ಸೆಮಿ ಫೈನಲ್ ಪಂದ್ಯಾವಳಿಯಲ್ಲಿ ಗುಡ್ಡೆಹಿತ್ಲು ತಂಡ ಚೆಯ್ಯಂಡಾಣೆ ಚ್ಯಾಲೆಂಜರ್ಸ್ ತಂಡವನ್ನು ಮಣಿಸಿ ಫೈನಲ್ ಪ್ರವೇಶಿಸಿದರೆ, ಕರಡ ತಂಡ ಮಡಿಕೇರಿ ವಿಪ್ರಾಸ್ ತಂಡವನ್ನು ಸೋಲಿಸಿ ಫೈನಲ್ ಪ್ರವೇಶ ಪಡೆಯಿತು. ಉಳಿದಂತೆ ಓಂಕಾರ್ ಕ್ರಿಕೆಟರ್ಸ್ ಪೊನ್ನಂಪೇಟೆ, ಅರ್ಚಕರ ಸಂಘ, ಬ್ರಾಹ್ಮಣ ಕ್ಷೇಮಾಭಿವೃದ್ದಿ ಸಂಘ-ಕುಶಾಲನಗರ, ಫ್ರೆಂಡ್ಲಿ ಬಾಯ್ಸ್ ಕಡಂಗ, ಬ್ರಾಹ್ಮಣ ಸಮಾಜ-ಸೋಮವಾರಪೇಟೆ, ಬೆನಕ ಮಡಿಕೇರಿ, ಕೊಡಗು ಜಿಲ್ಲಾ ಬ್ರಾಹ್ಮಣ ಕ್ಷೇಮಾಭಿವೃದ್ಧಿ ಸಂಘ - ಗೋಣಿಕೊಪ್ಪ ಸೇರಿದಂತೆ ಒಟ್ಟು ೧೧ ತಂಡಗಳು ಟೂರ್ನಿಯಲ್ಲಿ ಭಾಗವಹಿಸಿದ್ದವು.
ಅಂತಿಮ ಪಂದ್ಯದ ವಿಜೇತ ಹಾಗೂ ಪರಾಜಿತ ತಂಡಗಳಿಗೆ ಟ್ರೋಫಿ ಹಾಗೂ ವೈಯಕ್ತಿಕ ಸಾಧನೆಗಳ ಟ್ರೋಫಿಗಳನ್ನು ಡಿ.೧೮ ರಂದು ಮಡಿಕೇರಿ ಲಕ್ಷ್ಮಿನರಸಿಂಹ ಕಲ್ಯಾಣ ಮಂಟಪದಲ್ಲಿ ನಡೆಯಲಿರುವ ಕ್ರೀಡೋತ್ಸವದ ಸಮಾರೋಪ ಸಮಾರಂಭದಲ್ಲಿ ವಿತರಣೆ ಮಾಡಲಾಗುವುದು. ಕ್ರೀಡೋತ್ಸವದ ಅಂಗವಾಗಿ ಒಳಾಂಗಣ ಕ್ರೀಡಾಕೂಟಗಳೂ ಕಲ್ಯಾಣ ಮಂಟಪದಲ್ಲಿ ನಡೆಯಲಿವೆ.
