ಹಂದಿ ಬಾಂಬ್! ನೆಲಮಂಗಲ, ದೊಡ್ಡಬಳ್ಳಾಪುರ ತಾಲೂಕು ವ್ಯಾಪ್ತಿಯ ಅರಣ್ಯದಂಚಿನ ಗ್ರಾಮಗಳಲ್ಲಿ ಈ ರೀತಿಯ ಸ್ಟೋಟಕಗಳನ್ನು ತಯಾರು ಮಾಡುತ್ತಾರೆ, ಮನೆಗಳಲ್ಲೇ ತಯಾರು ಮಾಡಿ ಅವುಗಳನ್ನು ಕಾಡಂಚಿನ ಜಮೀನುಗಳಲ್ಲಿ ಇರಿಸಿ ಕಾಡುಪ್ರಾಣಿಗಳ ಬೇಟೆಯಾಡುತ್ತಾರೆ. ಮೇಲ್ನೋಟಕ್ಕೆ ಕಾಡುಪ್ರಾಣಿಗಳಿಂದ ಬೆಳೆ ರಕ್ಷಣೆಗಾಗಿ ಇಂಥ ಬಾಂಬ್ಗಳನ್ನು ತಯಾರು ಮಾಡುತ್ತಾರೆ ಎನ್ನಲಾದರೂ ಪ್ರಮುಖವಾಗಿ ಕಾಡುಹಂದಿಗಳ ಬೇಟಗಾಗಿಯೇ ಈ ಕೃತ್ಯ ಎಸಗುತ್ತಾರೆ. ಇದನ್ನು ‘ಹಂದಿ ಬಾಂಬ್ ’ಎಂದು ಸ್ಥಳೀಯವಾಗಿ ಕರೆಯಲಾಗುತ್ತದೆ, ಇಂಥ ಸಿಡಿಮದ್ದುಗಳು ಸಿಡಿದರೆ ಪ್ರಾಣಿಗಳು ಗಂಭೀರವಾಗಿ ಗಾಯಗೊಂಡು ಸ್ಥಳದಲ್ಲೆ ಅಸುನೀಗುತ್ತವೆ. ಒಂದು ವೇಳೆ ಮನುಷ್ಯರು ಇಂಥ ಬಾಂಬ್ಗಳ ಮೇಲೆ ಕಾಲಿಟ್ಟರೆ ಅವರಿಗೂ ಇದರ ತೀವ್ರತೆ ಎದುರಾಗುತ್ತದೆ, ಸ್ಟೋಟದ ತೀವ್ರತೆ ಮೇಲೆ ಪ್ರಾಣಹಾನಿಯೂ ಸಂಭವಿಸಬಹುದು ಎನ್ನಲಾಗಿದ್ದು ಇದರ ನಿಯಂತ್ರಣಕ್ಕೆ ಪೊಲೀಸರು ಕ್ರಮಕೈಗೊಳ್ಳಬೇಕಿದೆ ಎಂದು ಸಾರ್ವಜನಿಕರು ಒತ್ತಾಯಿಸಿದ್ದಾರೆ.
