ಮಹಾಯೋಜನೆ ಬಗ್ಗೆ ಎಚ್ಚರ ವಹಿಸಿ VITTAL

ವಿಟ್ಲ: ನಗರ ಪ್ರದೇಶದಲ್ಲಿ ಮಹಾ ಯೋಜನೆ (ಮಾಸ್ಟರ್ ಪ್ಲ್ಯಾನ್) ಜಾರಿಯಾಗುವವರೆಗೆ ಭೂ ಪರಿವರ್ತನೆ ಮಾಡಲು ಸಾಧ್ಯವಿಲ್ಲ ಎನ್ನುವ ನಿಯಮದಿಂದ ಸಾರ್ವಜನಿಕರಿಗೆ ತೀವ್ರ ತೊಂದರೆಯಾಗುತ್ತಿದ್ದು, ಈ ಬಗ್ಗೆ ಈಗಲೇ ಎಚ್ಚೆತ್ತುಕೊಳ್ಳದಿದ್ದರೆ ಮುಂದೆ ಮಾರಕವಾಗಿ ಪರಿಣಮಿಸಲಿದೆ ಎಂದು ವಿಟ್ಲ ಪಟ್ಟಣ ಪಂಚಾಯಿತಿ ಸದಸ್ಯರು ಆಕ್ರೋಶ ವ್ಯಕ್ತಪಡಿಸಿದರು.

ಪಟ್ಟಣ ಪಂಚಾಯಿತಿ ಸಭಾಂಗಣದಲ್ಲಿ ಗುರುವಾರ ಅಧ್ಯಕ್ಷ ಕರುಣಾಕರ ನಾಯ್ತೊಟ್ಟು ಅಧ್ಯಕ್ಷತೆಯಲ್ಲಿ ನಡೆದ ಸಾಮಾನ್ಯ ಸಭೆಯಲ್ಲಿ ಈ ವಿಷಯದ ಬಗ್ಗೆ ಗಂಭೀರ ಚರ್ಚೆ ನಡೆಯಿತು. ಮಹಾ ಯೋಜನೆ ಸಿದ್ಧವಾಗಲು ಕನಿಷ್ಠ ಎಂಟು ತಿಂಗಳು ಬೇಕಾಗುವುದಾದರೆ, ಅಷ್ಟು ಸಮಯದವರೆಗೆ ಜನರು ಯಾವುದೇ ಕೆಲಸ ಮಾಡದೆ ಸುಮ್ಮನಿರಬೇಕೇ? ವಿಟ್ಲದಲ್ಲಿ ನಗರಾಭಿವೃದ್ಧಿ ಪ್ರಾಽಕಾರ ಸ್ಥಾಪನೆಯಾಗದ ಕಾರಣ ಇಂತಹ ಸಮಸ್ಯೆಗಳು ಎದುರಾಗುತ್ತಿವೆ ಎಂದು ಸದಸ್ಯರು ಅಸಮಾಧಾನ ಹೊರಹಾಕಿದರು.

ಕುಡಿಯುವ ನೀರಿಗೆ ಸಮಸ್ಯೆ: ಮಳೆಯ ಅಭಾವದಿಂದಾಗಿ ಪಟ್ಟಣ ಭಾಗದಲ್ಲಿ ಕುಡಿಯುವ ನೀರಿನ ಸಮಸ್ಯೆ ತೀವ್ರಗೊಂಡಿದೆ. ಬೆಳಣೆಕೆಯ ಕೊಳವೆ ಬಾವಿಯ ನೀರನ್ನು ನೆಚ್ಚಿಕೊಂಡು ಇಡೀ ಪೇಟೆಯನ್ನು ನಿಭಾಯಿಸುವುದು ಕಷ್ಟಕರವಾಗಿದೆ. ಕೆಲವು ಕೊಳವೆ ಬಾವಿಗಳಲ್ಲಿ ಪಂಪ್ ಬದಲಾಯಿಸಿದ ಬಳಿಕವೂ ನೀರು ಬರುತ್ತಿಲ್ಲ. ವೀಡಿಯೊ ಮೂಲಕ ಪರಿಶೀಲಿಸಿದಾಗ ಕೊಳವೆ ಬಾವಿಗಳಲ್ಲಿ ನೀರಿಲ್ಲದಿರುವುದು ದೃಢಪಟ್ಟಿದೆ. ಇದಕ್ಕೆ ಸರಿಯಾದ ಹಾಗೂ ಸೂಕ್ತವಾದ ಪಂಪ್‌ಗಳನ್ನು ಅಳವಡಿಸದಿರುವುದೇ ಕಾರಣವಾಗಿದ್ದು, ಉತ್ತಮ ಪಂಪ್‌ಗಳನ್ನು ಹಾಕಿ ಪ್ರಾಯೋಗಿಕವಾಗಿ ಪರಿಶೀಲಿಸಬೇಕು. ತುರ್ತು ಸಂದರ್ಭ ನಿಭಾಯಿಸಲು ಪಂಚಾಯಿತಿಯಲ್ಲಿ ಕನಿಷ್ಠ ಐದು ಹೆಚ್ಚುವರಿ ಪಂಪ್‌ಗಳನ್ನು ಕಾಯ್ದಿರಿಸಬೇಕು ಎಂದು ಸದಸ್ಯರು ಆಗ್ರಹಿಸಿದರು.

