1857ರಲ್ಲಿ ಮತ್ತು ವಂಗಭಂಗ ಚಳುವಳಿಯಲ್ಲಿ ಹಿಂದೂ ಮತ್ತು ಮುಸ್ಲಿಮರ ಐಕ್ಯತೆ ಕಂಡು ಬೆದರಿದ ಬ್ರಿಟನ್ ಬ್ರೀಟಿಷರ ಡಿವೈಡ್ ಆ್ಯಂಡ್ ರೂಲ್ ಪಾಲಿಸಿ ಜಾರಿಗೊಳಿಸಲು ಶರಿಯಾ ಲಾ ಜಾರಿಗೊಳಿಸಿದ್ದರು. ಯುಸಿಸಿಯಿಂದ ಹಿಂದೂ ಅವಿಭಕ್ತ ಕುಟುಂಬಗಳಿಗೂ ಸ್ವಲ್ಪ ಮಟ್ಟಿನ ತೊಂದರೆಯಾದರೂ ದೇಶಕ್ಕೆ ಒಳ್ಳೆಯದಾಗಲಿ ಎಂಬ ನಿಟ್ಟಿನಲ್ಲಿ ಎಲ್ಲರೂ ಬೆಂಬಲ ನೀಡುತ್ತಿದ್ದಾರೆ ಎಂದರು.
ಸಂವಿಧಾನದಲ್ಲೇ ಉಲ್ಲೇಖ
ಸಂವಿಧಾನದ ಅರ್ಟಿಕಲ್ 44ರಲ್ಲಿ ಸಮಾನ ನಾಗರಿಕ ಸಂಹಿತೆ ಬಗ್ಗೆ ಉಲ್ಲೇಖಿಸಲಾಗಿದೆ. ಆದರೆ ಯಾವ ಸರ್ಕಾರಗಳೂ ಇದನ್ನು ಜಾರಿಗೊಳಿಸಲು ಮುಂದಾಗಿಲ್ಲ. 1937ರವರೆಗೆ ಭಾರತದ ಆನೇಕ ಪ್ರದೇಶಗಳಲ್ಲಿ ಮುಸ್ಲಿಂ ಸಮುದಾಯವೂ ಹಿಂದೂ ಕಾನೂನುಗಳನ್ನು ಪಾಲಿಸುತ್ತಿತ್ತು. ಸಂವಿಧಾನ ಸಭೆಯಲ್ಲಿ ಮಾತನಾಡಿದ್ದ ಡಾ. ಬಿ.ಆರ್. ಅಂಬೇಡ್ಕರ್, ಕೇರಳದ ಮೋಪ್ಲಾ ಪ್ರದೇಶ, ಮಧ್ಯಪ್ರದೇಶ, ಅವಧ್ ಪ್ರಾಂತ್ಯ, ಪಂಜಾಬ್, ಮೇವಾತ್ ಮೊದಲಾದ ಕಡೆಗಳಲ್ಲಿ ಮುಸ್ಲಿಮರು ಹಿಂದೂ ಕಾನೂನು ಪಾಲಿಸುತ್ತಿದ್ದ ಬಗ್ಗೆ ಬೆಳಕು ಚೆಲ್ಲಿದ್ದಾರೆ. ಪಶ್ಚಿಮ ಬಂಗಾಳದ ಕೂಚ್ ಬಿಹಾರ್ನಲ್ಲಿ 1980 ಜುಲೈ 1ರವರಗೂ ಸ್ಥಳಿಯ ಮುಸ್ಲಿಮರು ಶರಿಯಾ ಪಾಲಿಸುತ್ತಿರಲಿಲ್ಲ. ನಂತರ ರಾಜ್ಯ ಸರ್ಕಾರ ತುಷ್ಟೀಕರಣಕ್ಕಾಗಿ ಶರಿಯಾ ಕಾನೂನು ಕಡ್ಡಾಯಗೊಳಿಸಿತ್ತು. ಮುಸ್ಲಿಂ ಸಮುದಾಯವನ್ನು ಖುಷಿಪಡಿಸಲು ಶರಿಯಾ ಕಾಯ್ದೆ ತಂದ ಬ್ರೀಟಿಷರು ಶರಿಯಾಕ್ಕೆ ವಿರುದ್ಧವಾಗಿ ಜಿನ್ನಾಗೋಸ್ಕರ ವಿಲ್ ನೀಡುವ ಅಧಿಕಾರವನ್ನು ಸೇರ್ಪಡೆಗೊಳಿಸಿದ್ದರು ಎಂದು ಹೇಳಿದರು.
