ಕುಡಿಯುವ ನೀರಿನ ಸಮಸ್ಯೆ: ಈ ನೀರಿನ ಟ್ಯಾಂಕ್ನಿಂದ ಹಲವು ಬಡಾವಣೆಗಳ ನೂರಾರು ಮನೆಗಳಿಗೆ ಕಾವೇರಿ ನೀರು ಸರಬರಾಜು ಮಾಡಲಾಗುತಿತ್ತು. ಘಟನೆ ನಂತರ ಈ ಮನೆಗಳಿಗೆ ನೀರಿನ ಸಂಪರ್ಕ ಬಂದ್ ಆಗಿದೆ. ಅಂದಿನಿಂದ ಸಂಬಂಧಪಟ್ಟವರು ಕುಡಿಯುವ ಕಾವೇರಿ ನೀರಿಗೆ ಯಾವುದೇ ಕ್ರಮ ಕೈಗೊಳ್ಳದಿರುವುದು ಅಲ್ಲಿನ ನಿವಾಸಿಗಳ ಆಕ್ರೋಶಕ್ಕೆ ಕಾರಣವಾಗಿದೆ. ಘಟನಾ ಸ್ಥಳಕ್ಕೆ ಎರಡು ಬಾರಿಗೆ ಭೇಟಿ ನೀಡಿದ ಮಾಜಿ ಸಿಎಂ ಎಚ್ಡಿ ಕುಮಾರಸ್ವಾಮಿ ಜನರ ಮಾನಸಿಕ ಗೊಂದಲಗಳನ್ನು ಗಮನಿಸಿ, ಟ್ಯಾಂಕ್ ಮತ್ತು ಪೈಪ್ಲೈನ್ನ್ನು ಹೊಸದಾಗಿ ನಿರ್ಮಿಸಿಕೊಡುವ ಭರವಸೆ ನೀಡಿದ್ದರು. ಆದರೆ, ಇದುವರೆಗೂ ಯಾವುದೇ ಪ್ರಗತಿ ಕಂಡಿಲ್ಲ. ಟ್ಯಾಂಕ್ನಿಂದ ಸಂಪರ್ಕವಿರುವ 10 ಮತ್ತು 11ನೇ ವಾರ್ಡ್ನ ನಿವಾಸಿಗಳಿಗೆ ಅಂದಿನಿಂದ ಬೋರ್ವೆಲ್ ನೀರು ಮಾತ್ರ ಸರಬರಾಜಾಗುತ್ತಿದ್ದು, ಕೆಲದಿನ ಮಾತ್ರ ಟ್ಯಾಂಕರ್ಗಳಿಂದ ನೀರು ಪೂರೈಸಲಾಗಿತ್ತು. ಇದೀಗ, ಎರಡು ತಿಂಗಳು ಕಳೆದರೂ ಕುಡಿಯುವ ನೀರಿಗೆ ಬದಲಿ ವ್ಯವಸ್ಥೆ ಇಲ್ಲದಿರುವುದು ಈ ಬಡಾವಣೆಯ ಜನತೆಯ ಅಸಮಾಧಾನಕ್ಕೆ ಕಾರಣವಾಗಿದೆ.
