ಬೆಂಗಳೂರು ಗ್ರಾಮಾಂತರ: ಜಲಚರಗಳ ಸಂಹಾರಕ ಎಂದೇ ಕುಖ್ಯಾತಿ ಪಡೆದಿರುವ, ಸರ್ಕಾರದಿಂದ ನಿಷೇಧಿಸಲ್ಪಟ್ಟಿರುವ ಆಫ್ರಿಕನ್ ಕ್ಯಾಟ್ಫಿಷ್ ದಂಧೆ ಜಿಲ್ಲೆಯ ಹಲವೆಡೆ ಸದ್ದಿಲ್ಲದೆ ಬೇರುಬಿಡುತ್ತಿದೆ. ಈ ರಾಕ್ಷಸ ಮೀನುಗಳು ಕೆರೆಗಳಿಗೆ
ಸೇರಿದರೆ ಮೀನುಗಳ ಸಂತತಿಯನ್ನೇ ಅಪೋಶನ ತೆಗೆದುಕೊಳ್ಳುವ ಆತಂಕ ಎದುರಾಗಿದೆ.
ಕಳೆದೆರಡು ವರ್ಷದಿಂದ ಸದ್ದಡಗಿದ್ದ ಆಫ್ರಿಕನ್ ಕ್ಯಾಟ್ಫಿಷ್ ಸಾಕಣೆ ದಂಧೆ ಮತ್ತೊಮ್ಮೆ ಆಕ್ಟೀವ್ ಆಗಿದೆ. ಈಗ ಜಮೀನುಗಳಲ್ಲಿ ಹೊಂಡಗಳನ್ನು ಮಾಡಿ, ಆಫ್ರಿಕನ್ ಕ್ಯಾಟ್ಫಿಷ್ ಸಾಕಣೆ ಮಾಡಲಾಗುತ್ತಿದೆ. ಇವು ಪಾರ್ಥೇನಿಯಂ ಕಳೆಯಂತೆ ವೇಗವಾಗಿ ಬೆಳೆಯುತ್ತವೆ. ಇವುಗಳ ತಳಿ ಕೆರೆಗಳಿಗೆ ಸೇರಿದರೆ ಕೆಲವೇ ತಿಂಗಳಲ್ಲಿ ಕೆರೆಗಳಲ್ಲಿನ ಮೂಲ ಮೀನುಗಳು ಸೇರಿ ಎಲ್ಲ ಬಗೆಯ ಜಲಚರಗಳನ್ನು ಆಪೋಶನ ತೆಗೆದುಕೊಳ್ಳಲಿದ್ದು, ಕೆರೆಗಳನ್ನು ಗುತ್ತಿಗೆ ಪಡೆದು ಲಾಂತರ ರೂ.ಬಂಡವಾಳ ಹಾಕುವವರಿಗೆ ದೊಡ್ಡ ಹೊಡೆತ ಬೀಳಲಿದೆ. ಸ್ಥಳಿಯ ನಾಟಿ ಮೀನುಗಳ ನಾಮಾವಶೇಷಕ್ಕೆ ಕಾರಣವಾಗುವಂತಹ ರಕ್ಕಸ ಮೀನುಗಳ ಆರ್ಭಟ ಹೆಚ್ಚಲಿದೆ. ಈ ನಿಟ್ಟಿನಲ್ಲಿ ಕಂದಾಯ ಇಲಾಖೆ, ಮೀನುಗಾರಿಕೆ ಇಲಾಖೆ ಹಾಗೂ ಪೊಲೀಸರ ಜಂಟಿ ಕಾರ್ಯಾಚರಣೆ ಅವಶ್ಯಕತೆ ಇದ್ದು, ಈ ದಂಧೆಯನ್ನು ಬೇರುಸಹಿತ ನಿಮೂರ್ಲನೆ ಮಾಡಬೇಕು ಎಂಬ ಆಗ್ರಹ ಕೇಳಿಬರುತ್ತಿದೆ.
ಗಬ್ಬುವಾಸನೆ: ಕ್ಯಾಟ್ಫಿಷ್ ಹೊಂಡಗಳಿರುವ ಸುತ್ತಮುತ್ತಲ ಪ್ರದೇಶ ಅಕ್ಷರಶ@ ಗಬ್ಬುನಾರುತ್ತಿದೆ. ಕಸಾಯಿಖಾನೆ ತ್ಯಾಜ್ಯ ಮತ್ತಿತರ ಹೊಲಸನ್ನೇ ತಿಂದು ಬದುಕುವ ಈ ಮೀನುಗಳ ಹೊಂಡದಿಂದ ಹೊರಹೊಮ್ಮುವ ಗಬ್ಬುವಾಸನೆ ಕಿಮೀವರೆಗೆ ಹರಡುತ್ತದೆ. ಸೊಳ್ಳೆ, ನೊಣಗಳ ಉತ್ಪತ್ತಿ ತಾಣವಾಗುತ್ತಿರುವ ಹೊಂಡಗಳು ಗ್ರಾಮೀಣ ಪ್ರದೇಶಗಳಲ್ಲಿ ಸಾಂಕ್ರಾಮಿಕ ಹರಡುತ್ತಿವೆ.
ಕೃಷಿಭೂಮಿಯಲ್ಲಿ ಕಾನೂನು ಬಾಹಿರ ಚಟುವಟಿಕೆ: ಗ್ರಾಮಾಂತರ ಜಿಲ್ಲೆಯ ಕೃಷಿಭೂಮಿ ಕಾನೂನುಬಾಹಿರ ಚಟುವಟಕೆಗಳಿಗೆ ಬಳಕೆಯಾಗುತ್ತಿದೆ. ಮುಖ್ಯವಾಗಿ ಮಾವು, ನೀಲಗಿರಿ ತೋಪುಗಳು ಕ್ಯಾಟ್ಫಿಷ್ ಹೊಂಡಗಳಾಗಿ ಪರಿವರ್ತನೆಯಾಗುತ್ತಿವೆ. ಈ ದಂಧೆ ನಡೆಯುವ ಸುತ್ತಮುತ್ತಲಿನ ಜಮೀನಿನಲ್ಲಿ ಯಾವುದೇ ಸಲು ಕಾಣಲು ಸಾಧ್ಯವಿಲ್ಲ. ಕ್ಯಾಟ್ಫಿಷ್ ಭಕ್ಷಣೆಗೆ ಮುಗಿಬೀಳುವ ಹದ್ದು, ಗಿಡುಗ, ಕಾಗೆಯಂಥ ಪಗಳು ಇತರ ಬೆಳೆಗಳಿಗೂ ಲಗ್ಗೆಹಾಕುತ್ತವೆ.
