ಬಸವಣ್ಣನವರ ತತ್ವಗಳು ಸಮಾಜಕ್ಕೆ ದಾರಿದೀಪ

ಬಸವನಬಾಗೇವಾಡಿಯಿಂದ ವಿಜಯಪುರ ನಗರಕ್ಕೆ ಕಾಲ್ನಡಿಗೆಯ ಮೂಲಕ ಸಾಗುವ ಈ ಜ್ಯೋತಿಯು ಶರಣರ ವಿಚಾರಧಾರೆಗಳನ್ನು ಪ್ರಚಾರ ಮಾಡುವ ಹಾಗೂ ಸಮಾಜದಲ್ಲಿ ಜಾಗೃತಿ ಮೂಡಿಸುವ ಪವಿತ್ರ ಉದ್ದೇಶ ಹೊಂದಿದೆ ಎಂದು ರಾಷ್ಟಿçÃಯ ಬಸವ ಸೈನ್ಯದ ಸಂಸ್ಥಾಪಕ ಅಧ್ಯಕ್ಷ ಶಂಕರಗೌಡ ಬಿರಾದಾರ ಹೇಳಿದರು.

ಬಸವ ಜ್ಯೋತಿ ಯಾತ್ರೆಗೆ ಚಾಲನೆ ನೀಡಿ ಮಾತನಾಡಿ, ಬಸವಣ್ಣನವರ ತತ್ವಗಳು ಇಂದಿನ ಸಮಾಜಕ್ಕೆ ದಾರಿದೀಪವಾಗಿದ್ದು, ಅರಿವಿನ ಬೆಳಕು ಮೂಡಿಸಲು ಪಾದಯಾತ್ರೆ ಸಹಕಾರಿಯಾಗಿದೆ. ದಾರಿಯ ಮಧ್ಯೆ ಬರುವ ಹಳ್ಳಿಗಳಲ್ಲಿ ಜನಜಾಗೃತಿ ಮೂಡಿಸುವುದು ಈ ಯಾತ್ರೆಯ ಮುಖ್ಯ ಉದ್ದೇಶ ಎಂದರು.

ವಿಜಯಪುರದ ಬಿಎಲ್‌ಡಿಇ ಸಂಸ್ಥೆಯ ಸಾರ್ವಜನಿಕ ಸಂಪರ್ಕಾಽಕಾರಿ ಡಾ. ಮಹಾಂತೇಶ ಬಿರಾದಾರ ಮಾತನಾಡಿ, ಬಿ.ಬಿ. ಪಾಟೀಲರು ಸುಮಾರು 12 ವರ್ಷಗಳ ಹಿಂದೆ ಆರಂಭಿಸಿದ ಈ ಬಸವ ಜ್ಯೋತಿ ಯಾತ್ರೆಯನ್ನು ಇಂದು ವಿಜಯಪುರ ಸೈಕಲ್ ಗ್ರೂಪ್ ಸದಸ್ಯರು ಸೇರಿ ಮುಂದುವರಿಸುತ್ತಿದ್ದಾರೆ.

ಯುವಕರಲ್ಲಿ ಬಸವ ತತ್ವದ ಪ್ರಚಾರದ ಜೊತೆಗೆ, ದುಶ್ಚಟಗಳಿಂದ ಆಗುವ ಅನಾಹುತಗಳ ಬಗ್ಗೆ ಜಾಗೃತಿ ಮೂಡಿಸುವುದು ಈ ಯಾತ್ರೆಯ ಮುಖ್ಯ ಗುರಿ ಎಂದರು.

ಸಹಕಾರ ಮಹಾಮಂಡಳ ನಿರ್ದೇಶಕ ಈರಣ್ಣ ಪಟ್ಟಣಶೆಟ್ಟಿ, ಡಿಎಸ್‌ಪಿ ಬಸವರಾಜ ಯಲಿಗಾರ ಹಾಗೂ ಬಿ.ಬಿ. ಪಾಟೀಲ (ಹಂದಿಗನೂರ) ಅವರು ಸಭೆಯನ್ನು ಉದ್ದೇಶಿಸಿ ಪ್ರೇರಣಾತ್ಮಕವಾಗಿ ಮಾತನಾಡಿದರು.

ಜಿಲ್ಲಾ ಕೃಷಿಕ ಸಮಾಜದ ಅಧ್ಯಕ್ಷ ಶಿವನಗೌಡ ಬಿರಾದಾರ, ಡಾ. ಮಾಂತೇಶ ಜಾಲಗೇರಿ, ವಿಡಿಎ ಅಧ್ಯಕ್ಷ ಗಂಗಾಧರ ಸಂಬಣ್ಣಿ, ಹಣಮಂತ ಚಿಂಚಲಿ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಸುರೇಶ ಹಾರಿವಾಳ, ಜಗದೀಶ ಕೊಟ್ರಶೆಟ್ಟಿ, ಶ್ರೀಕಾಂತ ಕೊಟ್ರಶೆಟ್ಟಿ, ಕರುಣಾಕರ ಚೌದ್ರಿ, ವಿನುತ್ ಕಲ್ಲೂರ, ಎಂ.ಜಿ. ಅಡಿಗೊಂಡ, ರವಿ ರಾಠೋಡ, ಪ್ರಶಾಂತ ಮುಂಜಾನೆ, ಸಂಕೇತ ಬಗಲಿ, ಆನಂದ ವನರೊಟ್ಟಿ, ಸಂಗಮೇಶ ಜಾಲಗೇರಿ, ಬಸವರಾಜ ಹಾರಿವಾಳ, ಜಗದೀಶ ಬಿಜಾಪುರ, ಮನ್ನಾನ್ ಶಾಬಾದಿ, ಪಿ.ಐ. ಗುರುಶ್ಯಾಂತ ದಾಶ್ಯಾಳ ಸೇರಿ ರಾಷ್ಟಿçÃಯ ಬಸವಸೈನ್ಯದ ಪದಾಽಕಾರಿಗಳು ಹಾಗೂ ವಿಜಯಪುರ ಸೈಕಲ್ ಗ್ರೂಪ್ ಸದಸ್ಯರು ಉಪಸ್ಥಿತರಿದ್ದರು.