ಕಾಡಾನೆ ದಾಂಧಲೆ ಕುರಿತು ಮಾಧ್ಯಮದವರೊಂದಿಗೆ ಪ್ರತಿಕ್ರಿಯೆ ನೀಡಿದ ತೋಟದ ಮಾಲೀಕ ಜೀವನ್ ಪಿಂಟೋ, ಹಲವು ವರ್ಷಗಳಿಂದ ಗ್ರಾಮದಲ್ಲಿ ಕಾಡಾನೆಗಳು ಬೀಡು ಬಿಟ್ಟಿವೆ. ಇದೀಗ ಕಾಡಾನೆಯೊಂದು ಕಳೆದ ಮೂರು ದಿವಸಗಳಿಂದ ತನ್ನ ತೋಟಕ್ಕೆ ಆಗಮಿಸಿದ್ದು ಶನಿವಾರ ಮುಂಜಾನೆ ಮತ್ತೆ ಆಗಮಿಸಿ ಫಸಲು ನಾಶಪಡಿಸಿದೆ. ಮನೆಯ ಹಿಂಭಾಗ ನೀರಿನ ಪೈಪ್ಅನ್ನು ಒಡೆದು ಹಾಕಿದೆ. ಘಟನೆಯ ಕುರಿತು ಅರಣ್ಯ ಇಲಾಖೆಯವರಿಗೆ ಮಾಹಿತಿ ನೀಡಿ ಮನವಿ ಸಲ್ಲಿಸಿದರೂ ಯಾವುದೇ ಪ್ರಯೋಜನವಾಗಲಿಲ್ಲ. ನಾನು ಸಾರ್ವಜನಿಕವಾಗಿ ಆಂಬುಲೆನ್ಸ್ ಸೇವೆಯನ್ನು ಒದಗಿಸುತ್ತಿದ್ದು ರಾತ್ರಿ ವೇಳೆಯಲ್ಲಿ ತುರ್ತಾಗಿ ಯಾರಾದರೂ ಕರೆದರೆ ಕಾಡಾನೆ ಭೀತಿಯಿಂದ ತೆರಳಲು ಹಿಂದೇಟು ಹಾಕುವಂತಾಗಿದೆ ಎಂದು ಅಳಲು ತೋಡಿಕೊಂಡರು.
