ಬೆಳಗ್ಗೆಯಿಂದಲೇ ಅಗ್ರೋದಕ ತರುವ ಮೂಲಕ ಧಾರ್ಮಿಕ ಕಾರ್ಯಕ್ರಮಗಳು ಆರಂಭವಾದವು. ಶ್ರೀ ಚಂದ್ರನಾಥ ಸ್ವಾಮಿಗೆ ಪಂಚಾಮೃತ ಅಭಿಷೇಕ, ಹೋಮ, ಶ್ರೀ ಚಂದ್ರನಾಥ ಜಿನರ ಮತ್ತು ಪಾರ್ಶ್ವನಾಥ ಜಿನರ ಜನ್ಮ ಕಲ್ಯಾಣ, ಲಘು ಜನ್ಮಾಭಿಷೇಕ, ಜಿನ ಬಾಲಕರ ವಿಹಾರ.ಅಷ್ಟದಿಕ್ಷು ಧಾಮ ಸಂಪ್ರೋಕ್ಷಣೆ, ಕ್ಷೇತ್ರಪಾಲ ದೇವರ ಆರಾಧನ ಪೂರ್ವಕ ಶ್ರೀ ಕ್ಷೇತ್ರಪಾಲ ಪ್ರತಿಷ್ಠೆ,ಪಾಂಡುಕಾ ಶಿಲೆಯಲ್ಲಿ ಶ್ರೀ ಚಂದ್ರನಾಥ ಮತ್ತು ಪಾರ್ಶ್ವನಾಥ ಜಿನ ಬಾಲಕರಿಗೆ ಜನ್ನಾಭಿಷೇಕ, ಕಂಕಣ ಬಂಧನ, ಧ್ವಜಕಟ್ಟೆಯಲ್ಲಿ ಪೂಜೆ, ನಾಗಾರಾಧನೆ ಪೂರ್ವಕ ನಾಗಪ್ರತಿಷ್ಠೆ, ಆಶ್ಲೇಷ ಬಲಿ, ವಟು ಆರಾಧನೆ, ಸುವಾಸಿನಿ ಪೂಜೆ, ಪ್ರಸನ್ನಪೂಜೆ, ಯಾಗ ಮಂಡಲ ಆರಾಧನೆ, ಧ್ವಜ ಮರ ಪೂಜೆ, ಚಂದ್ರನಾಥ ಮಹಾರಾಜರ ಪಟ್ಟಾಭಿಷೇಕ, ಪಾರ್ಶ್ವನಾಥರ ಯುವರಾಜ ಪಟ್ಟಾಭಿಷೇಕ, ರಾಜ್ಯಭಾರ, 56 ದೇಶದ ರಾಜರಿಂದ ಕಪ್ಪಕಾಣಿಕೆ ಸಲ್ಲಿಕೆ ಮುಂತಾದ ಕಾರ್ಯಕ್ರಮಗಳು ನಡೆಯಿತು.
