ಅಭಿವೃದ್ಧಿ ಬಿಟ್ಟು ಐಪಿಎಲ್ ಟಿಕೆಟ್‌ಗೆ ಪಟ್ಟು

ಸಮೀಪದ ಮುತ್ತಗಿ ಗ್ರಾಮದಲ್ಲಿ ವೀರರಾಣಿ ಕಿತ್ತೂರು ಚನ್ನಮ್ಮಳ ಕಂಚಿನ ಪುತ್ಥಳಿ ಅನಾವರಣ, 2ಎ ಮೀಸಲಾತಿಗಾಗಿ ಪಂಚಮಸಾಲಿ ಪ್ರತಿಜ್ಞಾ ಕ್ರಾಂತಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.

ದೇಶದ ಸ್ವಾತಂತ್ರೃಕ್ಕಾಗಿ ಹೋರಾಡಿದ ಕಿತ್ತೂರು ಚನ್ನಮ್ಮ, ಬೆಳವಡಿಯ ಮಲ್ಲಮ್ಮ, ಝಾನ್ಸಿರಾಣಿ ಲಕ್ಷ್ಮೀಬಾಯಿ, ಅಹಲ್ಯಾಬಾಯಿ ಹೋಳ್ಕರ್, ಛತ್ರಪತಿ ಶಿವಾಜಿ, ಸಂಗೊಳ್ಳಿ ರಾಯಣ್ಣ, ಡಾ.ಬಿ.ಆರ್. ಅಂಬೇಡ್ಕರ್ ಮೊದಲಾದವರ ಸ್ಮರಣೆ ಮಾಡಿಕೊಂಡ ಶಾಸಕ ಯತ್ನಾಳ್, ಇವರೆಲ್ಲ ಕೇವಲ ಒಂದು ಜಾತಿಗೆ ಸೀಮಿತರಾಗಿಲ್ಲ. ಅದರಂತೆ ಮೀಸಲಾತಿ ಎಂಬುದು ಪಂಚಮಸಾಲಿಗರಿಗಷ್ಟೇ ಸಂಬಂಧಿಸಿದ್ದಲ್ಲ, 2ಎ ಮೀಸಲಾತಿಯಲ್ಲಿ ವೀರಶೈವ ಲಿಂಗಾಯತ, ಆದಿ ಬಣಜಿಗ, ಮರಾಠ, ಕ್ಷತ್ರಿಯ, ಕ್ರಿಶ್ಚಿಯನ್, ಹಂಡೇವಜೀರ ಮತ್ತಿತರ ಜಾತಿಗಳೂ ಸೇರಿವೆ. ಇವರಲ್ಲಿ ಅರ್ಹ ಬಡವರಿಗೆ ಮೀಸಲಾತಿಯ ಲಾಭ ಸಿಗಬೇಕೆಂಬುದು ನಮ್ಮ ಹಕ್ಕೊತ್ತಾಯವಾಗಿದೆ. ಈ ಹೋರಾಟಕ್ಕೆ ತಡವಾಗಿಯಾದರೂ ನ್ಯಾಯ ಸಿಗುವುದು ನಿಶ್ಚಿತ ಎಂದರು.

ರಾಜ್ಯದ ಜನತೆಗೆ ಬೇಕಿರುವುದು ಸಿದ್ದರಾಮಯ್ಯನ ಗ್ಯಾರಂಟಿಯಲ್ಲ. ರೈತರಿಗೆ ನೀರಾವರಿ, 10 ಗಂಟೆ ವಿದ್ಯುತ್ ಸೌಲಭ್ಯ, ನಿರುದ್ಯೋಗಿ ಯುವಕರಿಗೆ ಉದ್ಯೋಗಾವಕಾಶ ಕೊಟ್ಟರೆ ನಿಮ್ಮ ಯಾವುದೇ ಗ್ಯಾಂರಂಟಿನೂ ನಮಗೆ ಬೇಕಿಲ್ಲ. ಸದನದಲ್ಲಿ ಉತ್ತರ ಕರ್ನಾಟಕ ಅಭಿವದ್ಧಿ ಈ ಭಾಗದ ಶಾಸಕರು, ಸಚಿವರು ಮಾತನಾಡಲ್ಲ. ನಾನು ಪ್ರಶ್ನಿಸಿದಾಗಲೂ ಸಹಮತ ವ್ಯಕ್ತಪಡಿಸದೇ ಮೌನಕ್ಕೆ ಜಾರುತ್ತಾರೆ ಎಂದರು.

2028ಕ್ಕೆ ನಮ್ಮ ಯುಗದ ಆರಂಭ ನಿಶ್ಚಿತ. ಆಗ ಯಾರಾದರೂ ಗಜಾನನೋತ್ಸವ, ಶಿವಾಜಿ, ರಾಮನ ಮೆರವಣಿಗೆಯ ಮೇಲೆ ಕಲ್ಲು ತೂರಿದರೆ ಅವರ ಮುಂದೆ ಜೆಸಿಬಿ ಬಂದು ನಿಲ್ಲುವುದು ಖಚಿತ. ಮುಂಬರುವ ಕೇಸರಿ ಯುಗದಲ್ಲಿ ಸಮಾಜದ್ರೋಹಿ, ದೇಶದ್ರೋಹಿಗಳನ್ನು ಹತ್ತಿಕ್ಕುವುದು ಖಚಿತ ಎಂದರು.

ಕೂಡಲ ಸಂಗಮ ಲಿಂಗಾಯತ ಪಂಚಮಸಾಲಿ ಜಗದ್ಗುರು ಮಹಾಪೀಠದ ಬಸವಜಯ ಮತ್ಯುಂಜಯ ಮಹಾಸ್ವಾಮಿಗಳು, ಸ್ಥಳೀಯ ವೀರ ರುದ್ರಮುನಿ ಶಿವಾಚಾರ್ಯರು ಆಶೀರ್ವಚನ ನೀಡಿದರು. ಪಂಚಸೇನಾ ರಾಷ್ಟ್ರಾಧ್ಯಕ್ಷ ಬಸನಗೌಡ ಪಾಟೀಲ (ನಾಗರಾಳ ಹುಲಿ), ಶಿಕ್ಷಕ ಎಸ್.ಎಸ್. ಚಿಮ್ಮಲಗಿ ಮಾತನಾಡಿದರು.

ಮನಗೂಳಿ ಹಿರೇಮಠದ ಅಭಿನವ ಸಂಗನಬಸವ ಶಿವಾಚಾರ್ಯರು, ಶರಣಯ್ಯ ಕಂಬಿಮಠ, ನರಹರಿ ಜ್ಯೋಶಿ ಸಾನಿಧ್ಯ ವಹಿಸಿದ್ದರು. ಜೆಡಿಎಸ್ ಉಪಾಧ್ಯಕ್ಷ ಸೋಮನಗೌಡ ಪಾಟೀಲ (ಮನಗೂಳಿ) ಅಧ್ಯಕ್ಷತೆ ವಹಿಸಿದ್ದರು. ಪ್ರಮುಖರಾದ ಬೋರಮ್ಮ ಗಬ್ಬೂರ, ಸುರೇಶ ಹಾರಿವಾಳ, ಬಸವರಾಜ ಗೊಳಸಂಗಿ, ಶಂಕರಗೌಡ ಬಿರಾದಾರ, ಸುರೇಶ ಚಿಮ್ಮಲಗಿ ಮತ್ತಿತರರಿದ್ದರು.