ನಗರದ ಸರಳಾದೇವಿ ಸರ್ಕಾರಿ ಪದವಿ ಕಾಲೇಜಿನ ಸಭಾಂಗಣದಲ್ಲಿ ಕನ್ನಡ ವಿಭಾಗದ ವತಿಯಿಂದ ಆಯೋಜಿಸಿದ್ದ ‘ ಬರಗೂರು ರಾಮಚಂದ್ರಪ್ಪ ಅವರ ಕಾದಂಬರಿ ಶಬರಿ ಕುರಿತು ' ವಿಶೇಷ ಉಪನ್ಯಾಸ ಕಾರ್ಯಕ್ರಮದಲ್ಲಿ ಮಾತನಾಡಿದರು. ರಾಮಾಯಣದ ಶಬರಿಗೂ ಈ ಕಾದಂಬರಿಯ ಶಬರಿಗೂ ಸಾಮ್ಯತೆಗಳಿವೆ. ಅಲ್ಲಿ ಭಕ್ತಿ ಪ್ರಧಾನವಾದರೆ ಇಲ್ಲಿ ಮುಕ್ತಿ ಪ್ರಧಾನವಾಗಿದೆ. ಶಬರಿ ಶೋಷಣೆಯ ಮತ್ತು ಶ್ರಮ ಸಂಸ್ಕೃತಿಯ ಕೇಂದ್ರವಾಗಿ ಚಿತ್ರಣಗೊಂಡಿದ್ದಾಳೆ. ಕಾದಂಬರಿಯುದ್ದಕ್ಕೂ ಬೆವರಿನ ಸಂಸ್ಕೃತಿ ಮತ್ತು ಭೂಮಿ ತತ್ವದ ನಿಲುವುಗಳಿವೆ. ಇಲ್ಲಿನ ಕಥಾನಾಯಕಿ ತನ್ನ ಇರುವಿಕೆಗಾಗಿ, ಸಮಾಜದ ವಿಮೋಚನೆಗಾಗಿ ಹಂಬಲಿಸುತ್ತಲೇ ಆತ್ಮಸ್ಥೈರ್ಯದಿಂದ ಬದುಕನ್ನು ಕಟ್ಟಿಕೊಂಡಿರುವ ದಿಟ್ಟೆ. ನೆಲ, ಕಾಡು, ಸಂಸ್ಕೃತಿಯೊಂದಿಗೆ ಆಕೆಯ ಬದುಕು ಹಾಸುಹೊಕ್ಕಾಗಿದೆ ಎಂದು ವಿಶ್ಲೇಷಿಸಿದರು.
