ಜು.1ರಂದು ಅಂತರಾಷ್ಟ್ರೀಯ ವೈದ್ಯ ದಿನಾಚರಣೆ ಅಂಗವಾಗಿ ನಡೆದ ವೈದ್ಯ ದಿಗ್ಗಜರೊಂದಿಗೆ ಸಂವಾದ ಕಾರ್ಯಕ್ರಮವು ಜನರನ್ನು ಭಾವನಾತ್ಮಕಗೊಳಿಸಿತು. ಜು.2 ರಿಂದ ವಿಂಟೇಜ್ ಸಲ್ಯೂಟ್ ಹೆಸರಿನಲ್ಲಿ ಬಸವನಗುಡಿ ಸುತ್ತಮುತ್ತ ವೈದ್ಯರಾಗಿ ಸೇವೆ ಸಲ್ಲಿಸಿ ಮರೆಯಾಗಿರುವ ಸುಮಾರು 34 ವೈದ್ಯಶಿರೋಮಣಿಗಳ ಫೋಟೋ ಪ್ರದರ್ಶನ ಆಯೋಜಿಸಲಾಗಿತ್ತು. ಕಳೆದ ಎರಡು ತಿಂಗಳಿನಿಂದ ಸಂಗ್ರಹಿಸಲಾಗಿದ್ದ ಶತಮಾನಗಳ ಹಿಂದಿನ ೆಟೋಗಳನ್ನು ಪರಿಕಲ್ಪನೆಗೆ ಅನುಗುಣವಾಗಿ ಕ್ರಾಪ್ ಮಾಡಿ, ರೀವರ್ಕ್ ಮೂಲಕ ಪ್ರದರ್ಶನಕ್ಕೆ ಇಡಲಾಗಿತ್ತು. ಫೋಟೋಗಳ ಜೊತೆಗೆ ಅವರ ಸಂಕ್ಷಿಪ್ತ ಮಾಹಿತಿಯನ್ನು ಇಡಲಾಗಿದೆ. ಪ್ರದರ್ಶನವನ್ನು ಜು.7ರವರೆಗೆ ನಿಗದಿಗೊಳಿಸಲಾಗಿತ್ತು. ಆದರೆ ಸಾರ್ವಜನಿಕರ ಒತ್ತಾಯದ ಮೇರೆಗೆ ಜು.14 ರವರೆಗೆ ಮುಂದುವರೆಸಲು ಆಯೋಜಕರು ನಿರ್ಧರಿಸಿದ್ದಾರೆ.
