ಈಗಾಗಲೇ ಜಿಲ್ಲಾ ಕೇಂದ್ರದಲ್ಲಿ ಅಣಕನೂರು ಸಮೀಪದ ಬೈಪಾಸ್ ರಸ್ತೆ, ಜೈ ಭೀಮ್ ವಿದ್ಯಾರ್ಥಿ ನಿಲಯ, ವಾಪಸಂದ್ರ, ಬಿ.ಬಿ.ರಸ್ತೆಯಲ್ಲಿ ಕಲ್ಲಂಗಡಿ ಅಂಗಡಿಗಳು ವಹಿವಾಟಿನಲ್ಲಿ ತೊಡಗಿದ್ದು, ತಂಪು ಪಾನೀಯಾ, ಎಳನೀರು, ತಾಟನಿಂಗು ಸೇರಿ ಬಾಯಾರಿಕೆ ನೀಗಿಸುವ ಪಾನೀಯಾಗೆ ಜನ ಮೊರೆ ಹೋಗುತ್ತಿದ್ದಾರೆ. ಮತ್ತೊಂದೆಡೆ ಪ್ರತಿ ವರ್ಷದಂತೆ ಆಂದ್ರ ಸೇರಿದಂತೆ ಹಲವೆಡೆಯಿಂದ ವ್ಯಾಪಾರಿಗಳು ಲೋಡುಗಟ್ಟಲೇ ಹಣ್ಣನ್ನು ತರಿಸಿಕೊಂಡು ದಾಸ್ತಾನಿಟ್ಟಿದ್ದು ವಹಿವಾಟು ನಡೆಸುತ್ತಿದ್ದಾರೆ. ಈಗಾಗಲೇ ಕಲ್ಲಂಗಡಿಗೆ ಬೇಡಿಕೆ ಹೆಚ್ಚಾಗುತ್ತಿದ್ದು, ಅಂಗಡಿಗಳ ಮುಂಭಾಗ ಜನರು ನಿಂತು, ಕಲ್ಲಂಗಡಿ ಸೇವಿಸುವ ದೃಶ್ಯಗಳು ಕಂಡು ಬರುತ್ತಿವೆ. ಜತೆಗೆ ಹಲವು ಕೆ.ಜಿ ಲೆಕ್ಕದಲ್ಲಿ ಕಲ್ಲಂಗಡಿ ಖರೀದಿಸಿ ಮನೆಗಳಿಗೆ ತೆಗೆದುಕೊಂಡು ಹೋಗುತ್ತಿದ್ದಾರೆ. ಇತ್ತೀಚೆಗೆ ಸ್ಟುಡಿಯೋ, ಖಾಸಗೀ ಕಂಪನಿ ಸೇರಿದಂತೆ ಅಂಗಡಿಗಳಲ್ಲಿ ಅತಿಥಿಗಳಿಗಾಗಿ ಟೀ, ಕಾಫಿ, ಹಾಲು ತರಿಸಿ ಕೊಡುವುದರ ಬದಲು ತಂಪು ಪಾನೀಯಾಗಳಿಗೇನೇ ಆದ್ಯತೆ ನೀಡಲಾಗುತ್ತಿದೆ. ಸೇಬು, ಕಿತ್ತಲೆ, ಮೂಸಂಬಿ, ಸಪೋಟಾ, ಖರಬೂಜ, ದಾಳಿಂಬೆ ಸೇರಿ ಬಗೆ ಬಗೆಯ ಪಾನಿಯ ಮಾರಾಟದ ಅಂಗಡಿಗಳಲ್ಲಿ ಹೆಚ್ಚಿನ ಆದ್ಯತೆ ನೀಡಲಾಗಿದೆ. ಮುಂಬರುವ ದಿನಗಳಲ್ಲಿ ಐಸ್ಕ್ರೀಮ್ ಮತ್ತು ಐಸ್ ಕ್ಯಾಂಡಿ ಮಾರಾಟಕ್ಕೆ ಮತ್ತೆ ಕಳೆ ಬರಲಿದೆ.
