ಇಲಾಖೆಗಳ ನಿಷ್ಕಾಳಜಿ: ಗದಗ ಹೊರ ವಲಯದ ಕಳಸಾಪುರ, ನಾಗಾವಿ, ಬೆಳದಡಿ, ಚಿಕ್ಕ ಹಂದಿಗೋಳ ಸೇರಿ ಹಲವೆಡೆ ಮಣ್ಣು ಗಣಿಗಾರಿಕೆ ಹವ್ಯಾಹತವಾಗಿದೆ. ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಅಧಿಕಾರಿಗಳು ಸಂಬಂಧಿಸಿದ ಇಲಾಖೆಗಳೊಂದಿಗೆ ಪತ್ರ ವ್ಯವಹಾರ ನಡೆಸಿ ಕೈತೊಳೆದುಕೊಳ್ಳುತ್ತಿದ್ದಾರೆ. ಗಣಿಗಾರಿಕೆ ವ್ಯಾಪ್ತಿಯ ತಹಸೀಲ್ದಾರ್ ಕಚೇರಿ, ಅರಣ್ಯ ಇಲಾಖೆ, ಗ್ರಾಪಂ ಹಾಗೂ ಗೃಹ ಮಂಡಳಿಗೆ ಹಲವು ಬಾರಿ ಪತ್ರವ್ಯವಹಾರ ನಡೆಸಿದ್ದು ಬಿಟ್ಟರೆ ಕಠಿಣ ಕ್ರಮ ಕೈಗೊಂಡಿಲ್ಲ. ಆರ್ಟಿಒ ಅಧಿಕಾರಿಗಳ ಕಣ್ಣೆದುರೇ ಗೃಹ ಮಂಡಳಿ ಮತ್ತು ಆರ್ಡಿಪಿಆರ್ ಮಾಲೀಕತ್ವದ ಕಳಸಾಪುರ ಗ್ರಾಮ ವ್ಯಾಪ್ತಿಯ ಸರ್ವೇ ನಂ. 179/ಎ ಜಮೀನಿನಲ್ಲಿ ಲಕ್ಷಾಂತರ ರೂಪಾಯಿ ಮೌಲ್ಯದ ಅಕ್ರಮ ಮಣ್ಣು ಗಣಿಗಾರಿಕೆ ನಡೆದರೂ ಕ್ರಮ ಕೈಗೊಳ್ಳಲು ಅಧಿಕಾರಿಗಳು ಹಿಂದೇಟು ಹಾಕಿದ್ದಾರೆ. ಗಣಿಗಾರಿಕೆಯ ಜಮೀನು ನಮ್ಮ ಇಲಾಖೆ ವ್ಯಾಪ್ತಿಗೆ ಸಂಬಂಧಿಸಿದ್ದಲ್ಲ ಎಂಬ ಸಮಜಾಯಿಷಿ ನೀಡುತ್ತಿದ್ದಾರೆ.
