ಭಾವನಾತ್ಮಕ ಸಂದೇಶಕ್ಕೆ ಸಾಕ್ಷಿ: ಮತದಾನ ಜಾಗೃತಿ ಅಂಗವಾಗಿ ಮುದ್ರಿಸಿದ ಮತದಾನ ಮಮತೆಯ ಕರೆಯೋಲೆ ಭಾವನಾತ್ಮಕ ಸನ್ನಿವೇಶಕ್ಕೆ ಸಾಕ್ಷಿಯಾಯಿತು. ವರ ಮತದಾನ, ವಧು ಪ್ರಜಾಪ್ರಭುತ್ವ ಎಂದು ಕಾರ್ಡ್ನಲ್ಲಿ ನಮೂದಿಸಲಾಗಿದೆ. ಚುನಾವಣಾ ಆಯೋಗ ನಿಶ್ಚಯಿಸಿದಂತೆ ಮೇ 10ರಂದು ನಡೆಯುವ ಶುಭ ಸಮಾರಂಭದಲ್ಲಿ ಭಾರತಮಾತೆಯ ಸುಪುತ್ರ ಮತದಾನ ಎಂದು ವಿವರಿಸಲಾಗಿದೆ. ಈ ಆಮಂತ್ರಣ ಪತ್ರಿಕೆಯಲ್ಲಿ ವಿಶೇಷ ಸೂಚನೆ ಗಮನ ಸೆಳೆಯುವಂತಿದೆ. ಇದರಲ್ಲಿ ಮತದಾನದ ಕರೆಯೋಲೆಯಲ್ಲಿ ಉಡುಗೊರೆ ಇರುವುದಿಲ್ಲ, ಹಣ, ಹೆಂಡ, ಇತರೆ ದುಷ್ಟ ಆಮಿಷಕ್ಕೆ ಒಳಗಾಗದೇ ನೈತಿಕ ಮತದಾನ ಮಾಡಿದರೆ ಅದೇ ನಿಮ್ಮ ಉಡುಗೊರೆ ಮತ್ತು ಆಶೀರ್ವಾದ ಎಂದು ತಿಳಿಸಲಾಗಿದೆ. ಮತದಾನದ ಸಮಯ ಸ್ಥಳ ಆಯಾ ಗ್ರಾಮದ ಎಲ್ಲ ಮತಗಟ್ಟೆಗಳು ಎಂದು ತಿಳಿಸಲಾಗಿದ್ದು ಬೆಳಗ್ಗೆ 7 ಗಂಟೆಯಿಂದ ಸಂಜೆ 6ಗಂಟೆವರೆಗೆ ಎಂಬ ಮಾಹಿತಿ ನೀಡಲಾಗಿದೆ.
