ಮಸಿ ಬಳಿದ ಪ್ರಕರಣ ತನಿಖೆ ನಡೆಸುತ್ತಿದ್ದೇವೆ

ಚನ್ನಮ್ಮನ ಕಿತ್ತೂರು: ಎಂ.ಕೆ.ಹುಬ್ಬಳ್ಳಿಯಲ್ಲಿ ಈಚೆಗೆ ಡಾ.ಬಿ.ಆರ್​. ಅಂಬೇಡ್ಕರ್​ ಭಾವಚಿತ್ರಕ್ಕೆ ಮಸಿ ಬಳಿದ ಪ್ರಕರಣಕ್ಕೆ

ಸಂಬಂಧಿಸಿದಂತೆ ತನಿಖೆ ನಡೆಸುತ್ತಿದ್ದೇವೆ. ತಪ್ಪಿತಸ್ಥ ಮೇಲೆ ಸೂಕ್ತ ಕಾನೂನು ಕ್ರಮ ಜರುಗಿಸುತ್ತೇವೆ ಎಂದು

ಕಿತ್ತೂರು ಸಿಪಿಐ ಶಿವಾನಂದ ಗುಡಗನಟ್ಟಿ ಹೇಳಿದರು.

ಪಟ್ಟಣದ ವೀರಭದ್ರೇಶ್ವರ ಕಲ್ಯಾಣ ಮಂಟಪದಲ್ಲಿ ಈಚೆಗೆ ಹಮ್ಮಿಕೊಂಡಿದ್ದ ಎಸ್ಸಿ, ಎಸ್ಟಿ ಜನಾಂಗದ ಕುಂದು&ಕೊರತೆ ಸಭೆಯಲ್ಲಿ ಮಾತನಾಡಿ, ಯಾವುದೇ ದೂರುಗಳಿದ್ದರೆ ಸಾರ್ವಜನಿಕರು ಅಧಿಕಾರಿಗಳಿಗೆ ನೇರವಾಗಿ ತಿಳಿಸಿ ಸಮಸ್ಯೆ ಪರಿಹರಿಸಿಕೊಳ್ಳಬೇಕು. ಎಲ್ಲ ಗ್ರಾಮಗಳಲ್ಲಿ ಸಮಸ್ಯೆ ಆಲಿಸಲು ಪ್ರತಿ ತಿಂಗಳು ಕಾನೂನು ತಿಳಿವಳಿಕೆ ಕಾರ್ಯಕ್ರಮ ಆಯೋಜಿಸುತ್ತೇವೆ ಎಂದರು.

ಮಿನಿ ವಿಧಾನಸೌಧದ ಎದುರು ಅಂಬೇಡ್ಕರ್​ ಮೂರ್ತಿ ಸ್ಥಾಪಿಸಬೇಕು. ರಾಷ್ಟ್ರೀಯ ಹೆದ್ದಾರಿ ಪಕ್ಕದ ಮದ್ಯದಂಗಡಿಗಳ ಎದುರು ಬಸ್​ ನಿಲುಗಡೆಗೆ ಕಡಿವಾಣ ಹಾಕಬೇಕು. ಪ್ರತಿ ಗ್ರಾಮಗಳಲ್ಲಿ ಪೊಲೀಸ್​ ಸಭೆ ನಡೆಸುವುದು. ಅಕ್ರಮ ಮರಳು ಸಾಗಣೆ, ಅಕ್ರಮ

ಮದ್ಯ ಮಾರಾಟ ತಡೆಗಟ್ಟುವಂತೆ ಸಮುದಾಯದ ಮುಖಂಡರು ಒತ್ತಾಯಿಸಿದರು.

ಪಿಎಸ್​ಐಗಳಾದ ಪ್ರವಿಣ ಗಂಗೋಳ, ಸುಮಾ ಗೋರಬಾಳ, ಜಿಪಂ ಮಾಜಿ ಉಪಾಧ್ಯ ಯಲ್ಲಪ್ಪ ವಕ್ಕುಂದ ಮಾತನಾಡಿದರು. ಪಿಎಸ್​ಐ ಪ್ರವಿಣ ಕೋಟಿ, ಮುಖಂಡರಾದ ಯಲ್ಲಪ್ಪ ವಕ್ಕುಂದ, ಸಂಜು ಲೋಕಾಪೂರ, ರಾಜು ಜಾಂಗಟಿ, ಪ್ರಸಾದ ತಳವಾರ,

ಶ್ರೀನಿವಾಸ ಗುಂಜಿ, ಗೌಡಪ್ಪ ಸಾಲಳ್ಳಿ, ಭೀಮಪ್ಪ ದುರ್ಗನ್ನವರ, ನಾಗಪ್ಪ ಅಸಲನ್ನವರ, ಕಾರ್ತಿಕ ತಳವಾರ,

ಶಿವಾನಂದ ತಳವಾರ, ಮಡಿವಾಳಪ್ಪ ವಕ್ಕುಂದ, ಶಿವಾನಂದ ಚಿನ್ನನ್ನವರ ಇತರರಿದ್ದರು