ಲಾಭದತ್ತ ಹೆಜ್ಜೆ ಹಾಕಿದ ಎಸ್‌ಎಸ್ ಬ್ಯಾಂಕ್, ಪ್ರಸಕ್ತ ಸಾಲಿನಲ್ಲಿ ರೂ.4.68 ಕೋಟಿ ಲಾಭ

ನಗರದ ಸಂಗನಬಸವ ಶಿವಯೋಗಿಗಳ ಸಮುದಾಯ ಭವನದಲ್ಲಿ ಶನಿವಾರ ನಡೆದ 114ನೇ ವಾರ್ಷಿಕ ಸರ್ವ ಸಾಧಾರಣ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

ಕರ್ನಾಟಕ ರಾಜ್ಯದ ಸಹಕಾರಿ ರಂಗದಲ್ಲಿ ಬೆಳೆದ ಕೆಲವೇ ಬ್ಯಾಂಕುಗಳಲ್ಲಿ ಸಿದ್ಧೇಶ್ವರ ಬ್ಯಾಂಕ್ ಸಹ ಒಂದು. ಹಂತ ಹಂತವಾಗಿ ಬೆಳೆದು ಪ್ರಸಕ್ತ ಆರ್ಥಿಕ ವರ್ಷದಲ್ಲಿ ರೂ.682,27,58,000 ಅಧಿಕ ದುಡಿಯುವ ಬಂಡವಾಳದೊಂದಿಗೆ ರೂ. 574,86,69,000 ಅಧಿಕ ಠೇವಣಿ ಹೊಂದಿರುವ ಮೂಲಕ ಆರ್ಥಿಕವಾಗಿ ಬ್ಯಾಂಕು ಮತ್ತಷ್ಟು ಬಲಿಷ್ಠವಾಗಿದೆ. ಕಳೆದ ವರ್ಷದಲ್ಲಿ 52.67 ಕೋಟಿ ರೂ. ಆದಾಯ ಗಳಿಸಿದ್ದು, ಪ್ರಸ್ತುತ ವರ್ಷದಲ್ಲಿ 60.05 ಕೋಟಿ ಆದಾಯ ಹೊಂದಿದೆ ಎಂದರು.

ಉಪಾಧ್ಯಕ್ಷ ಗುರುರಾಜ ಎಸ್.ಗಂಗನಹಳ್ಳಿ ಮಾತನಾಡಿ, ಬ್ಯಾಂಕ್ ತನ್ನ ಸೇವೆಯನ್ನು ವಿಜಯಪುರ ಜಿಲ್ಲೆಗೆ ಮಾತ್ರ ಸೀಮಿತಗೊಳಿಸದೆ ಬಾಗಲಕೋಟೆ ಹಾಗೂ ಕಲಬುರಗಿ ಜಿಲ್ಲೆಗಳಲ್ಲಿ ಶಾಖೆಯನ್ನು ಯಶಸ್ವಿಯಾಗಿ ಆರಂಭಿಸಿ ಗ್ರಾಹಕರುಗಳ ವಿಶ್ವಾಸ ಗಳಿಸಿದೆ ಮತ್ತು ಮುಂದಿನ ದಿನಗಳಲ್ಲಿ ಬೆಳಗಾವಿ ಜಿಲ್ಲೆಯಲ್ಲಿ ಹೊಸ ಶಾಖೆಯನ್ನು ಆರಂಭಿಸಲಾಗುವುದು ಎಂದರು.

ಪ್ರಭಾರ ಪ್ರಧಾನ ವ್ಯವಸ್ಥಾಪಕ ಜಗದೀಶ ಕಲ್ಯಾಣಶೆಟ್ಟಿ ಪ್ರಗತಿ ವಿವರ ಮಂಡಿಸಿದರು.

ಮಾಜಿ ಸಚಿವ ಅಪ್ಪಾಸಾಹೇಬ ಮಲ್ಲಪ್ಪ ಪಟ್ಟಣಶೆಟ್ಟಿ, ಮೇಯರ್ ಎಂ.ಎಸ್. ಕರಡಿ, ನಿರ್ದೇಶಕರಾದ ಗುರುಪಾದಯ್ಯ (ಗುರು) ಎಸ್. ಗಚ್ಚಿನಮಠ, ಹರ್ಷ ಎಸ್.ಪಾಟೀಲ, ಈರಣ್ಣ ಮ. ಪಟ್ಟಣಶೆಟ್ಟಿ, ಸುರೇಶ ಗಚ್ಚಿನಕಟ್ಟಿ, ವಿಜಯಕುಮಾರ ಇಜೇರಿ, ವಿಶ್ವನಾಥ ಪಾಟೀಲ (ಮಸಿಬಿನಾಳ), ರಾಜೇಂದ್ರ ಎಂ. ಪಾಟೀಲ (ಉಪ್ಪಲದಿನ್ನಿ), ರಮೇಶ ಎಚ್. ಬಿದನೂರ, ವೈಜನಾಥ ಬಿ.ಕರ್ಪೂರಮಠ, ಡಾ. ಸಂಜೀವ ಪಾಟೀಲ (ಮುಳವಾಡ), ಕರುಣಾ ಔರಂಗಬಾದ್, ಬೋರಮ್ಮ ಗೊಬ್ಬೂರ, ಸೌಭಾಗ್ಯ ಭೋಗಶೆಟ್ಟಿ, ಪ್ರಕಾಶ ಎಸ್.ಬಗಲಿ, ರಾಜಶೇಖರ ಕತ್ತಿ, ಸಾಯಬಣ್ಣ ಎಸ್.ಭೋವಿ, ಅಮೋಘಸಿದ್ದ ಎಂ.ನಾಯ್ಕೋಡಿ, ಸಂಗನಗೌಡ ಎಸ್.ಪಾಟೀಲ, ಮಂಜುನಾಥ ಸಿ. ಗುಂದಗಿ ಇತರರಿದ್ದರು.

ಸಹಕಾರಿ ಕ್ಷೇತ್ರದಲ್ಲಿ ಕರ್ನಾಟಕ ಸಹಕಾರಿ ರತ್ನ ಪ್ರಸಸ್ತಿ ಭಾಜನರಾದ ಶಂಕರಗೌಡ ಪಾಟೀಲ ಹಾಗೂ ಸೈಕ್ಲಿಂಗ್ ಕ್ಷೇತ್ರದಲ್ಲಿ ಸಾಧನೆಗೈದ ರಾಜು ಬಿರಾದಾರ ಅವರನ್ನು ಮತ್ತಿತರರನ್ನು ಸನ್ಮಾನಿಸಿ ಗೌರವಿಸಲಾಯಿತು.

ವೀರೇಶ ವಾಲಿ ಅವರ ಸಂಗಡಿಗರಿಂದ ಸಂಗೀತ ಸಂಗೀತ ಸೇವೆ ಸಲ್ಲಿಸಲಾಯಿತು. ಬಿ.ಕೆ. ಪಾಟೀಲ ಕಾರ್ಯಕ್ರಮ ನಿರ್ವಹಿಸಿದರು.