ಮಹಿಳೆಯರ ಸ್ವಾವಲಂಬನೆಗೆ ಸಂಸ್ಥೆ ನೆರವು

ಅಂಕಲಗಿ: ಮಹಿಳೆಯರಲ್ಲಿ ಆರ್ಥಿಕ ಬಲವರ್ಧನೆ ಮತ್ತು ಸ್ವಾವಲಂಬನೆ ಗಟ್ಟಿಗೊಳಿಸುವುದು ಧರ್ಮಸ್ಥಳ ಗ್ರಾಮೀಣಾಭಿವೃದ್ಧಿ ಯೋಜನೆಯ ಮುಖ್ಯ ಧ್ಯೇಯ ಎಂದು ಧಗ್ರಾಯೋ ಜಿಲ್ಲಾ ನಿರ್ದೇಶಕ ಎಚ್​.ಆರ್​.ಲವಕುಮಾರ್​ ಹೇಳಿದರು. ಸಮೀಪದ ಸುಲಧಾಳದ ಜಡಿ ಸಿದ್ಧೇಶ್ವರ ಮಠದ ಆವರಣದಲ್ಲಿ ಶ್ರೀ ಧರ್ಮಸ್ಥಳ ಗ್ರಾಮೀಣಾಭಿವೃದ್ಧಿ ಯೋಜನೆ ಈಚೆಗೆ ಹಮ್ಮಿಕೊಂಡಿದ್ದ ಸಾಮೂಹಿಕ ವರಮಹಾಲಕ್ಷಿ$್ಮ ಪೂಜೆ ಮತ್ತು ಧಾರ್ಮಿಕ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಸಂದ ಸದಸ್ಯರು ಸಮಾಜಮುಖಿ ಕಾರ್ಯಕ್ರಮ ಆಯೋಜಿಸಿ ಮಹಿಳೆಯರಲ್ಲಿ ಸಾಂಘಿಕ ಶಕ್ತಿ ತುಂಬುವ ಜತೆಗೆ ಸ್ವಾವಲಂಬನೆ ಬದುಕಿಗೆ ಪ್ರೇರಣೆ ನೀಡುತ್ತಿರುವ ಕಾರ್ಯ ಮಾದರಿಯಾಗಿದೆ ಎಂದರು. ರುದ್ರಯ್ಯ ಸ್ವಾಮೀಜಿ, ಕರವೇ ಉಕ ಅಧ್ಯಕ್ಷ ಬಸವರಾಜ ಪಂಜಾನಟ್ಟಿ , ಗ್ರಾಪಂ ಅಧ್ಯಕ್ಷ ಮಹಾಂತೇಶ ಬಿಚಗತ್ತಿ, ಮಾರುತಿ ಗೋಡಲಕುಂದರಗಿ, ಸಂಗಪ್ಪ ಮೀಸಿನಾಯಿಕ, ಪ್ರೊ.ಇಂದಿರಾ ಪಾಟೀಲ, ಗೌಡಪ್ಪ ಹೊಳೆಯಾಚಿ, ಯೋಜನಾಧಿಕಾರಿ ರೋಹಿತ ಎಚ್​.ಎಚ್​., ವಲಯ ಮೇಲ್ವಿಚಾರಕಿ ರೇಣುಕಾ ಹಿರೇಮಠ, ಸಣ್ಣಪ್ಪ ಸನದಿ ಇತರರಿದ್ದರು.