ನಾಲೆಗೆ ಟ್ರಾೃಕ್ಟರ್ ಉರುಳಿ ಮಹಿಳೆ ಸಾವು

ಕವಿತಾಳ: ಕೃಷಿ ಕೂಲಿ ಕಾರ್ಮಿಕರನ್ನು ಕರೆದೊಯ್ಯುತ್ತಿದ್ದ ಟ್ರಾೃಕ್ಟರ್ ಬುಧವಾರ ಹಾಲಾಪುರ ಗ್ರಾಮದ ಬಳಿ 74 ಉಪನಾಲೆಗೆ ಉರುಳಿದ್ದರಿಂದ ಸ್ಥಳದಲ್ಲೇ ಮಹಿಳೆ ಮೃತಪಟ್ಟಿದ್ದು, ಏಳು ಜನರು ಗಾಯಗೊಂಡಿದ್ದಾರೆ.

ಹಾಲಾಪುರದ ಅಂಬಮ್ಮ ರಂಗಪ್ಪ ನಾಯಕ ಪಾಮನಕಲ್ಲೂರು ಮೃತೆ. ಸಣ್ಣಪುಟ್ಟ ಗಾಯವಾದ ಕೆಲವರನ್ನು ಸ್ಥಳೀಯ ಆಸ್ಪತ್ರೆ ಹಾಗೂ ಐವರಲ್ಲಿ ಮೂವರನ್ನು ಮಸ್ಕಿ, ಇಬ್ಬರು ಮಹಿಳೆಯರನ್ನು ರಾಯಚೂರು ಆಸ್ಪತ್ರೆಗೆ ಸೇರಿಸಲಾಗಿದೆ.

ಕಾಲುವೆ ಬಳಿ ಮುಂದಿನ ವಾಹನವನ್ನು ಹಿಂದಿಕ್ಕಿ ಅವಸರವಾಗಿ ಹೋಗುವಾಗ ಟ್ರಾಕ್ಟರ್ ಚಾಲಕನ ನಿಯಂತ್ರಣ ತಪ್ಪಿ ಪಲ್ಟಿಯಾಗಿದೆ. ನಾಲೆಯಲ್ಲಿ ಹೆಚ್ಚು ನೀರಿಲ್ಲದ ಕಾರಣ ಹೆಚ್ಚಿನ ಜೀವಹಾನಿ ತಪ್ಪಿದೆ. ಚಾಲಕನ ನಿರ್ಲಕ್ಷೃವೇ ಕಾರಣ ಎನ್ನಲಾಗಿದೆ. ಈ ಕುರಿತು ಕವಿತಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.