ವಿಟ್ಲ ಪ್ರಯೋಗ ಶಾಲೆಯಾಗದಿರಲಿ: ಸರ್ಕಾರಿ ಕಟ್ಟಡಗಳಿಗೆ ಶೇ.೨೫ರಷ್ಟು ಸೇವಾ ಶುಲ್ಕ ವಿಽಸುವ ನಿರ್ಧಾರ ಸರಿಯಲ್ಲ. ವಿಟ್ಲವನ್ನು ಪ್ರಾಯೋಗಿಕ ಶಾಲೆಯನ್ನಾಗಿ ಮಾಡುವುದು ಬೇಡ. ಎಲ್ಲ ಕಡೆಗಳಲ್ಲಿ ಈ ತೆರಿಗೆ ವಿಽಸಿದರೆ ಮಾತ್ರ ವಿಟ್ಲದಲ್ಲೂ ಜಾರಿಗೊಳಿಸುವುದು ಸೂಕ್ತ. ಶಾಲೆಗಳಲ್ಲಿ ಸಾಂಕ್ರಾಮಿಕ ರೋಗಗಳ ಬಗ್ಗೆ ವಿದ್ಯಾರ್ಥಿಗಳಿಗೆ ಪ್ರಬಂಧ ಸ್ಪರ್ಧೆ ಆಯೋಜಿಸಿ ಜಾಗೃತಿ ಮೂಡಿಸಬೇಕು. ರಸ್ತೆ ಅಗಲೀಕರಣಕ್ಕಾಗಿ ನಾಲ್ಕು ಅಂಗಡಿಗಳನ್ನು ಭೂಸ್ವಾಽನ ಮಾಡಿದ್ದು, ಈಗ ಅಲ್ಲಿನ ಒಂದು ಭಾಗದಲ್ಲಿ ಸಿಸಿ ಕ್ಯಾಮೆರಾ ಅಳವಡಿಸಿರುವುದರಿಂದ ಸಂಚಾರಕ್ಕೆ ತೊಂದರೆಯಾಗುತ್ತಿದೆ. ಇದನ್ನು ತೆರವುಗೊಳಿಸಲು ತೀರ್ಮಾನ ಕೈಗೊಳ್ಳಬೇಕು.

ಸಂತೆ ಮಾರುಕಟ್ಟೆಯ ಏಲಂನಲ್ಲಿ ಸಮರ್ಪಕ ಷರತ್ತುಗಳನ್ನು ಹಾಕದೆ ನೀಡಿರುವುದು ಸರಿಯಲ್ಲ. ಆರು ತಿಂಗಳ ಕಾಲ ಏಲಂ ರದ್ದು ಮಾಡದೆ ಮುಂದುವರಿಸಿ, ಆ ಬಳಿಕ ಕೈಬಿಡುವುದಕ್ಕೆ ಅಭ್ಯಂತರವಿಲ್ಲ ಎಂದು ಸದಸ್ಯರು ಅಭಿಪ್ರಾಯಪಟ್ಟರು.

ಆರೋಗ್ಯ ಇಲಾಖೆಯ ಕಸುಮಾ, ಪಶುಸಂಗೋಪನಾ ಇಲಾಖೆಯ ಡಾ.ಅವಿನಾಶ್ ಮಾಹಿತಿ ನೀಡಿದರು. ಸ್ಥಾಯಿ ಸಮಿತಿ ಅಧ್ಯಕ್ಷ ಅಶೋಕ್ ಕುಮಾರ್ ಶೆಟ್ಟಿ, ಉಪಾಧ್ಯಕ್ಷೆ ಸಂಗೀತಾ ಪಾಣೆಮಜಲು, ಮುಖ್ಯಾಧಿಕಾರಿ ಕರುಣಾಕರ ವಿ. ಉಪಸ್ಥಿತರಿದ್ದರು.

