ಚಾತುರ್ಮಾಸ್ಯದಲ್ಲಿ ಪಾಲ್ಗೊಳ್ಳುವುದೇ ಪೂರ್ವಜನ್ಮದ ಪುಣ್ಯ

ಪಟ್ಟಣದ ಮಾರುತಿ ನಗರದ ಶ್ರೀ ಶಿವಚಿದಂಬರೇಶ್ವರ ದೇವಸ್ಥಾನದಲ್ಲಿ ಶನಿವಾರ ಸಂಸ್ಥಾನ ಪೂಜೆ ನಂತರ ಭಕ್ತ ಸಮೂಹಕ್ಕೆ ನಂತರ ಶ್ರೀಗಳು ಮಾತನಾಡಿ, ಗುರುಗಳ ದರ್ಶನ, ಪಾದ ಪೂಜೆಯಿಂದ ದೇಹ ಶುದ್ಧಗೊಳ್ಳುವುದು. ಇಂತಹ ವೈಭವೋತ್ಸವ 45 ದಿನಗಳಲ್ಲಿ ನಡೆಯುವುದನ್ನು ನೋಡಲು ಎರಡು ಕಣ್ಣುಗಳು ಸಹ ಸಾಲದು. ಈ ಮಹಾ ಸ್ಥಳವೇ ಇಂದ್ರಲೋಕದಂತೆ ಕಂಗೊಳಿಸುತ್ತದೆ ಎಂದರು.

ಶ್ರೀಗಳು ಶ್ರೀ ಸತ್ಯಾತ್ಮರು ಕಲಿಯುಗವನ್ನು ಧರ್ಮಯುಗವನ್ನಾಗಿ ಪರಿವರ್ತಿಸಲು ಮಹಾ ಮಹಿಮರಾಗಿದ್ದಾರೆ. ಭಕ್ತಿ, ಜ್ಞಾನ, ಶ್ರದ್ಧೆ, ಜಪ, ತಪ, ಉಪವಾಸಗಳ ಸಾಗರ ವೈರಾಗ್ಯಮೂರ್ತಿ ಭಕ್ತವೃಂದಕ್ಕೆ ಅವರ ಭಕ್ತಿಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಾ ಸನ್ಮಾರ್ಗಕ್ಕೆ ಕೊಂಡ್ಯೊಯ್ದುದ್ದರ ಬಗ್ಗೆ ತಿಳಿಸಿದರು.

ಶ್ರೀಗಳು ಚಾತುರ್ಮಾಸ್ಯವೆಂದರೇನು? ಇದನ್ನು ಆಚರಣೆ ಮಾಡುವುದರಿಂದ ಯಾವ ಯಾವ ಲಾಭ ದೊರೆಯುತ್ತದೆ? ಎಂಬುದರ ಕುರಿತು ಮಾರ್ಮಿಕವಾಗಿ ನುಡಿದರು.

ಕಾರ್ಯಕ್ರಮಕ್ಕೂ ಮೊದಲು ಬೆಳಗ್ಗೆ ಸುಪ್ರಭಾತ ಸೇವೆ, ನೈರ್ಮಲ್ಯ ಪೂಜೆ, ಗುರುಗಳಿಗೆ ಪಾದಪೂಜೆ, ಶ್ರೀಗಳಿಂದ ಸಂಸ್ಥಾನ ಪೂಜೆ, ನೈವೇದ್ಯ, ಗುರುಗಳಿಗೆ ಭಿಕ್ಷೆ, ಭಕ್ತರಿಗೆ ತೀರ್ಥ ಪ್ರಸಾದ ಮಂತ್ರಾಕ್ಷತೆ ಪ್ರದಾನ ಮಾಡಲಾಯಿತು. ನಂತರ ತೊಟ್ಟಿಲು ಪೂಜೆ ಭಜನೆ ಮುಂತಾದ ಕಾರ್ಯಕ್ರಮಗಳು ಭಕ್ತಾಧಿಗಳಿಂದ ಜರುಗಿತು. ವಿಷ್ಣುವಿನ ಸಹಸ್ರ ನಾಮ, ಭಕ್ತಿಗೀತೆಯನ್ನು ಹಾಡುವುದರೊಂದಿಗೆ ಮಹಾಪೂಜೆ ಗೈಯಲಾಯಿತು. ಶ್ರೀಗಳು ಭಕ್ತರಿಗೆ ತಪ್ತ ಮುದ್ರಧಾರಣೆ ಮಾಡಿದರು.

ಸಿಎಂ ಆಪ್ತ ವಲಯ ಅಧಿಕಾರಿ ಕೃಷ್ಣ ಕುಮಾರ, ಪುರುಷೋತ್ತಮ, ವಿನಯಕುಮಾರ ಅವರನ್ನು ಶ್ರೀಗಳು ಸನ್ಮಾನಿಸಿ ಗೌರವಿಸಿದರು.

ಕಣ್ವಮಠಾಧ್ಯಕ್ಷ ರಾಘವೇಂದ್ರ ಆಲಗೂರ, ಗುಂಡಭಟ್ಟ ಜೋಶಿ, ಕೆ.ಬಿ. ದೇಶಪಾಂಡೆ, ವಾಸುದೇವ ಸಾಲವಾಡಗಿ, ವಾಸುದೇವಶಾಸಿ, ಸಿ.ಬಿ. ಕುಲಕರ್ಣಿ, ಶಂಕರಭಟ್ಟ ಜೋಶಿ, ವೆಂಕಟೇಶಾಚಾರ್ಯ ಗ್ರಾಮಪುರೋಹಿತ, ವಿನಾಯಕರಾವ ಕುಲಕರ್ಣಿ, ಅನೀಲ್ ಕುಲಕರ್ಣಿ, ಬಾಪುರಾವ ದೇಸಾಯಿ, ಕಷ್ಣಾಜಿ ಕುಲಕರ್ಣಿ, ಪುಟ್ಟು ಕುಲಕರ್ಣಿ, ಪ್ರದೀಪ ಕುಲಕರ್ಣಿ, ಮುರಹರಿ ದೇಶಪಾಂಡೆ, ರಾಘವೇಂದ್ರ ಕುಲಕರ್ಣಿ(ಆಲೂರ), ಶೇಷಗಿರಿರಾವ್ ದೇಸಾಯಿ, ಅರವಿಂದ ದೇಶಪಾಂಡೆ, ಅಣ್ಣಾರಾವ್ ದೇಶಪಾಂಡೆ ಮಾರ್ಗದರ್ಶಕರು, ಯುವಕ ಮಂಡಳಿ ಪದಾಧಿಕಾರಿಗಳು ಪಾಲ್ಗೊಂಡಿದ್ದರು. ತಾಳಿಕೋಟೆ ಹಾಗೂ ಸುತ್ತಮುತ್ತಲಿನ ವಿಪ್ರಸಮಾಜ ಬಾಂಧವರು ಹೆಚ್ಚಿನ ಸಂಖ್ಯೆಯಲ್ಲಿ ಉಪಸ್ಥಿತರಿದ್ದು ತಮ್ಮ ಭಕ್ತಿ ಸಮರ್ಪಿಸಿದರು.