ನಗರದ ಪ್ರೆಸ್ ಕ್ಲಬ್ ನಲ್ಲಿ ಶುಕ್ರವಾರ ಆಯೋಜಿಸಲಾಗಿದ್ದ ತಿಂಗಳ ಅತಿಥಿ ಮಾಧ್ಯಮ ಸಂವಾದ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಸೈಬರ್ ಕ್ರೈಂ ಬಗ್ಗೆ ಮಾಹಿತಿ ನೀಡಿದ ಅವರು, ಜನ ಯಾವುದೇ ಫೋನ್ ಕರೆ, ಮೆಸೇಜ್ ಅಥವಾ ಇ ಮೇಲ್ ಗಳು ಬಂದರೆ ಕೂಡಲೇ ಸ್ಪಂದಿಸಬಾರದು. ಕೂಡಲೇ ಸ್ಪಂದಿಸಿ ಅವರು ಹೇಳಿದಂತೆ ಕೇಳಿದಾಗಲೇ ವಂಚನೆಗೊಳಗಾಗುವ ಸಾಧ್ಯತೆ ಹೆಚ್ಚಿರುತ್ತದೆ ಎಂದು ಹೇಳಿದರು.
ಇತ್ತೀಚಿನ ದಿನಗಳಲ್ಲಿ ಬೇರೆ ಬೇರೆ ರೀತಿಯ ವಂಚನೆಯ ಜಾಲಗಳನ್ನು ನಾವು ನೋಡುತ್ತಿz್ದೆÃವೆ. ಸ್ಟಾಕ್ ಮಾರ್ಕೆಟ್ ಬಿಸಿನೆಸ್ ಹೆಸರಿನಲ್ಲಿ ಹಣ ದ್ವಿಗುಣಗೊಳಿಸಿ ಕೊಡುವುದಾಗಿ ಹೇಳಿ ವಂಚನೆ ಮಾಡಲಾಗುತ್ತಿದೆ. ಇದಲ್ಲದೆ ಪ್ರಮುಖವಾಗಿ ಡಿಜಿಟಲ್ ಅರೆಸ್ಟ್ ಎನ್ನುವ ಹೊಸ ವಂಚನೆ ಜಾಲವು ಸಕ್ರಿಯವಾಗಿದೆ ಈ ಬಗ್ಗೆ ಜನ ಜಾಗೃತಗೊಳ್ಳಬೇಕು ಎಂದರು.
ಸ್ಟಾಕ್ ಮಾರ್ಕೆಟ್ ಹೆಸರಿನಲ್ಲಿ ಹಣ ದ್ವಿಗುಣಗೊಳಿಸಿಕೊಡುವುದಾಗಿ ಹೇಳುವ ವಂಚಕರು ಆರಂಭದಲ್ಲಿ ಹಣವನ್ನು ದ್ವಿಗುಣಗೊಳಿಸಿ ಕೊಡುತ್ತಾರೆ. ಬಳಿಕ ಹಣದ ಆಸೆಗೆ ಬಿದ್ದ ಜನ ದೊಡ್ಡಮೊತ್ತದ ಹಣ ನೀಡಿದಾಗ ಹಣ ಪಡೆದು ವಂಚನೆ ಮಾಡುತ್ತಾರೆ. ಇನ್ನು ಡಿಜಿಟಲ್ ಅರೆಸ್ಟ್ ವಿಷಯಕ್ಕೆ ಬಂದಲ್ಲಿ ವಿಡಿಯೋ ಕರೆ ಮಾಡುವ ವಂಚಕರು ಪೊಲೀಸರಂತೆಯೇ ನಟಿಸಿ ವಂಚನೆಗೊಳಗಾಗುವವರ ಕಚೇರಿಗೆ ಸಂಬAಧಿಸಿದ ವಿಷಯಗಳಿಗೆ ಸಂಬAಧಿಸಿದAತೆ ಬೆದರಿಸುತ್ತಾರೆ. ಬಳಿಕ ಕೇಸ್ ಕ್ಲೋಸ್ ಮಾಡಲು ಇಂತಿಷ್ಟು ಹಣ ಎಂದು ನಿಗದಿಪಡಿಸಿ ವಂಚನೆ ಮಾಡುತ್ತಾರೆ. ಇಲ್ಲಿ ವಂಚನೆಗೊಳಗಾದವರು ತಪ್ಪು ಮಾಡದಿದ್ದರೂ ಹಣ ಕಳೆದುಕೊಳ್ಳಬೇಕಾಗಿರುತ್ತದೆ ಎಂದು ಹೇಳಿದರು.
