ತ್ಯಾಜ್ಯ ಸಮಸ್ಯೆ ನಿವಾರಣೆಗೆ ಟ್ರಾನ್ಸ್​ಫರ್​ ಸ್ಟೇಷನ್ಸ್​

ಬೆಂಗಳೂರು: ಬೆಂಗಳೂರಿನ ತ್ಯಾಜ್ಯ ಸಮಸ್ಯೆ ನಿವಾರಣೆಗೆ ಮತ್ತೊಂದು ಪ್ರಯೋಗಕ್ಕೆ ಮುಂದಾಗಿರುವ ಬಿಬಿಎಂಪಿ, 5 ಕಡೆ ಟ್ರಾನ್ಸ್​ರ್​ ಸ್ಟೇಷನ್​ಗಳ ನಿಮಿರ್ಸಿದೆ. ಆಮೂಲಕ ತ್ಯಾಜ್ಯ ಸಂಗ್ರಹ ಮತ್ತು ವಿಲೇವಾರಿಯನ್ನು ಸುಲಭವಾಗಿಸಲಾಗುತ್ತಿದೆ. ತ್ಯಾಜ್ಯ ವಿಂಗಡಣೆ, ದಂಡದ ಪ್ರಮಾಣ ಹೆಚ್ಚಳ, ಮಾರ್ಷಲ್ಸ್​ಗಳ ನೇಮಕ, ಸಂಸ್ಕರಣಾ ಟಕಗಳ ಹೆಚ್ಚಳ ಹೀಗೆ ಹಲವು ಕ್ರಮ ಕೈಗೊಂಡರೂ ಬೆಂಗಳೂರಿನ ತ್ಯಾಜ್ಯ ಸಮಸ್ಯೆಗೆ ಮುಕ್ತಿ ದೊರಕಿಲ್ಲ. ಅಲ್ಲದೆ, ಸಾರ್ವಜನಿಕರು ಎಲ್ಲೆಂದರಲ್ಲಿ ಕಸ ಎಸೆಯುವ ಪ್ರವೃತ್ತಿಯೂ ನಿಂತಿಲ್ಲ. ಇದೆಲ್ಲಕ್ಕೂ ಮುಕ್ತಿ ನೀಡಲು ಮುಂದಾಗಿರುವ ಬಿಬಿಎಂಪಿ, ನಗರದ 5 ಕಡೆ ಟ್ರಾನ್ಸ್​ಫರ್​​ ಸ್ಟೇಷನ್​ಗಳನ್ನು ನಿಮಿರ್ಸಿದೆ.

ಈ ಟ್ರಾನ್ಸ್​ಫರ್​ ಸ್ಟೇಷನ್​ಗಳ ಪ್ರಾಯೋಗಿಕ ಕಾರ್ಯಕ್ಕೆ ಚಾಲನೆ ನೀಡಲಾಗಿದೆ. ಶುಕ್ರವಾರ ಆಡಳಿತಾಧಿಕಾರಿ ಗೌರವ್​ ಗುಪ್ತಾ, ಆಯುಕ್ತ ಮಂಜುನಾಥಪ್ರಸಾದ್​, ನತ್ಯಾಜ್ಯ ವಿಭಾಗದ ಜಂಟಿ ಆಯುಕ್ತ ಸರ್ರಾಜ್​ ಖಾನ್​ ರಾಧಾಕೃಷ್ಣ ವಾರ್ಡ್​ನಲ್ಲಿನಟ್ರಾನ್ಸ್​ಫರ್​​ ಸ್ಟೇಷನ್​ಗೆ ಭೇಟಿ ನೀಡಿ ಅದರ ಕಾರ್ಯವಿಧಾನಗಳನ್ನು ಪರಿಶೀಲನೆ ನಡೆಸಿದರು.

ಏನಿದು ಟ್ರಾನ್ಸ್​ಫರ್​ ಸ್ಟೇಷನ್​?: ಟ್ರಾನ್ಸ್​ಫರ್​ ಸ್ಟೇಷನ್​ನಲ್ಲಿ ತ್ಯಾಜ್ಯ ಶೇಖರಿಸಲು ತೆಗೆದು, ಜೋಡಿಸಬಹುದಾದ ಸಣ್ಣ ಕಾಂಪ್ಯಾಕ್ಟರ್​ (ಪೋರ್ಟಬಲ್​) ಅಳವಡಿಸಲಾಗುತ್ತದೆ. ಆಟೋ ಟಿಪ್ಪರ್​ಗಳ ಮೂಲಕ ಸಂಗ್ರಹವಾಗುವ 50 ಟನ್​ ತ್ಯಾಜ್ಯವನ್ನು ಟ್ರಾನ್ಸ್​ಫರ್​​ ಸ್ಟೇಷನ್​ನಲ್ಲಿನ ಕಾಂಪ್ಯಾಕ್ಟರ್​ಗೆ ಹಾಕಲಾಗುತ್ತದೆ. ಅದಾದ ನಂತರ ಕಾಂಪ್ಯಾಕ್ಟರ್​ನಲ್ಲಿ ತ್ಯಾಜ್ಯವನ್ನು ಸಂಕುಚಿತ (ಕಂಪ್ರೆಸ್​)ಗೊಳಿಸಲಾಗುತ್ತದೆ. ಅದರಿಂದ ತ್ಯಾಜ್ಯದಲ್ಲಿನ ಕೊಳಚೆ ನೀರು ಹೊರಬರಲಿದ್ದು, ಅದನ್ನು ಪೈಪ್​ ಮೂಲಕ ಚರಂಡಿಗೆ ಬಿಡಲಾಗುತ್ತದೆ. ಈ ಪ್ರಕ್ರಿಯೆಯಿಂದಾಗಿ 15 ಟನ್​ ತ್ಯಾಜ್ಯ 7 ಟನ್​ಗೆ ಇಳಿಯಲಿದೆ. ಅದರಿಂದ ಸುಲಭವಾಗಿ ತ್ಯಾಜ್ಯವನ್ನು ಸಾಗಿಸಬಹುದಾಗಿದೆ. ಅಲ್ಲದೆ, ಕಾಂಪ್ಯಾಕ್ಟರ್​ಗಳನ್ನು ನೇರವಾಗಿ ಕಾಂಪ್ಯಾಕ್ಟರ್​ ಲಾರಿಗಳಿಗೆ ಶ್ಟಿ್​ ಮಾಡುವ ವ್ಯವಸ್ಥೆಯಿರುವುದರಿಂದ, ತ್ಯಾಜ್ಯವನ್ನು ಮತ್ತೆ ಹೊರತೆಗೆಯುವ ಅವಶ್ಯಕತೆಯಿಲ್ಲದಂತಾಗಲಿದೆ.

