ಪುಷ್ಪಲತಾ ಅವರು 14 ವರ್ಷದ ಹಿಂದೆ ಕೊಡುಗು ಜಿಲ್ಲೆಯ ಪಾಲಿಬೆಟ್ಟದ ಈಶ್ವರ್ ಎಂಬುವರನ್ನು ಮದುವೆಯಾಗಿದ್ದರು. ಬಳಿಕ ಮೈಸೂರಿಗೆ ಬಂದು ನೆಲೆಸಿದ್ದರು. ಪತಿ ವಿಪರೀಯ ಮದ್ಯ ಸೇವನೆ ಮಾಡುತ್ತಿದ್ದ ಕಾರಣ ಒಂದು ವರ್ಷದಿಂದ ಆತನಿಂದ ದೂರವಿದ್ದರು. ಈ ನಡುವೆ ಶಿವಮೊಗ್ಗದ ಭರತ್ ಎಂಬಾತನ ಪರಿಚಯವಾಗಿತ್ತು. ಕೆಲಸ ಹುಡುಕಿಕೊಂಡು ಶಿವಮೊಗ್ಗಕ್ಕೆ ಬಂದಿದ್ದ ಪುಷ್ಪಲತಾ ಮಿಳ್ಳಘಟ್ಟದ 3ನೇ ತಿರುವಿನಲ್ಲಿ ಭರತ್ ಜತೆಗೆ ವಾಸವಾಗಿದ್ದರು. ಈ ನಡುವೆ ಮದುವೆಯಾಗುವಂತೆ ಒತ್ತಾಯಿಸಿದ್ದಳು. ಆದರೆ ಭರತ್ ಮದುವೆಗೆ ನಿರಾಕರಿಸಿದ್ದ ಎನ್ನಲಾಗಿದೆ. ಇದರಿಂದ ಮನನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದು ಭರತ್ ವಿರುದ್ಧ ದೊಡ್ಡಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