ಚಿಕ್ಕಮಗಳೂರು ಜಿಲ್ಲೆಯಲ್ಲಿ ಸರ್ಕಾರಿ ವೈದ್ಯರೊಬ್ಬರು ಸ್ಟಾಕ್ ಮಾರ್ಕೆಟ್ನಲ್ಲಿ ಹಣ ದ್ವಿಗುಣ ಮಾಡಿಕೊಡುತ್ತೇವೆ ಎಂದು ಹೇಳಿದವರ ಮಾತು ನಂಬಿ ೮೦ ಲಕ್ಷ ರೂಪಾಯಿ ಕಳೆದುಕೊಂಡು ವಂಚನೆಗೊಳಗಾಗಿದ್ದಾರೆ. ಇನ್ನು ಬ್ಯಾಂಕ್ ಉದ್ಯೋಗಿಯೇ ಒಬ್ಬರು ಡಿಜಿಟಲ್ ಅರೆಸ್ಟ್ ಗೆ ಒಳಗಾಗಿ ಲಕ್ಷಾಂತರ ರೂಪಾಯಿ ಕಳೆದುಕೊಂಡಿದ್ದಾರೆ. ವಿದ್ಯಾವಂತರೇ ಹೆಚ್ಚಾಗಿ ಆನ್ಲೈನ್ ವಂಚನೆಗೆ ಒಳಗಾಗುತ್ತಿದ್ದಾರೆ ಎಂದು ಆತಂಕ ವ್ಯಕ್ತಪಡಿಸಿದರು.
ಇತ್ತೀಚಿನ ದಿನಗಳಲ್ಲಿ ಉದ್ಯೋಗಕ್ಕೆ ಸಂಬAಧಿಸಿದ ವಂಚನೆ, ಆನ್ಲೈನ್ ಲೋನ್ ಗೆ ಸಂಬAಧಿಸಿದ ವಂಚನೆ ಪ್ರಕರಣಗಳು ಹೆಚ್ಚಾಗುತ್ತಿವೆ. ಜನರಲ್ಲಿ ಜಾಗೃತಿ ಮೂಡಿದ ಹಿನ್ನೆಲೆಯಲ್ಲಿ ಒಟಿಪಿ ಪಡೆದು ಮಾಡುತ್ತಿದ್ದ ವಂಚನೆ, ಮ್ಯಾಟ್ರಿಮೊನಿ ಬಳಸಿ ಮಾಡುತ್ತಿದ್ದ ವಂಚನೆಗಳು ಬಹುತೇಕ ಕಡಿಮೆಯಾಗಿವೆ. ಹೀಗಾಗಿ ಜನ ಎಲ್ಲ ರೀತಿಯ ವಂಚನೆ ಜಾಲಗಳ ಬಗ್ಗೆ ಜಾಗರೂಕರಾಗಿರಬೇಕು ಎಂದು ಸಲಹೆ ನೀಡಿದರು.
ಕಾರ್ಯಕ್ರಮದಲ್ಲಿ ಎಎಸ್ಪಿ ಕೃಷ್ಣಮೂರ್ತಿ, ಸಿಇಎನ್ ಠಾಣೆ ಇನ್ಸ್ ಪೆಕ್ಟರ್ ಗವಿರಾಜ್, ಪ್ರೆಸ್ಕ್ಲಬ್ ಅಧ್ಯಕ್ಷ ಪಿ.ರಾಜೇಶ್, ಕಾರ್ಯದರ್ಶಿ ತಾರಾನಾಥ್ ಉಪಸ್ಥಿತರಿದ್ದರು.
