ಸೈನಿಕರಿಗೆ ಯುದ್ಧವೆಂದರೆ ಸಂಭ್ರಮ..!

ನಗರದ ಎಕ್ಸಲಂಟ್ ವಿಜ್ಞಾನ ಪದವಿ ಪೂರ್ವ ಕಾಲೇಜಿನಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಕಾರ್ಗಿಲ್ ವಿಜಯ ದಿವಸ ಹಾಗೂ ಗುರುಪೌರ್ಣಿಮೆ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿ ಸ್ಥಾನ ಅಲಂಕರಿಸಿ ಅವರು ಮಾತನಾಡಿದರು.

ಸೈನ್ಯಕ್ಕೆ ಸೇರುವ ಅವಕಾಶವು ಸಹ ಕೇವಲ ಪುಣ್ಯವಂತರಿಗೆ ಮಾತ್ರ ಅವಕಾಶ ಲಭಿಸುತ್ತದೆ. ಅಂಥ ಪುಣ್ಯವಂತರಲ್ಲಿ ನಾನು ಕೂಡ ಒಬ್ಬನಾಗಿದ್ದು ನನಗೆ ಹೆಮ್ಮೆ ಎನಿಸುತ್ತದೆ ಎಂದು ತಿಳಿಸಿದರು.

ಯುದ್ಧ ಎನ್ನುವ ಶಬ್ದ ಕೇಳಿದರೆ ಸಾಕು ನಮ್ಮ ಸೈನಿಕರ ರಕ್ತ ಹೂಂಕರಿಸಲು ಪ್ರಾರಂಭಿಸುತ್ತದೆ. ಶರಣರಿಗೆ ಮರಣವೇ ಮಹಾನವಮಿ ಎಂಬAತೆ ಸೈನಿಕರಿಗೆ ಯುದ್ಧವೆಂದರೆ ಸಂಭ್ರಮ. ತಮ್ಮ ಪ್ರಾಣವನ್ನು ಲೆಕ್ಕಿಸದೆ ದೇಶದ ಜನರ ಪ್ರಾಣವನ್ನು ಕಾಯುವುದಕ್ಕೆ ಸದಾ ಸಿದ್ಧರಾಗಿರುತ್ತಾರೆ. ಅಂದು ಕಾರ್ಗಿಲ್ ಯುದ್ಧದಲ್ಲಿಯೂ ಸಹ ಅಂತಹ ಸಾಹಸಿ ಯೋಧರು ಪಾಕಿಸ್ತಾನವನ್ನು ಮಣ್ಣು ಮುಕ್ಕಿಸಿದರು. ಅದರ ಜತೆಗೆ ಭಾರತದ ವಿರುದ್ಧ ತಿರುಗಿ ಬಿದ್ದರೆ ಯಾವ ರೀತಿ ನಡೆದುಕೊಳ್ಳುತ್ತದೆ ಎನ್ನುವುದನ್ನು ಇಡೀ ಜಗತ್ತಿಗೆ ತೋರಿಸಿದರು. ಭಾರತ ಗೆಲುವು ಸಾಽಸಿದ ದಿನವನ್ನು ವಿಜಯ್ ದಿವಸ ಎಂದು ಸಂಭ್ರಮಾಚರಣೆ ಮಾಡುತ್ತೇವೆ. ದೇಶದ ಜನರ ಪ್ರಾಣ ಕಾಯುವ ಕಾಯಕದಲ್ಲಿ ನಾನು ಇದ್ದೆ ಎಂದು ಹೇಳಿಕೊಳ್ಳುವುದರಲ್ಲಿ ಗರ್ವ ಪಡುತ್ತೇನೆ ಎಂದರು.

ಅಧ್ಯಕ್ಷತೆ ವಹಿಸಿದ್ದ ಎಕ್ಸಲಂಟ್ ಸಮೂಹ ಶಿಕ್ಷಣ ಸಂಸ್ಥೆಗಳ ಸಂಸ್ಥಾಪಕ ಚೇರ್ಮನ್ ಬಸವರಾಜ ಕೌಲಗಿ ಮಾತನಾಡಿ, ಕಾರ್ಗಿಲ್ ಯುದ್ಧ ಎನ್ನುವುದು ಎಲ್ಲ ಯುದ್ಧಗಳಂತೆ ಇರಲಿಲ್ಲ. ಎತ್ತರದ ಬೆಟ್ಟಗಳ ಮೇಲೆ ಶತ್ರುಗಳು ಕುಳಿತು ಕೆಳಗಿದ್ದ ನಮ್ಮ ಭಾರತೀಯ ಸೈನಿಕರ ಮೇಲೆ ಗುಂಡಿನ ಮಳೆ ಸುರಿಸುತ್ತಿದ್ದರು. ಅದನ್ನು ಲೆಕ್ಕಿಸದೇ ನಮ್ಮ ಯೋಧರು ಮುನ್ನುಗ್ಗಬೇಕಾಗಿತ್ತು. ಎತ್ತರೆತ್ತರದ ಬೆಟ್ಟಗಳು ಕಣ್ಣು ತಿರುಗಿಸುವ ಕಣಿವೆಗಳನ್ನು ಲೆಕ್ಕಿಸದ ಭಾರತೀಯ ಯೋಧರು ಅಂದು ಹೋರಾಡಿದ್ದರ ಪರಿಣಾಮವಾಗಿ ಇಂದು ನಾವು ನೆಮ್ಮದಿಯ ಬದುಕು ಸಾಗಿಸುತ್ತಿದ್ದೇವೆ. ನಮ್ಮ ಯೋಧರ ತ್ಯಾಗಕ್ಕೆ ನಾವು ಸದಾ ಚಿರಋಣಿಯಾಗಿರಬೇಕು. ನಮ್ಮನ್ನು ಅಜÁ್ಞನದ ಕತ್ತಲೆಯಿಂದ ಜÁ್ಞನದ ಬೆಳಕಿನೆಡೆಗೆ ಕೊಂಡೊಯ್ಯುವ ಗುರುಗಳಿಗೂ ಸಹ ಋಣಿಯಾಗಿರಬೇಕು ಎಂದರು.

ಪ್ರಾಚಾರ್ಯ ಮಂಜುನಾಥ ಜುನಗೊಂಡ ಪ್ರಾಸ್ತಾವಿಕವಾಗಿ ಮಾತನಾಡಿದರು. ವಿಡಿಸಿಸಿ ಬ್ಯಾಂಕ್‌ನ ನಿವೃತ್ತ ವ್ಯವಸ್ಥಾಪಕ ವಿ.ಡಿ. ಮಾದನಶೆಟ್ಟಿ, ಕಾಲೇಜಿನ ಶೈಕ್ಷಣಿಕ ಸಂಯೋಜಕ ಮಂಜುನಾಥ ತುಮ್ಮರಮಟ್ಟಿ ಮತ್ತಿತರರಿದ್ದರು.

ರತ್ನಾ ಕ್ಷತ್ರಿ ಪ್ರಾರ್ಥಿಸಿದರು. ಕನ್ನಡ ವಿಭಾಗದ ಮುಖ್ಯಸ್ಥ ಶರಣಗೌಡ ಪಾಟೀಲ ನಿರೂಪಿಸಿದರು.