ಈ ವೇಳೆ ಗ್ರಾಮಸ್ಥರಾದ ಜಗದೀಶ್ ಹಾಗೂ ವೀರಪ್ಪನ್ ಎಂಬುವರು ಮಾತನಾಡಿ, ಕೊಟ್ಟಿಗೆ ನಿರ್ಮಿಸಿ 3 ವರ್ಷವೇ ಕಳೆದಿದ್ದು, ನರೇಗಾ ಯೋಜನೆಯಡಿ 6 ಸಾವಿರ ರೂ. ಮಾತ್ರ ಬಿಡುಗಡೆ ಮಾಡಲಾಗಿದೆ. ಆದರೆ ಲೆಕ್ಕ ವಿವರದಲ್ಲಿ 18 ಸಾವಿರ ರೂ. ನಮೂದಿಸಲಾಗಿದೆ. ಇದು ಎಷ್ಟರ ಮಟ್ಟಿಗೆ ಸರಿ? ಹಣ ಪಾವತಿಯಾಗದಿದ್ದರೂ ಜನರಿಗೆ ಅನ್ಯಾಯವೆಸಗಲಾಗುತ್ತಿದೆ. ಆದ್ದರಿಂದ ಬರಬೇಕಿರುವ ಅನುದಾನ ಬಿಡುಗಡೆ ಮಾಡಿಕೊಡಬೇಕು ಎಂದು ಒತ್ತಾಯಿಸಿದರು.
ಮುತ್ತುಶೆಟ್ಟಿಯೂರಿನ ಕಳೆದ ಸಾಲಿನಲ್ಲಿ ನಡೆದಿರುವ ಕಾಮಗಾರಿಗಳು ಸಮರ್ಪಕವಾಗಿಲ್ಲ. ಆದ್ದರಿಂದ ಮುಂದೆ ಕೈಗೊಳ್ಳಬೇಕಿರುವ ಕಾಮಗಾರಿಗಳ ಬಗ್ಗೆ ಪಟ್ಟಿ ತಯಾರಿಸಿ ಸಮರ್ಪಕವಾಗಿ ಅನುಷ್ಠಾನಕ್ಕೆ ತರಬೇಕು. ಈ ಬಗ್ಗೆ ಅಧಿಕಾರಿಗಳು ಅಗತ್ಯ ಕ್ರಮವಹಿಸಬೇಕು ಎಂದರು.
