ಉತ್ತರಿಸುವ ಮೊದಲು ಪ್ರಶ್ನೆಗಳನ್ನು ಅರ್ಥೈಸಿಕೊಳ್ಳಿ

ಇಲ್ಲಿನ ಆದರ್ಶ ನಗರದ ಎಕ್ಸಲಂಟ್ ಕನ್ನಡ ಮಾಧ್ಯಮ ಪ್ರೌಢ ಶಾಲೆಯಲ್ಲಿ ಶನಿವಾರ ಹಮ್ಮಿಕೊಂಡಿದ್ದ 10ನೇ ತರಗತಿ ವಿದ್ಯಾರ್ಥಿಗಳ ಬೀಳ್ಕೊಡುವ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಉತ್ತರ ಬರೆಯುವ ಪೂರ್ವದಲ್ಲಿ ಪ್ರಶ್ನೆಗಳನ್ನು ಸರಿಯಾಗಿ ಅರ್ಥೈಸಿಕೊಳ್ಳುವ ಅಗತ್ಯತೆ ಇದೆ. ಸಮಸ್ಯೆಗಳ ಗಾತ್ರ ಮತ್ತು ಗಂಭೀರತೆಗಳ ಸ್ಪಷ್ಟ ಅರಿವಿಗೆ ಬಾರದ ಹೊರತು ಸೂಕ್ತ ಉತ್ತರ ನೀಡಲು ಅಸಾಧ್ಯ. ಪರೀಕ್ಷೆ ಮಾಡಿಕೊಂಡ ಪರಿಪೂರ್ಣ ತಯಾರಿಯ ಪರಿಣಾಮದಿಂದ ಉಂಟಾದ ಅತಿ ಆತ್ಮವಿಶ್ವಾಸವು ಕೆಲವೊಮ್ಮೆ ಪರಿಹಾರದ ಮಾರ್ಗಗಳನ್ನು ದುಸ್ತರಗೊಳಿಸಬಹುದು. ಹೀಗಾಗಿ, ಪ್ರಶ್ನೆಗಳನ್ನು ಚೆನ್ನಾಗಿ ಅರ್ಥೈಸಿಕೊಂಡು ನಂತರ ಉತ್ತರಕ್ಕಾಗಿ ಮುಂದುವರಿಯುವುದರಿಂದ ಅಧಿಕ ಅಂಕಗಳಿಸಲು ಉತ್ತಮ ಮಾರ್ಗವಾಗಿದೆ ಎಂದರು.

ಅಧ್ಯಕ್ಷತೆ ವಹಿಸಿದ್ದ ರಾಜಶೇಖರ ಕೌಲಗಿ ಮಾತನಾಡಿ, ವಿದ್ಯಾರ್ಥಿಗಳು ಓದಿನಲ್ಲಿ ಶ್ರಧ್ಧೆಯನ್ನು ರೂಢಿಸಿಕೊಳ್ಳುವುದರೊಂದಿಗೆ ಒಳ್ಳೆಯ ಕನಸುಗಳನ್ನು ಕಾಣಬೇಕು. ಸ್ಪರ್ಧಾತ್ಮಕ ಯುಗದಲ್ಲಿ ಬದುಕಲು ಓಟ ಅತ್ಯಗತ್ಯವಾಗಿದೆ ಎಂದು ತಿಳಿಸಿ, ಪ್ರಾಮಾಣಿಕವಾಗಿ ಅಧ್ಯಯನ ನಡೆಸುವ ಮೂಲಕ ಉತ್ತಮ ಫಲಿತಾಂಶ ಸಾಧಿಸಬೇಕೆಂದು ಶುಭ ಹಾರೈಸಿದರು.

ಕಳೆದ ಸಾಲಿನ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಪ್ರಶಸ್ತಿ ಮತ್ತು ಬಹುಮಾನ ನೀಡಿ ಗೌರವಿಸಲಾಯಿತು. ಪಿ.ಬಿ. ಖೇಡಗಿ, ಎಂ.ಎಚ್. ಹುಗ್ಗೆನವರ, ಎ.ಎನ್. ಕಂಬಾರ, ಜೆ.ಆರ್.ಗುಡ್ಡದ ಮತ್ತಿತರರಿದ್ದರು.