ಶ್ರೇಯಾಗೆ ಕರೆ ಮಾಡಿದ್ದ ಟೆಕ್ಕಿ ಡೇಟಿಂಗ್ ಕುರಿತು ವಿಚಾರಿಸಿದ್ದಾರೆ. ಈ ವೇಳೆ ಆಕೆ ಗ್ರೀನ್ ಕಾರ್ಡ್ ಹಾಗೂ ಹೋಟೆಲ್ನಲ್ಲಿ ರೂಮ್ ಬುಕಿಂಗ್ಗೆಂದು ಎರಡು ಲಕ್ಷ ರೂ. ಜಮೆ ಮಾಡಿಸಿಕೊಂಡಿದ್ದು ನಂತರ ಸಂಪರ್ಕಕ್ಕೆ ಸಿಕ್ಕಿಲ್ಲ. ನಂತರ ಕಂಪನಿಯವರು ಮತ್ತೊಂದು ಫೋನ್ ನಂಬರ್ ಕಳುಹಿಸಿದ್ದಾರೆ. ಆ ಸಂಖ್ಯೆಗೆ ಕರೆ ಮಾಡಿದಾಗ ತನ್ನ ಹೆಸರು ನಿಶಾ ಗುಪ್ತ ಎಂದು ಆಕೆ ಪರಿಚಯಿಸಿಕೊಂಡಿದ್ದಾಳೆ. ಆಕೆಯೂ ಹೋಟೆಲ್ ಬುಕ್ಕಿಂಗ್, ಟ್ಯಾಕ್ಸಿ ಖರ್ಚು, ಪಾರ್ಟಿ ಇನ್ನಿತರ ವೆಚ್ಚಗಳಿಗೆಂದು 2 ಲಕ್ಷ ರೂ. ಜಮೆ ಮಾಡಿಸಿಕೊಂಡಿದ್ದಾಳೆ. ಬಳಿಕ ಫೋನ್ ಆಫ್ ಮಾಡಿಕೊಂಡಿದ್ದಾಳೆ. ಕಂಪನಿಯವರು ಮತ್ತೆ ಫೋನ್ ಮಾಡಿ 1 ಲಕ್ಷ ರೂ. ಸಂದಾಯ ಮಾಡುವಂತೆ ಹೇಳಿದಾಗ ವಂಚಿಸುತ್ತಿರುವುದು ಗೊತ್ತಾಗಿ ಟೆಕ್ಕಿ ದೂರು ಕೊಟ್ಟಿದ್ದಾರೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
