ಕೆರೆಯ ಸುತ್ತಲಿನ ಪ್ರದೇಶದಲ್ಲಿ ಬಯಲು ಬಹಿರ್ದೆಸೆ ತಡೆಯುವುದು, ಸ್ವಚ್ಛತೆ ಕಾಪಾಡುವ ಮತ್ತು ಪಕ್ಷಿ ವಿಕ್ಷಣೆಗೆ ಬರುವವರಿಗೆ ಉತ್ತಮ ವಾತಾವರಣ, ಅನುಕೂಲತೆ ಕಲ್ಪಿಸುವ ಬಗ್ಗೆ ಜಿಲ್ಲಾಧಿಕಾರಿ, ಜಿಲ್ಲಾ ಅರಣ್ಯಾಧಿಕಾರಿಯೊಂದಿಗೆ ಭೇಟಿ ನೀಡಿ ಚರ್ಚಿಸಲಾಗುವುದು. ಕೆರೆಯ ಅಭಿವೃದ್ಧಿ, ಪಕ್ಷಿಗಳ ಸಂರಕ್ಷಣೆ ವಿಷಯದಲ್ಲಿ ಗ್ರಾಮಸ್ಥರು ಸಹಕಾರ ನೀಡಿದ್ದಾರೆ. ಇನ್ನೂ ಹೆಚ್ಚಿನ ಸಹಕಾರದೊಂದಿಗೆ ಅಗತ್ಯ ಕ್ರಮ ಕೈಗೊಳ್ಳಲಾಗುವುದು.
ಭರತ ಎಸ್, ಸಿಇಒ
ಮಾಗಡಿ ಕೆರೆಗೆ ಬರುವ ವಿದೇಶಿ ಪಕ್ಷಿಗಳು...
ಮಂಗೋಲಿಯಾ, ಶ್ರೀಲಂಕಾ, ಪಾಕಿಸ್ತಾನ, ಬಾಂಗ್ಲಾದೇಶ, ಬರ್ಮಾ, ಭೂತಾನ್ ಮತ್ತು ಜಮ್ಮು-ಕಾಶ್ಮೀರದ ಲಡಾಕ್ನಲ್ಲಿನ ಸರೋವರಗಳು ಚಳಿಗಾಲದ ವೇಳೆ ಹೆಪ್ಪುಗಟ್ಟುವುದರಿಂದ ಪಕ್ಷಿಗಳು ಸಮಶೀತೋಷ್ಣವಲಯದ ಇಲ್ಲಿನ ಹಿತಕರ ವಾತಾವರಣ, ಆಹಾರ, ಆಶ್ರಯ ಅರಸಿ ಮಾಗಡಿ ಕೆರೆಗೆ ಬರುತ್ತವೆ. 4 ತಿಂಗಳ ಕಾಲ ವಿಹರಿಸುತ್ತವೆ. ಸಾವಿರಾರು ಕಿ.ಮೀ ದೂರದಿಂದ ಪ್ರತಿವರ್ಷ ಬರುವ ಪಕ್ಷಿಗಳಲ್ಲಿ ಪ್ರಮುಖವಾಗಿ ಬಾರ್ ಹೆಡೆಡ್ ಗೀಸ್, ಡೊಮಿಸಿಲ್ ಕ್ರೇನ್, ಬ್ರಾಹ್ಮಿಣಿಡಕ್, ಪೇಟೆಂಡ್ ಸ್ಪಾರ್ಕ್, ವೈಟ್ಇಬಿಸ್, ಬ್ಲಾಕ್ ಹೆಡೆಡ್ ಇಬೀಸ್, ವರಟೆ (ಸ್ಪಾಟ್ ಬಿಲ್ಡ್ ಡಕ್), ನೀರು ಕಾಗೆ ( ಕೋರ್ಮೊರೆಂಟ್), ನೆರಳೆ ಜಂಬು ಕೋಳಿ (ವರ್ಷಲ್ ಮೋರ್ ಹೆನ್) ಬೂದು ಮಂಗಟೆ ಹಕ್ಕಿ (ಗ್ರೇ ಹಾರ್ನ್ ಬಿಲ್) ಸೇರಿ ಅಂದಾಜು 30 ಜಾತಿಯ ಪಕ್ಷಿಗಳು ನೋಡುಗರನ್ನು ಆಕರ್ಷಿಸುತ್ತವೆ. ನವೆಂಬರ್ನಿಂದ ಮಾರ್ಚ್ವರೆಗೆ ನೆಲೆ ನಿಲ್ಲುವ ಪಕ್ಷಿಗಳ ಪ್ರಮುಖ ಆಹಾರ ರೈತರ ಜಮೀನುಗಳಲ್ಲಿನ ಶೇಂಗಾ ಕಾಳು, ಕಡಲೆ/ಕಡಲೆ ಚಿಗುರು, ತೊಗರಿ, ಚಿಗುರು ಹುಲ್ಲು ತಿನ್ನುತ್ತವೆ. ಈ ವರ್ಷ ಈಗಾಗಲೇ 6 ಸಾವಿರ ಪಕ್ಷಿಗಳು ಬಂದಿದ್ದು ಯುರೋಪದ ಗ್ರೇಯಲ್ಯಾಗ್ ಈ ವರ್ಷದ ವಿಶೇಷ ಅತಿಥಿಯಾಗಿದೆ.
