ತಂದೆ ಚೌಡರೆಡ್ಡಿ ಮತ್ತು ತಾತ ವೆಂಕಟರಾಯಪ್ಪರೊಂದಿಗೆ ಸಂಜಯ್ ತೋಟಕ್ಕೆ ಹೋಗಿದ್ದ. ಮಧ್ಯಾಹ್ನ ನೀರು ಕುಡಿಯಲು ಹೋಗಿ, ಕಾಲು ಜಾರಿ ಕೃಷಿ ಹೊಂಡಕ್ಕೆ ಬಿದ್ದಿದ್ದಾನೆ. ಕೂಗಾಟವನ್ನು ಕೇಳಿಸಿಕೊಂಡು ಮೊದಲು ತಾತ, ಬಳಿಕ ತಂದೆ ರಕ್ಷಿಸಲು ಧುಮುಕಿದ್ದಾರೆ. ಬಾಲಕನೊಂದಿಗೆ ಮೇಲಕ್ಕೆ ಬರಲು ಪ್ರಯತ್ನಿಸಿದ್ದಾರೆ. ಆದರೆ, ಸಾಧ್ಯವಾಗಿಲ್ಲ. ಸಹಾಯಕ್ಕಾಗಿ ಮತ್ತೆ ಮೂವರು ಜೋರಾಗಿ ಕೂಗಿಕೊಂಡಿದ್ದಾರೆ. ಇದರಿಂದ ಪಕ್ಕದ ಜಮೀನಿನ ಪೆದ್ದಚೌಡರೆಡ್ಡಿ ಮತ್ತು ಸುದೀಪ್ ಹೊಂಡಕ್ಕೆ ಇಳಿದು, ಬಾಲಕನನ್ನು ಎಳೆದುಕೊಂಡು ರಕ್ಷಿಸಿದ್ದಾರೆ. ಆದರೆ, ಪಾಚಿಯ ನೀರಿನಲ್ಲಿ ಚೌಡರೆಡ್ಡಿ ಮತ್ತು ವೆಂಕಟರಾಯಪ್ಪ ಮುಳುಗಿ ಮೃತಪಟ್ಟಿದ್ದಾರೆ. ಅಸ್ವಸ್ಥ ಬಾಲಕನಿಗೆ ಚಿಂತಾಮಣಿ ನಗರ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಿದ್ದು ಚೇತರಿಸಿಕೊಳ್ಳುತ್ತಿದ್ದಾನೆ.
