ತೊಂಭತ್ತುಮನೆಯಲ್ಲಿ ಗ್ರಾಮೀಣ ಕ್ರೀಡಾಕೂಟದ ಸಂಭ್ರಮ ವಿವಿಧ ಸ್ಪರ್ಧೆಗಳಲ್ಲಿ ಮಿಂಚಿದ ಗ್ರಾಮಸ್ಥರು

ಮಡಿಕೇರಿ: ಕೊಡಗು ಜಿಲ್ಲಾಡಳಿತ, ಜಿ.ಪಂ, ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ, ನೆಹರು ಯುವ ಕೇಂದ್ರ, ಜಿಲ್ಲಾ ಯುವ ಒಕ್ಕೂಟ, ತಾಲ್ಲೂಕು ಯುವ ಒಕ್ಕೂಟದ ಸಂಯುಕ್ತಾಶ್ರಯದಲ್ಲಿ ಹಾಕತ್ತೂರು ತೊಂಭತ್ತುಮನೆ ತ್ರಿನೇತ್ರ ಯುವಕ ಸಂಘದ ವತಿಯಿಂದ ನಡೆದ ಗ್ರಾಮೀಣ ಕ್ರೀಡಾಕೂಟ ಗ್ರಾಮಸ್ಥರ ಗಮನ ಸೆಳೆಯಿತು.

ತೊಂಭತ್ತುಮನೆ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಆವರಣದಲ್ಲಿ ಆಯೋಜಿಸಿದ್ದ ಕ್ರೀಡಾಕೂಟದಲ್ಲಿ ಗ್ರಾಮಸ್ಥರು ಹಾಗೂ ವಿದ್ಯಾರ್ಥಿಗಳು ಪಾಲ್ಗೊಂಡು ಸಂಭ್ರಮಿಸಿದರು. ವಿವಿಧ ಕ್ರೀಡಾ ಸ್ಪರ್ಧೆಗಳಲ್ಲಿ ತೀವ್ರ ಪೈಪೋಟಿ ನೀಡಿ ಬಹುಮಾನ ಗೆದ್ದರು.

ಪುರುಷರ ಹಗ್ಗಜಗ್ಗಾಟದಲ್ಲಿ ವಿನಾಯಕ ಎ ತಂಡ(ಪ್ರ), ಎ.ವೈ.ಸಿ ತಂಡ ದ್ವಿತೀಯ, ಮಹಿಳೆಯರ ಹಗ್ಗಜಗ್ಗಟದಲ್ಲಿ ಚೂರಿಕಾಡು ಗರ್ಲ್ಸ್ (ಪ್ರ), ತೊಂಭತ್ತುಮನೆ ವಿನಾಯಕ ತಂಡ ದ್ವಿತೀಯ ಬಹುಮಾನ ಪಡೆದುಕೊಂಡಿತು. ಕಾಳು ಹೆಕ್ಕುವ ಬಾಲಕರ ವಿಭಾಗದಲ್ಲಿ ಮುರ್ಶಿದ್ (ಪ್ರ), ಫಹೀಮ್ (ದ್ವಿ), ಸಾತ್ವಿಕ್(ತೃ), ಬಾಲಕಿಯರ ವಿಭಾಗದಲ್ಲಿ ದಿಯಾ (ಪ್ರ), ಆಮ್ನ (ದ್ವಿ), ಮಾನ್ವಿತ ತೃತೀಯ ಸ್ಥಾನ ಪಡೆದುಕೊಂಡರು.

೧೦೦ ಮೀ ಓಟದ ಸ್ಪರ್ಧೆಯಲ್ಲಿ ಬಾಲಕರ ವಿಭಾಗದಲ್ಲಿ ಆಶಿಕ್(ಪ್ರ), ಅಫ್ಸಲ್(ದ್ವಿ), ನಿದೀಶ್(ತೃ), ಬಾಲಕಿಯರ ವಿಭಾಗದಲ್ಲಿ ಸಮ್ನ(ಪ್ರ), ವೈಷ್ಣವಿ(ದ್ವಿ), ದಿಯಾ(ತೃ) ಸ್ಥಾನ ಪಡೆದುಕೊಂಡರು. ೬ ರಿಂದ ೭ನೇ ತರಗತಿ ವಿದ್ಯಾರ್ಥಿಗಳ ೨೦೦ ಮೀ ಓಟದ ಸ್ಪರ್ಧೆಯಲ್ಲಿ ಬಾಲಕರ ವಿಭಾಗದಲ್ಲಿ ಸಿನಾನ್(ಪ್ರ), ಅಫೀಸ್ (ದ್ವಿ), ಶೃಬಿನ್ ತೃತೀಯ ಸ್ಥಾನ, ಬಾಲಕಿಯರ ವಿಭಾಗದಲ್ಲಿ ಸಹಾನ(ಪ್ರ), ಪಿ.ಆರ್.ಜಸ್ಮಿತಾ(ದ್ವಿ), ಫಾತಿಮಾ ತೃತೀಯ ಬಹುಮಾನ ಪಡೆದರು.

