ಮತದಾನ ಪ್ರಜಾಪ್ರಭುತ್ವದ ತಾಯಿಬೇರು

ಗೊಳಸಂಗಿ: ಪ್ರಜ್ಞಾವಂತರ ಮತದಾನದ ಪ್ರಮಾಣ ಕಡಿಮೆಯಾದರೆ ದೇಶಕ್ಕೆ ಗಂಡಾಂತರ ತಪ್ಪಿದ್ದಲ್ಲ. ಪ್ರಜಾಪ್ರಭುತ್ವದ ತಾಯಿಬೇರಿನಂತಿರುವ ಮತದಾನ ಪ್ರಕ್ರಿಯೆಯಿಂದ ಪ್ರಜ್ಞಾವಂತರು ದೂರವೇ ಉಳಿದರೆ ಭವಿಷ್ಯದಲ್ಲಿ ಚಿಗುರುವ ಮರದ ಸೊಬಗು ಕಾಣಲು ಹೇಗೆ ಸಾಧ್ಯ ಎಂದು ಬಸವನಬಾಗೇವಾಡಿ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಕಚೇರಿ ಯೋಜನಾಧಿಕಾರಿ, ಸೆಕ್ಟರ್​ ಅಧಿಕಾರಿ ನಿರ್ಮಲಾ ಸುರಪುರ ಹೇಳಿದರು.

ಸಮೀಪದ ಕೂಡಗಿ ತಾಂಡಾದ ಶಂಕರ ನಗರದಲ್ಲಿ ಶನಿವಾರ ನಡೆದ ವಾರದ ಸಂತೆಯಲ್ಲಿ ಲೋಕಸಭಾ ಚುನಾವಣಾ ನಿಮಿತ್ತವಾಗಿ ಮತದಾನ ಜಾಗೃತಿ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿ, ಪ್ರಜಾಪ್ರಭುತ್ವದ ಮತದಾನವೆಂಬ ಈ ಹಬ್ಬ ಮಾಡಲು ಸರ್ಕಾರ ಸುಮಾರು 6 ತಿಂಗಳು ಮೊದಲೇ ತಯಾರಿ, ತಾಲೀಮು ನಡೆಸಿರುತ್ತದೆ.

ನೀವು ಮತದಾನ ದಿನದಂದು ಬಾರದೆ ಹೋದರೆ ಸರ್ಕಾರದ ಪ್ರಯತ್ನ ಲಪ್ರದವಾಗುವುದಿಲ್ಲ ಎಂದರು.

ಪಿಡಿಒ ಎ.ಎಸ್​. ಕೋಟ್ಯಾಳ, ಅಂಗನವಾಡಿ ಮೇಲ್ವಿಚಾರಕಿ, ಬಿಎಲ್​ಒ, ಆಶಾ ಕಾರ್ಯಕರ್ತೆಯರು, ಗ್ರಾಪಂ ಸಿಬ್ಬಂದಿ, ಗ್ರಾಮ ಸಹಾಯಕರು ಇತರರಿದ್ದರು.