ಕುಡಿಯುವ ನೀರಿನ ಅಭಾವ ಅಗತ್ಯ ಕ್ರಮಕ್ಕೆ ಆಗ್ರಹಿಸಿ ಜಿಲ್ಲಾಧಿಕಾರಿಗಳಿಗೆ ಮನವಿ

ಗದಗ: ಅವಳಿ ನಗರವಾದ ಗದಗ ಬೆಟಗೇರಿಯಲ್ಲಿ ಬೇಸಿಗೆಕಾಲ ಬರುವುದಕ್ಕಿಂತ ಮೊದಲೇ ಕುಡಿಯುವ ನೀರಿನ ಅಭಾವ ಉಂಟಾಗಿದ್ದು, ತಿಂಗಳಲ್ಲಿ ಎರಡು ಬಾರಿ ಮಾತ್ರ ನೀರು ಪೂರೈಕೆಯಾಗುತ್ತಿದ್ದು, ಇದರಿಂದ ನಗರದ ನಿವಾಸಿಗಳಿಗೆ ತಮ್ಮ ದೈನಂದಿನ ಜೀವನವನ್ನು ಸಾಗಿಸಲು ತೊಂದರೆಯಾಗಿದೆ. ಸಾಕಾಲಕ್ಕೆ ನೀರಿನ ಪೂರೈಕೆಯಾಗದಿರುವುದಕ್ಕೆ ಮೂಲ ಕಾರಣವೇ ನಾಗರಿಕರಲ್ಲಿ ಅರಿಯದಾಗಿರುತ್ತದೆ.

             ಈಗಾಗಲೇ ಹಲವಾರು ವಾರ್ಡಗಳಲ್ಲಿ ಬೋರ್ ವೆಲ್ ಪೈಪ್ ಮತ್ತು 24×7 ನೀರಿನ ಪೈಪ್ ಲೈನ್  ಒಡೆದು ನೀರು ಪೂರೈಕೆಯಲ್ಲಿ ವೆತ್ಯೇಯವಾಗುತ್ತಿದ್ದು, ಇದನ್ನು ಸರಿಪಡಿಸಲು ಹಲವಾರು ಬಾರಿ ಗದಗ ಬೆಟಗೇರಿ ನಗರಸಭೆಯ ಪೌರಾಯುಕ್ತರಿಗೆ ಹಾಗೂ ಸಹಾಯಕ ಅಭಿಯಂತರರ ಗಮನಕ್ಕೆ ಸಮಸ್ಯೆಗೆ ಸೂಕ್ತ ಪರಿಹಾರ ದೊರಕದಾಗಿರುತ್ತದೆ.

         ಈಗಾಗಲೇ ಅವಳಿ ನಗರದ 1 ರಿಂದ 35 ವಾರ್ಡಗಳಲ್ಲಿ ಬೋರ್ ವೇಲ್ ಹಾಗೂ ಪೈಪ್ ಲೈನಗಳನ್ನು ಹೊಸದಾಗಿ ಹಾಕಲು ಮತ್ತು ದುರಸ್ಥಿಕಾರ್ಯ ಕೈಗೊಳ್ಳಲು ಪ್ರತಿಯೊಂದು ವಾರ್ಡಿಗೂ ಐದು ಲಕ್ಷ ರೂಪಾಯಿಗಳ ಟೆಂಡರ್ ಕರೆದಿದ್ದು ಇನ್ನೂವರೆಗೂ ಸದರ ಟೆಂಡರ್ ಓಪನ್ ಮಾಡಿರುವದಿಲ್ಲ. ಇದರಿಂದ ಅವಳಿ ನಗರದ ನಾಗರಿಕರಿಗೆ ತುಂಬಾ ತೊಂದರೆಯಾಗಿದ್ದು, ಈ ಕೂಡಲೇ ಟೆಂಡರ್ ಓಪನ್ ಮಾಡಲು ಕ್ರಮ ಕೈಗೊಳ್ಳಬೇಕು. ಹಾಗೂ ನೀರಿನ ಅಭಾವ ಉಂಟಾಗುವ ವಾರ್ಡಗಳಿಗೆ ಟ್ಯಾಂಕರ ಮೂಲಕ ನೀರು ಪೂರೈಕೆಯಾಗಲು ಕನಿಷ್ಠ ಐದು ಟ್ಯಾಂಕರಗಳನ್ನು ಭಾಡಿಗೆ ರೂಪದಲ್ಲಿ ಪಡೆಯಲು ಕ್ರಮಕೈಗೊಳ್ಳಬೇಕೆಂದು ಆಗ್ರಹಿಸಿ  ಗದಗ ಬೆಟಗೇರಿ ನಗರಸಭೆಯ 23 ನೇ ವಾರ್ಡಿನ ಸದಸ್ಯರು ಹಾಗೂ ವಿರೋಧ ಪಕ್ಷದ ಉಪ ನಾಯಕರಾದ ಬರಕತಅಲಿ ಮುಲ್ಲಾ ರವರ ನೇತ್ರತ್ವದಲ್ಲಿ ಗದಗ ಜಿಲ್ಲಾಧಿಕಾರಿಗಳಿಗೆ ಮನವಿಯನ್ನು ಸಲ್ಲಿಸಲಾಯಿತು.

                ಈ ಸಂಧರ್ಭದಲ್ಲಿ ಗದಗ ಶಹರ ಕಾಂಗ್ರೇಸ್ ಸಮಿತಿಯ ಅಧ್ಯಕ್ಷರಾದ ಶ್ರೀ ಬಿ ಬಿ ಅಸೂಟಿ ನಗರಸಭಾ ಸದಸ್ಯರಾದ , ಲಕ್ಷ್ಮಿ ಸಿದ್ದಮ್ಮನಳ್ಳಿ ಯುವ ಕಾಂಗ್ರೇಸ್ ಅಧ್ಯಕ್ಷರಾದ ಅಶೋಕ ಮಂದಾಲಿ, ಅನಿಲ ಸಿದ್ದಮ್ಮನಳ್ಳಿ, ಶಕುಂತಲಾ ಅಕ್ಕಿ, ಚಾಂದಸಾಬ್ ಕೊಟ್ಟೂರ್, ಮುನ್ನಾ ರಶ್ಮಿ, ಅನಿಲ್ ಗರಗ ಹಾಗೂ ಇನ್ನಿತರರು ಉಪಸ್ಥಿತರಿದ್ದರು