ತಾಲೂಕಿನ ನಗರ ಹಾಗೂ ಗ್ರಾಮಾಂತರ ಪ್ರದೇಶಗಳಲ್ಲಿ ಸೋಮವಾರ ಮಧ್ಯಾಹ್ನ ಸುರಿದ ಗಾಳಿ ಮಳೆಗೆ 10ಕ್ಕೂ ಅಧಿಕ ಮನೆಗಳಿಗೆ ಹಾನಿಗೊಂಡಿವೆ. ಅಲಂಗಾರು, ಚಂದ್ರಾಪುರ, ಪಳಕಳ, ಆಶ್ರಯ ಕಾಲೋನಿ ಪರಿಸರದಲ್ಲಿ ಗಾಳಿಮಳೆಗೆ ಆರು ಮನೆಗಳು ಹಾನಿಗೀಡಾಗಿವೆ. ಪುತ್ತಿಗೆ ಗ್ರಾಮದ ಗುಡ್ಡೆಯಂಗಡಿ ಆನಡ್ಕದಲ್ಲಿರುವ ಚೆಲ್ಲಾ ಎಂಬುವವರ ಮನೆ ಮನೆ ಮರಬಿದ್ದು ಹಾನಿಯಾಗಿದೆ. ಪುರಸಭೆ ವ್ಯಾಪ್ತಿಯ ಮಾರ್ಪಾಡಿ ಗ್ರಾಮ ಮಾರಿಯಾಡಿಯಲ್ಲಿ ಶೀನ ಪರವ ಅವರ ಮನೆ ಮೇಲೆ ಮರಬಿದ್ದು ನಷ್ಟವಾಗಿದೆ. ಚಂದ್ರಾಪುರದಲ್ಲಿ ನಾರಾಯಣ, ಶಾಂತಿ ರೋಡ್ರಿಗಸ್, ಸರಸ್ವತಿ ಶೆಟ್ಟಿಗಾರ್, ಜುಲಿಯಾನ ಡಿಸೋಜ, ಆಶ್ರಯ ಕಾಲೋನಿಯಲ್ಲಿ ಸತೀಶ್ ಸಾಲ್ಯಾನ್ ಹಾಗೂ ಸನಿಹದ ಮನೆಗೆ ಭಾಗಶಃ ಹಾನಿಯಾಗಿದೆ.
