‘ಹಿಂದೂ-ಮುಸ್ಲಿಂರಲ್ಲಿ ಜಗಳ ಹಚ್ಚುವುದು. ರಾಜಕೀಯ ತೆವಲಿಗಾಗಿ ಒಬ್ಬರ ಮೇಲೆ ಇನ್ನೊಬ್ಬರನ್ನು ಎತ್ತಿಕಟ್ಟುವುದೇ ಯತ್ನಾಳರ ಕಾಯಕ. ಈ ಮನುಷ್ಯ ಅಭಿವೃದ್ಧಿ ಬಗ್ಗೆ ಎಂದೂ ಮಾತನಾಡಿಲ್ಲ. ಕೇವಲ ಅಮಾಯಕ ಯುವಕರನ್ನು ಪ್ರಚೋದಿಸಿ ತಮ್ಮ ರಾಜಕೀಯ ಬೇಳೆ ಬೇಯಿಸಿಕೊಳ್ಳುತ್ತಿದ್ದಾರೆ’ ಎಂದ ಮುಶ್ರೀಫ್, ‘ಅಸಲಿಗೆ ನಿಮಗೆ ಹಿಂದೂಗಳ ಮೇಲೆ ಕಾಳಜಿ ಇದ್ದರೆ ಬಡ ಹಿಂದೂ ಮಕ್ಕಳಿಗೆ ಶೈಕ್ಷಣಿಕವಾಗಿ ನೆರವಾಗಿ, ಉದ್ಯೋಗವಕಾಶ ಕಲ್ಪಿಸಿ, ನಗರದಲ್ಲಿ ಹದಗೆಟ್ಟಿರುವ ರಸ್ತೆ ರಿಪೇರಿ ಮಾಡಿ, ಸ್ಲಂಗಳ ಅಭಿವೃದ್ಧಿ ಮಾಡಿ, ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಸಿಗದೇ ಪರದಾಡುತ್ತಿರುವ ಜನರಿಗೆ ನೆರವಾಗಿ, ಅಗತ್ಯಬಿದ್ದರೇ ನಿಮ್ಮದೇ ಆಸ್ಪತ್ರೆಯಲ್ಲಿ ಅದೇ ಹಿಂದೂಗಳಿಗೆ ಉಚಿತವಾಗಿ ಚಿಕಿತ್ಸೆ ನೀಡಿ’ ಎಂದು ಕಿಚಾಯಿಸಿದರು.
