ಆಲಿಕಲ್ಲು ಮಳೆಯಿಂದ ದ್ರಾಕ್ಷಿ ಬೆಳೆ ನಾಶ, ಸರ್ಕಾರ ತಕ್ಷಣಕ್ಕೆ ರೈತರ ನೆರವಿಗೆ ಧಾವಿಸಲಿ ಎಂದ ಕೇಶವ ಪ್ರಸಾದ್

ಪ್ರಮುಖ ಮುಖ್ಯಾಂಶಗಳು

• ಸಂಕಷ್ಟದಲ್ಲಿ ದ್ರಾಕ್ಷಿ ಬೆಳೆಗಾರರು
• ತಿಕೋಟಾ-ಬಾಬಾನಗರದಲ್ಲಿ ಹಾನಿ
• ಅಪಾರ ಹಾನಿಯಿಂದ ಬಸವಳಿದ ರೈತ

ಸಂವೇದನೆ ಕಳೆದುಕೊಂಡ ಸರ್ಕಾರ

ದ್ರಾಕ್ಷಿ ನಾಡು ಎಂಬ ಖ್ಯಾತಿಗೆ ಒಳಗಾಗಿರುವ ವಿಜಯಪುರ ಜಿಲ್ಲೆಯಲ್ಲಿ ಪ್ರತಿ ವರ್ಷ ಒಂದಿಲ್ಲ ಒಂದು ಕಾರಣಕ್ಕೆ ಬೆಳೆ ಹಾನಿ ಅನುಭವಿಸಲಾಗುತ್ತಿದೆ. ಸರ್ಕಾರಕ್ಕೆ ಸಾಕಷ್ಟು ಬಾರಿ ಮನವಿ ಸಲ್ಲಿಸಿದರೂ ಸಕಾರಾತ್ಮಕವಾಗಿ ಸ್ಪಂದಿಸುತಿಲ್ಲ. ರಾಜ್ಯ ಸರ್ಕಾರ ಸಂವೇದನೆ ಕಳೆದುಕೊಂಡಿದೆ ಎಂದು ಜಿಲ್ಲಾ ಪಂಚಾಯಿತಿ ಮಾಜಿ ಅಧ್ಯಕ್ಷ ಉಮೇಶ ಕೋಳಕೂರ ತಿಳಿಸಿದ್ದಾರೆ.

ಒಂದೆಡೆ ನೈಸರ್ಗಿಕವಾಗಿ ಹಾನಿ ಅನುಭವಿಸಿದರೆ ಇನ್ನೊಂದೆಡೆ ವಿಮೆ ಪಾವತಿಯಲ್ಲಿ ತೊಂದರೆ, ಮಾರುಕಟ್ಟೆ ದರದಲ್ಲಾಗುತ್ತಿರುವ ಏರಿಳಿತದಿಂದಾಗಿ ದ್ರಾಕ್ಷಿ ಬೆಳೆಗಾರರು ನಷ್ಟ ಅನುಭವಿಸುತ್ತಿದ್ದಾರೆ. ಬಾಕಿ ಇರುವ ವಿಮೆ ಹಣ ಪಾವತಿಗಾಗಿ ಈಗಾಗಲೇ ಸರ್ಕಾರಕ್ಕೆ ಒತ್ತಾಯಿಸಲಾಗಿದೆಯಾದರೂ ಯಾವುದೇ ಪ್ರಯೋಜನವಾಗಿಲ್ಲ. ಕೂಡಲೇ ರೈತರಿಗೆ ಪರಿಹಾರ ಕಲ್ಪಿಸಬೇಕೆಂದು ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.