ಬೊಬ್ಬೆಕೇರಿಯಲ್ಲಿ ನಡೆಯುತ್ತಿರುವ ಕಾಂಕ್ರೀಟ್ ಕಾಮಗಾರಿಯಲ್ಲಿ ರೋಲರ್, ಜೆಸಿಬಿ, ಟಿಪ್ಪರ್ ಸೇರಿ ಎಲ್ಲ ಯಂತ್ರಗಳನ್ನು ಒಬ್ಬನೇ ವ್ಯಕ್ತಿ ನಿಭಾಯಿಸುತ್ತಿದ್ದಾನೆ. ಮೂರು ತಿಂಗಳ ಕಾಲ ಕಾಮಗಾರಿಯನ್ನು ತಡೆಹಿಡಿಯದಿದ್ದರೆ ಪಂಚಾಯಿತಿಗೆ ಭಾರಿ ನಷ್ಟವಾಗಲಿದೆ. ಲೊಕೋಪಯೋಗಿ ಹಾಗೂ ಪೊಲೀಸ್ ಇಲಾಖೆಯ ಅಧಿಕಾರಿಗಳನ್ನು ಕರೆಸಿ ಸಭೆ ನಡೆಸಿ ಸೂಕ್ತ ಮುನ್ನೆಚ್ಚರಿಕೆ ವಹಿಸದಿದ್ದಲ್ಲಿ ಅವ್ಯವಸ್ಥೆಯ ಆಗರವಾಗಲಿದೆ ಎಂದು ಸದಸ್ಯರು ಎಚ್ಚರಿಸಿದರು.

"

ಸಂತೆ ಮಾರುಕಟ್ಟೆಯ ಏಲಂ ಪಡೆದವರನ್ನು ಕರೆಸಿ ಮಾತನಾಡಿದ್ದು, ೫೦೦ ರೂ. ಮಾತ್ರ ಹೆಚ್ಚುವರಿ ನೀಡಲು ಒಪ್ಪಿದ್ದಾರೆ. ಈ ಕಾರಣದಿಂದ ಇನ್ನು ಮುಂದೆ ಪಂಚಾಯಿತಿ ವತಿಯಿಂದಲೇ ಸಂತೆ ನಡೆಸಲು ತೀರ್ಮಾನ ಕೈಗೊಳ್ಳಲಾಗಿದೆ. ಪಟ್ಟಣ ಪಂಚಾಯಿತಿ ಪರಿಸರದಲ್ಲಿ ಎರಡು ಬಿಡಾಡಿ ಹೋರಿಗಳಿಂದ ತೀವ್ರ ಸಮಸ್ಯೆಯಾಗುತ್ತಿದ್ದು ಮಾಲೀಕರು ಸೂಕ್ತ ಕ್ರಮ ಕೈಗೊಳ್ಳದಿದ್ದಲ್ಲಿ ಪಂಚಾಯಿತಿಯೇ ಕ್ರಮ ಕೈಗೊಳ್ಳಬೇಕಾಗುತ್ತದೆ.

— ಕರುಣಾಕರ ನಾಯ್ತೊಟ್ಟು, ಪಪಂ ಅಧ್ಯಕ್ಷ

"

ಕೃಷಿ ವಲಯ, ಕೈಗಾರಿಕಾ ವಲಯ ಸೇರಿ ವಿವಿಧ ವಲಯಗಳ ನಿಗದಿ ಬಳಿಕ ಕನ್ವರ್ಷನ್‌ಗೆ ಅವಕಾಶ ಸಿಗಲಿದೆ. ಸದ್ಯ ಐದು ಸೆಂಟ್ಸ್‌ವರೆಗೆ ಕೃಷಿ ವಲಯದಲ್ಲಿ ಮನೆ ನೀಡಲು ಅನುಮತಿ ನೀಡಬಹುದು. ಆದರೆ ಮನೆಯ ರಸ್ತೆಯನ್ನು ಸಾರ್ವಜನಿಕ ರಸ್ತೆಯಾಗಿ ಘೋಷಣೆ ಮಾಡಬೇಕು. ಕೊಳವೆಬಾವಿಯಲ್ಲಿ ನೀರಿಲ್ಲದೆ ಸಮಸ್ಯೆಯಾಗುತ್ತಿದೆ. ಎಲ್ಲ ಕಡೆ ನೀರು ತಳಮಟ್ಟಕ್ಕೆ ಹೋಗಿದೆ. ಕೆಲವು ಪಂಪ್‌ಗಳಿಗೆ ಸೂಕ್ತ ಹೆಡ್ ಇಲ್ಲದಿರುವುದು ತೊಂದರೆಯಾಗಿದೆ.

— ಕರುಣಾಕರ, ಮುಖ್ಯಾಧಿಕಾರಿ