50 ಕಡೆ ಸ್ಟೇಷನ್​ ನಿರ್ಮಾಣ: ಬಿಬಿಎಂಪಿ ವ್ಯಾಪ್ತಿಯಲ್ಲಿ 50 ಕಡೆ ಟ್ರಾನ್ಸ್​ರ್​ ಸ್ಟೇಷನ್​ಗಳನ್ನು ಸ್ಥಾಪಿಸಲು ಯೋಜನೆ ರೂಪಿಸಲಾಗಿದೆ. ಆ ಪೈಕಿ 5 ಕಡೆ ಕಾಮಗಾರಿ ರ್ಪೂಣಗೊಂಡಿದ್ದು, 15 ಕಡೆ ಕಾಮಗಾರಿ ಪ್ರಗತಿಯಲ್ಲಿದೆ. ಉಳಿದ 30 ಕಡೆ ಜಾಗ ಗುರುತಿಸುವ ಕಾರ್ಯ ಚಾಲ್ತಿಯಲ್ಲಿದೆ.

ಖಾಸಗಿ ಸಹಭಾಗಿತ್ವ: ಟ್ರಾನ್ಸ್​ಫರ್​​ ಸ್ಟೇಷನ್​ಗಳ ನಿರ್ಮಾಣಕ್ಕೆ ಸಂಬಂಧಿಸಿದಂತೆ ಖಾಸಗಿ ಸಂಸ್ಥೆಗಳನ್ನು ನಿಯೋಜಿಸಲಾಗುತ್ತದೆ. ಬಿಬಿಎಂಪಿಯಿಂದ ಸ್ಟೇಷನ್​ಗಳ ನಿರ್ಮಾಣಕ್ಕಾಗುವ ಖರ್ಚಿನಲ್ಲಿ ಮೊದಲಿಗೆ ಶೇ. 50 ಹಣ ನೀಡಲಾಗುತ್ತದೆ ಮತ್ತು ಜಾಗವನ್ನು ಕೊಡಲಾಗುತ್ತದೆ. ನಂತರದ 7 ವರ್ಷ ಸ್ಟೇಷನ್​ ನಿಮಿರ್ಸಿದ ಸಂಸ್ಥೆಯೇ ನಿರ್ವಹಣೆ ಮಾಡಬೇಕು. ಉಳಿದ ಶೇ. 50 ಹಣವನ್ನು 7 ವರ್ಷದ ನಿರ್ವಹಣಾ ಅವಧಿಯಲ್ಲಿ ನೀಡಲಾಗುತ್ತದೆ.

ಯೋಜನಾ ವೆಚ್ಚ: 50 ಸ್ಟೇಷನ್​ಗಳ ನಿರ್ಮಾಣಕ್ಕೆ 75.99 ಕೋಟಿ ರೂ., ಒಂದಕ್ಕೆ 1.32 ಕೋಟಿ ರೂ.
7 ವರ್ಷದ ನಿರ್ವಹಣಾ ವೆಚ್ಚ: 170.2 ಕೋಟಿ ರೂ., ತಿಂಗಳಿಗೆ 4.4 ಲಕ್ಷ ರೂ.
ಅನುದಾನ: ಮುಖ್ಯಮಂತ್ರಿಗಳ ನಗರೋತ್ಥಾನ

• ಪ್ರತಿ 2 ವಾರ್ಡ್​ಗೆ ಒಂದು ಟ್ರಾನ್ಸ್​ರ್​ ಸ್ಟೇಷನ್​ ನಿರ್ಮಾಣದ ಗುರಿ
• ದೊಮ್ಮಲೂರು, ಜೆ.ಸಿ.ರಸ್ತೆ, ವಸಂತಪುರ, ಕೊಟ್ಟಿಗೆಪಾಳ್ಯ, ಆರ್​ಎಂವಿ ಬಡಾವಣೆಗಳಲ್ಲಿ ನಿರ್ಮಾಣ ರ್ಪೂಣ