ಪಾಸಿಂಗ್ ಮಾರ್ಕ್, ವೇಟೇಜ್ ಇಲ್ಲ…: ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಪಾಸಿಂಗ್ ಮಾರ್ಕ್, ವೇಟೇಜ್ ನೀಡಿ. ಇಲ್ಲವಾದರೆ ಕಡಿಮೆ ಓದಿದ ಮಕ್ಕಳಿಗೆ ಅನ್ಯಾಯವಾಗುತ್ತದೆ ಎಂದು ವಿದ್ಯಾರ್ಥಿನಿಯೊಬ್ಬಳು ಮನವಿ ಮಾಡಿದಳು. ಇದಕ್ಕೆ ಉತ್ತರಿಸಿದ ಸಾರ್ವಜನಿಕ ಶಿಕ್ಷಣ ಇಲಾಖೆ ಆಯುಕ್ತ ಡಾ. ಕೆ.ಜಿ. ಜಗದೀಶ್, ‘ಚೆನ್ನಾಗಿ ಓದಿರುವುದನ್ನು ಪರೀಕ್ಷಿಸುವುದಕ್ಕಾಗಿಯೇ ಪರೀಕ್ಷೆ ನಡೆಸುತ್ತೇವೆ. ಪಾಸಿಂಗ್ ಮಾರ್ಕ್, ವೇಟೇಜ್ ನೀಡಿದರೆ ಪರೀಕ್ಷೆಗೆ ಅರ್ಥವೇ ಇರುವುದಿಲ್ಲ. ವಿದ್ಯಾರ್ಥಿಗಳು ಕಷ್ಟಪಟ್ಟು ಓದಬೇಕು. ಹೆಚ್ಚಿನ ಅಂಕ ಗಳಿಸಬೇಕಾದಲ್ಲಿ ಎಲ್ಲ ಪಾಠಗಳನ್ನು ಚೆನ್ನಾಗಿ ಅರ್ಥ ಮಾಡಿಕೊಳ್ಳಲೇಬೇಕು. ಇದು ಪರೀಕ್ಷೆಗೆ ಮಾತ್ರವಲ್ಲ, ಭವಿಷ್ಯದಲ್ಲೂ ಸಹಾಯಕ್ಕೆ ಬರುತ್ತದೆ’ ಎಂದು ಸಲಹೆ ನೀಡಿದರು.
