ಮೂಡಲಗಿ ತಾಲೂಕಿನ ಕೌಜಲಗಿ, ಯಾದವಾಡ, ಕುಲಗೋಡ, ರಾಮದುರ್ಗ ತಾಲೂಕಿನ ಕಡಕೋಳ, ಸವದತ್ತಿ ತಾಲೂಕಿನ ಯರಗಟ್ಟಿ, ಬೈಲಹೊಂಗಲ ತಾಲೂಕಿನ ನೇಸರಗಿ ಸೇರಿ ವಿವಿಧ ತಾಲೂಕು ವ್ಯಾಪ್ತಿಯ 100ಕ್ಕೂ ಅಧಿಕ ಗ್ರಾಪಂ ವ್ಯಾಪ್ತಿಯಲ್ಲಿ ಮದ್ಯ, ಮಾಂಸದ ಅಂಗಡಿಗಳು, ಹೋಟೆ, ಸಣ್ಣ ಮತ್ತು ಅತಿ ಸಣ್ಣ ಗುಡಿ ಕೈಗಾರಿಕೆಗಳು, ವಾರದ ಸಂತೆಗಳು ನಡೆಯುತ್ತಿವೆ. ಮಾಸಿಕ ಕೋಟ್ಯಂತರ ರೂ. ವ್ಯವಹಾರ ನಡೆಯುತ್ತದೆ. ಆದರೆ, ಗ್ರಾಪಂಗಳಿಗೆ ಆದಾಯ ಮಾತ್ರ ಶೂನ್ಯವಾಗಿದೆ. ಆದಾಯಕ್ಕೆ ತಕ್ಕಂತೆ ತೆರಿಗೆ ವಸೂಲಿ ಆಗುತ್ತಿಲ್ಲ. ಷರತ್ತು ಇಲ್ಲದೆ ಅಂಗಡಿಗಳಿಗೆ ಪರವಾನಗಿ ನೀಡುತ್ತಿರುವ ಪರಿಣಾಮ ಸರ್ಕಾರಕ್ಕೆ ಲಕ್ಷಾಂತರ ರೂ. ತೆರಿಗೆ ನಷ್ಟವಾಗುತ್ತಿದೆ ಎಂದು ಹೋರಾಟಗಾರ ರಾಮು ಎಸ್.ಪಾಟೀಲ, ಫಕೀರ ಎಂ. ಮಾದರ ದೂರಿದ್ದಾರೆ.
