ಜಾತ್ರೆಯ ಅಂಗವಾಗಿ ಭಾನುವಾರ ವನಭೋಜನ ಕಾರ್ಯಕ್ರಮ ನಡೆಯಿತು. ದೇವರನ್ನು ಗೋವಾ ಗಡಿಯಲ್ಲಿರುವ ದೇವಸ್ಥಾನಕ್ಕೆ ಕೊಂಡೊಯ್ದು ಅಲ್ಲಿ ಅಡುಗೆ ಮಾಡಿ ಪ್ರಸಾದ ಭೋಜನ ಮಾಡಲಾಯಿತು. ವನಭೋಜನದ ನಂತರ ದೇವರನ್ನು ಪಲ್ಲಕ್ಕಿಯಲ್ಲಿ ಕೂರಿಸಿ, ಭಕ್ತಾದಿಗಳ ಮನೆಗಳ ಎದುರು ಪೂಜೆ ಸ್ವೀಕರಿಸುತ್ತಾ ವಾಪಸ್ ದೇವಸ್ಥಾನಕ್ಕೆ ಕರೆತರಲಾಯಿತು. ದೇವರ ಪಲ್ಲಕ್ಕಿ ತೆರಳುವ ಮಾರ್ಗದಲ್ಲಿ ಭಕ್ತರು, ಆಕಾಶ ಬುಟ್ಟಿಗಳಿಂದ ಕಮಾನು ಮಾಡಿ, ರಂಗೋಲಿ ಹಾಕಿ ಸ್ವಾಗತಿಸಿದರು. ದೇವರ ಉತ್ಸವ ಮೂರ್ತಿ ದೇವಸ್ಥಾನಕ್ಕೆ ಬರುವ ಹೊತ್ತಿಗೆ ಸೋಮವಾರ ಮಧ್ಯಾಹ್ನ 4 ಗಂಟೆ ಕಳೆದಿತ್ತು. ನಂತರ ಹರಾಜು, ದೇವರ ಸಮುದ್ರ ಸ್ನಾನ, ಮಹಾ ಮಂಗಳಾರತಿಯೊಂದಿಗೆ ಕಾರ್ತಿಕ ಜಾತ್ರೆ ಸಂಪನ್ನವಾಯಿತು.