೮ ರಿಂದ ೧೦ ನೇ ತರಗತಿ ವಿದ್ಯಾರ್ಥಿಗಳಿಗೆ ನಡೆದ ೨೦೦ ಮೀ. ಓಟದ ಸ್ಪರ್ಧೆಯಲ್ಲಿ ಬಾಲಕರ ವಿಭಾಗದಲ್ಲಿ ಇರ್ಫಾನ್(ಪ್ರ), ನವಾಜ್(ದ್ವಿ), ಸಚಿನ್(ತೃ) ಸ್ಥಾನ, ಬಾಲಕಿಯರ ವಿಭಾಗದಲ್ಲಿ ರಕ್ಷಿತ(ಪ್ರ), ಅಫ್ರಿನಾ(ದ್ವಿ), ಸ್ವಾತಿ ತೃತೀಯ ಸ್ಥಾನ ಪಡೆದುಕೊಂಡರು. ೩೦೦ ಮೀ ಓಟದ ಸ್ಪರ್ಧೆಯಲ್ಲಿ ಬಾಲಕರ ವಿಭಾಗದಲ್ಲಿ ರಾಶಿದ್(ಪ್ರ), ಸಿರಾಜುದ್ದೀನ್(ದ್ವಿ), ಸಿಯಾಬುದ್ದೀನ್(ತೃ), ಬಾಲಕಿಯರ ವಿಭಾಗದಲ್ಲಿ ತೃಪ್ತಿ(ಪ್ರ), ರಕ್ಷಿತಾ(ದ್ವಿ) ಹಾಗೂ ದೀಪ್ತಿ ತೃತೀಯ ಸ್ಥಾನ ಪಡೆದರು.

ಸಾರ್ವಜನಿಕರ ರಸ್ತೆ ಓಟದಲ್ಲಿ ಪುರುಷರ ವಿಭಾಗದಲ್ಲಿ ಎಂ.ಎ.ಅನ್ಸಾರ್(ಪ್ರ) ರಾಶಿದ್(ದ್ವಿ), ಆಶಿಕ್(ತೃ) ಸ್ಥಾನ, ಮಹಿಳೆಯರ ವಿಭಾಗದಲ್ಲಿ ರಕ್ಷಿತಾ(ಪ್ರ), ಸ್ವಾತಿ(ದ್ವಿ), ಶಿಲ್ಪ ತೃತೀಯ ಬಹುಮಾನ ಪಡೆದುಕೊಂಡರು. ಸಾರ್ವಜನಿಕ ಮಹಿಳೆಯರ ಸಂಗೀತಾ ಕುರ್ಚಿ ಸ್ಪರ್ಧೆಯಲ್ಲಿ ಕುಶ್ಮಿತಾ(ಪ್ರ), ಸುಷ್ಮಾ(ದ್ವಿ), ರಮ್ಯಶ್ರೀ ತೃತೀಯ, ನಿಂಬೆ ಚಮಚ ಸ್ಪರ್ಧೆಯಲ್ಲಿ ಸುಮ(ಪ್ರ), ಪ್ರಮೀಳಾ(ದ್ವಿ), ಸರಸ್ವತಿ ತೃತೀಯ ಬಹುಮಾನ ಪಡೆದರು.

ಸಾರ್ವಜನಿಕರ ಗೋಣಿ ಚೀಲ ಓಟದ ಸ್ಪರ್ಧೆಯಲ್ಲಿ ಪುರುಷರ ವಿಭಾಗದಲ್ಲಿ ಶಿವ ಪ್ರಥಮ, ಸಿಯಾಬು ದ್ವಿತೀಯ, ಬಿ.ಬಿ.ಹರೀಶ್ ತೃತೀಯ, ಸಾರ್ವಜನಿಕ ಬಸ್ಸಾಟದಲ್ಲಿ ಪುರುಷರ ವಿಭಾಗದಲ್ಲಿ ಉಮೇರ ಪ್ರಥಮ, ಕೃಷ್ಣ ಕುಟ್ಟಿ ದ್ವಿತೀಯ, ರಂಜಿತ್ ತೃತೀಯ, ಮಹಿಳೆಯರ ವಿಭಾಗದಲ್ಲಿ ಎಸ್.ಎಸ್.ಪ್ರಮೀಳ ಪ್ರಥಮ, ಸಿಂಚನ ದ್ವಿತೀಯ, ದೀಕ್ಷ ತೃತೀಯ ಬಹುಮಾನ ಪಡೆದುಕೊಂಡರು. ಸಂಜೆ ನಡೆದ ಸಮಾರೋಪ ಸಮಾರಂಭದಲ್ಲಿ ವಿಜೇತರಿಗೆ ಬಹುಮಾನ ವಿತರಿಸಲಾಯಿತು.

ತೊಂಭತ್ತುಮನೆ ತ್ರೀನೇತ್ರ ಯುವಕ ಸಂಘದ ಅಧ್ಯಕ್ಷ ಹಾಗೂ ಜಿಲ್ಲಾ ಯುವ ಒಕ್ಕೂಟದ ಅಧ್ಯಕ್ಷ ಪಿ.ಪಿ.ಸುಕುಮಾರ್ ಅಧ್ಯಕ್ಷತೆಯಲ್ಲಿ ನಡೆದ ಕ್ರೀಡಾ ಕೂಟದಲ್ಲಿ ಹಾಕತ್ತೂರು ಗ್ರಾ.ಪಂ.ಉಪಾಧ್ಯಕ್ಷ ಎಚ್.ಟಿ.ಕಿರಣ, ಸದಸ್ಯ ಶೈನಿ, ತೊಂಭತ್ತುಮನೆ ಶಾಲಾಭಿವೃದ್ಧಿ ಹಾಗೂ ಮೇಲ್ತುವಾರಿ ಸಮಿತಿ ಅಧ್ಯಕ್ಷ ಕೆ.ವೈ.ಜಲೀಲ್ ಇತರರು ಪಾಲ್ಗೊಂಡಿದ್ದರು.