ಯತ್ನಾಳ ಸೇರ್ಪಡೆ ಬಿಜೆಪಿಗೆ ಅನಿವಾರ್ಯ

ಸಮೀಪದ ಮುಕಾರ್ತಿಹಾಳದ ಪರಮಭಕ್ತ ಬಸವರಾಜ ಸಾಯಬಣ್ಣ ಮಸಬಿನಾಳ ಮನೆಗೆ ಭಾನುವಾರ ಖಾಸಗಿ ಕಾರ್ಯ ನಿಮಿತ್ತ ಭೇಟಿ ನೀಡಿ, ಸುದ್ದಿಗೋಷ್ಠಿಯಲ್ಲಿ ಅವರು ಮಾತನಾಡಿದರು.

ನಾಡಿನಾದ್ಯಾಂತ ಶಾಸಕರಿಗೆ ಜಾತ್ಯತೀತ ಮತ್ತು ಪಕ್ಷಾತೀತವಾಗಿ ಅಸಂಖ್ಯಾತ ಬೆಂಬಲಿಗರಿದ್ದಾರೆ. ಮುಂಬರುವ 2028ರ ಚುನಾವಣೆಯಲ್ಲಿ ಆ ಪಡೆ ಒಂದು ದೈತ್ಯ ಶಕ್ತಿಯಾಗಿ ಯತ್ನಾಳ ಬೆನ್ನಿಗೆ ನಿಲ್ಲಲಿದೆ. ಈ ನಿಟ್ಟಿನಲ್ಲಿ ಶಾಸಕ ಬಸನಗೌಡ ಪಾಟೀಲ ಯತ್ನಾಳ ಅವರನ್ನು ಬಿಜೆಪಿ ಮರಳಿ ತನ್ನ ಪಕ್ಷಕ್ಕೆ ಸೇರ್ಪಡೆ ಮಾಡಿಕೊಳ್ಳುವುದು ಅನಿವಾರ್ಯ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.

ಪಂಚಮಸಾಲಿ ಜನಾಂಗಕ್ಕೆ 2ಎ ಮೀಸಲಾತಿ ಹೋರಾಟ ಈಗಾಗಲೇ 8 ಹಂತಗಳನ್ನು ಪೂರೈಸಿದ್ದು, ಡಿ. 21 ರಿಂದ ದೇವರ ಹಿಪ್ಪರಗಿಯಿಂದ ಮೀಸಲಾತಿ ಹೋರಾಟ ಮುಂದುವರಿಯಲಿದೆ. ಇನ್ನೂ ಕೂಡಲಸಂಗಮದಲ್ಲಿ ಪಂಚಮಸಾಲಿ ಪೀಠದ ಕಾರ್ಯ ಮುಂದುವರಿದಿದೆ ಎಂದು ಹೇಳಿದರು.

ಯುವ ಮುಖಂಡ ಬಸವರಾಜ ಮಸಬಿನಾಳ ಮತ್ತು ಕುಟುಂಬಸ್ಥರು ಇದ್ದರು.