗವಾಗಿ ಬಹಿಷ್ಕೃತ ಹಿತಕಾರಿಣಿ ಸಭಾ, ಅನುರಾಗ ಸಾಂಸ್ಕೃತಿಕ ಬಳಗ, ರೈಸಿಂಗ್ ಸ್ಟಾರ್ಸ್ ಕಲ್ಚರಲ್ ನೃತ್ಯ ಅಕಾಡೆಮಿ ಮತ್ತು ಗಣಕರಂಗ ಆಶ್ರಯದಲ್ಲಿ ಡಿ. 7ರಂದು ಮಧ್ಯಾಹ್ನ 2 ಗಂಟೆಗೆ ಜಿಲ್ಲೆಯ ಮಹಿಳಾ ಮಂಡಳ ಹಾಗೂ ಮಹಿಳಾ ಭಜನಾ ಮಂಡಳಿಗಳಿಗಾಗಿ `ಬಸವಣ್ಣನವರ ಸಮೂಹ ವಚನ ಗಾಯನ' ಸ್ಪರ್ಧೆಯನ್ನು ಕರ್ನಾಟಕ ವಿದ್ಯಾವರ್ಧಕ ಸಂಘದ ನಾಡೋಜ. ಡಾ. ಪಾಟೀಲ ಪುಟ್ಟಪ್ಪ ಸಭಾಭವನದಲ್ಲಿ ಏರ್ಪಡಿಸಿದೆ. ಕನಿಷ್ಠ 5 ಮಹಿಳೆಯರು ಭಾಗವಹಿಸಬಹುದು. 5 ನಿಮಿಷ ಕಾಲಾವಕಾಶ ಇರುತ್ತದೆ. ವಾದ್ಯಗಳ ಸಂಗಡ ಹಾಡು ಪ್ರಸ್ತುತಪಡಿಸಬಹುದು. ವಿಜೇತರಿಗೆ ಅದೇ ದಿನ ಸಂಜೆ ಬಹುಮಾನ ನೀಡಲಾಗುವುದು. ಆಸಕ್ತರು ಡಿ. 5ರೊಳಗೆ ಹೆಸರು ನೋಂದಾಯಿಸಬೇಕು. ಮಾಹಿತಿಗೆ ಕರ್ನಾಟಕ ವಿದ್ಯಾವರ್ಧಕ ಸಂಘದ ಕಚೇರಿಯನ್ನು ಸಂಪರ್ಕಿಸಬೇಕು ಎಂದು ಪ್ರಕಟಣೆ ತಿಳಿಸಿದೆ.
