ನೆಹರು ಕಟ್ಟಿದ ಸಂಸ್ಥೆ ಮಾರಿದ್ದೇ ಮೋದಿ ಸಾಧನೆ, ಕೆಪಿಸಿಸಿ ವಕ್ತಾರ ಎಸ್.ಎಂ. ಪಾಟೀಲ ಗಣಿಹಾರ ಟೀಕೆ

ನೆಹರು ಅವರು ಸಂಕಷ್ಟದ ಸ್ಥಿತಿಯಲ್ಲಿ ಭಾರತದ ಚುಕ್ಕಾಣಿ ಹಿಡಿದರು. ಅಲಿಪ್ತ ನೀತಿ ಮೂಲಕ ಹಂತ ಹಂತವಾಗಿ ರಾಷ್ಟ್ರವನ್ನು ಕಟ್ಟಿದರು. ಅಂದು ನೆಹರು ಕಟ್ಟಿದ ಸರ್ಕಾರಿ ಸಂಸ್ಥೆಗಳನ್ನು ಪ್ರಧಾನಿಯಾಗಿ ನರೇಂದ್ರ ಮೋದಿ ಒಂದೊಂದಾಗಿ ಅಂಬಾನಿ ಮತ್ತು ಆದಾನಿಗೆ ಮಾರಾಟ ಮಾಡಿದರು. ಇದೇ ಮೋದಿಯ ಸಾಧನೆ ಎಂದು ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಅವರು ಲೇವಡಿ ಮಾಡಿದರು.

ಇಸ್ರೇಲ್ ಪಿತೃಭೂಮಿ ಎಂದು ವಿವೇಚನಾ ರಹಿತ ಹೇಳಿಕೆ ನೀಡಿರುವ ಪ್ರಧಾನಿ ಮೋದಿ ಅವರ ಬೇಜವಾಬ್ದಾರಿ ಹೇಳಿಕೆಯಿಂದಾಗಿ ಜನತೆ ಮುಜುಗರ ಅನುಭವಿಸುವಂತಾಗಿದೆ. ಟ್ರಂಪ್‌ಗೆ ಹೆದರಿ ಮೋದಿ ಆಡಳಿತ ನಡೆಸುತ್ತಿದ್ದಾರೆ. ಮೋದಿ ಅವರ ಆಡಳಿತದಲ್ಲಿ ಬಿಜೆಪಿ, ಸಂಘ ಪರಿವಾರ ಮಾತ್ರ ಬೆಳೆದಿದೆ. ದೇಶ ಬಡವಾಗಿದೆ. 12 ವರುಷಗಳ ಆಳ್ವಿಕೆ ನಡೆಸುತ್ತಿರುವ ಪ್ರಧಾನಿ ಮೋದಿ ಅವರು ಅಡ್ವಾಣಿ ಅವರನ್ನು ಕಡೆಗಣಿಸಿ ಅದಾನಿ ಅವರಿಗೆ ಬಲ ನೀಡುತ್ತಿದ್ದಾರೆ ಎಂದರು.

ಗೃಹ ಸಚಿವ ಪ್ರಿಯಾಂಕ್ ಖರ್ಗೆ ಅವರು ಸಂಘ ಪರಿವಾರದ ನೋಂದಣಿ ಬಗ್ಗೆ ಪ್ರಸ್ತಾಪ ಮಾಡುತ್ತಿದ್ದಂತೆ ಬಿಜೆಪಿ ನಾಯಕರು ಮುಗಿಬಿದ್ದು ಮಾತನಾಡುತ್ತಿದ್ದಾರೆ ವಿನಃ ಸಂಘ ಪರಿವಾರದ ‘ಜಿ’ಗಳು ಮೌನವಹಿಸಿದ್ದಾರೆ ಏಕೆ? ಕತ್ತಲೆ ಕೋಣೆಯಲ್ಲಿ ಕುಳಿತು ಬಿಜೆಪಿ ನಾಯಕರಿಂದ ಅವರು ಉತ್ತರ ಕೊಡಿಸುತ್ತಿದ್ದಾರೆ. ಸಂವಿಧಾನದ ಮೇಲೆ ನಂಬಿಕೆ ಮತ್ತು ಗೌರವ ಇದ್ದರೆ ಮೊದಲು ಆರ್‌ಎಸ್‌ಎಸ್ ನೋಂದಣಿ ಮಾಡಿಸಿ ಎಂದರು.

ಮುಖಂಡ ಡಾ.ರವಿಕುಮಾರ ಬಿರಾದಾರ ಮಾತನಾಡಿ, ಸಂಘ ಪರಿವಾರ ಕೆಲವೇ ಜನರ ಉದ್ಧಾರಕ್ಕಾಗಿ ಶೂದ್ರರನ್ನು ಬಳಸಿಕೊಳ್ಳಲು ಕಟ್ಟಿದ ಸಂಸ್ಥೆಯಾಗಿದೆ. ಆರ್‌ಎಸ್‌ಎಸ್ ಈವರೆಗೆ ಜನಪರವಾದ ಒಂದೇ ಒಂದು ಹೋರಾಟ ಮಾಡಿಲ್ಲ, ದೇಶಭಕ್ತಿ ಪಾಠ ಹೇಳುವ ಸಂಘ ಪರಿವಾರ ಕಚೇರಿಯಲ್ಲಿ ರಾಷ್ಟ್ರದ ಧ್ವಜ ಹಾರಿಸಿಲ್ಲ, ಸಂಘ ಪರಿವಾರದ್ದು ದೇಶ ಭಕ್ತಿಯಲ್ಲ ಧ್ವೇಷಭಕ್ತಿ ಎಂದು ಟೀಕಿಸಿದರು.

ಗೋಮಾತೆ ರಾಷ್ಟ್ರೀಯ ಪ್ರಾಣಿ ಎಂದು ಘೋಷಿಸಿದರೆ ಬಿಜೆಪಿಗೆ ರಾಜಕೀಯ ವಿಷಯವೇ ಸ್ತಬ್ದವಾಗುತ್ತದೆ, ಬಿಜೆಪಿ ಸಂಘ ಪರಿವಾರಕ್ಕೆ ಸಿದ್ದಾಂತ ಹಾಗೂ ಸಾಮರಸ್ಯ ಬೇಕಿಲ್ಲ ಎಂದರು.

ಮುಖಂಡರಾದ ಫಯಾಜ್ ಕಲಾದಗಿ, ಸುರೇಶ ಬಿಜಾಪೂರ, ವಸಂತ ಹೊನಮೋಡೆ ಇದ್ದರು.